خد بالك .. للسيدات حتى الساعة التاسعة مساءً 9م جديد انسان نادر

    • خد بالك .. للسيدات حتى الساعة التاسعة مساءً 9م جديد انسان نادر







      امبارح كنت في مشوار بمترو شبرا الخيمة والمفروض استني واحد زميلي في محطة كلية الزراعة علشان نرجع ونركب لحلوان، وللأسف المحطة مفيهاش كوبري أو نفق علشان اغير اتجاهي من شبرا الخمية للجيزة، فاضطريت اركب لمحطة شبرا الخيمة وابقى اغير من هناك.

      فالمترو كان خلاص هيمشي فروحت راكب العربة اللي قدامي بسرعة وبمجرد ما طلعت الباب قفل ورايا على طول، وانا جوه لقيت بنت بتبصلي بصه متفاجئة زي ما تكون عايزة تقولي انت ايه اللي جابك هنا!
      بصيت حواليا، اكتشفت اني من الاستعجال ركبت بالغلط عربة السيدات، لأني ملقيتش غير 3 بنات بس في العربية ومفيش رجالة تانيين غيري !

      فضلت محرج لغاية ما المترو وقف ونزلت منه بس الحمد لله النزول كان في نهاية الخط وكانت المحطة فاضية، والحمد لله مقابلتش حد من حبايبنا بتوع الأمن وإلا كان زماني في الــ ..

      بس بصراحة برضو العربية مفيش أي حاجة تميزها عن العربيات التانية إلا اليافطة الباهته اللي فوق اللي بتقول:
      "للسيدات حتى الساعة التاسعة مساءً 9م"

      على أي حال هو كان موقف فاشل جداً ..








      المصدر :انسان نادر


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية
      وأدعوكم للإستفادة بمقالات متقدمة في مجال التقنية والأمن الإلكتروني
       رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
       المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
       والكثير من أسرار التقنية في عالمي الثاني       Eagle Eye Digital Solutions