تجربة ويندوز 7 الفاشلة جديد انسان نادر

    • تجربة ويندوز 7 الفاشلة جديد انسان نادر



      جربت نسخة ويندوز 7 "ألتيميت" وكان ليا بعض ملاحظات عليها:
      أولاً: بطيئ في عملية التركيب زي ويندوز فيستا


      ثانياً: النسخة لما استخدمتها حسيت بالغربة والكآبة شوية بعكس ويندوز XP لما اشتغلت عليه أول مرة من بعد الويندوز 98
      أو يمكن لأني مش مهيأ ذهنياً ونفسياً لأني أبداً اتعرف على نظام تشغيل ويندوز جديد

      ثالثاً: في حاجات طبعاً ميزت النسخة 7 عن XP زي تعريف كارت الصوت تلقائياً من غير اسطوانة تعريفات الماذربورد.

      رابعاً: ملقيتش شيئ جديد يميز ويندوز 7 عن ويندوز XP من حيث سرعة الآداء إلا بنسبة بسيطة، بالعكس لقيت خصائص إتبدلت أو إتلغت من اللي كانت في XP.
      اللهم إلا الأيقونات والتوزيعة الجديدة للقوائم وشوية خواص إضافية للتأمين، ورسائل التأكيد المتكررة قبل أي خطوة بتتم، غير شوية حبشتكنات تانية كده.

      متوغلتش كتير في ويندوز 7 وقررت أرجع للـ XP من تاني لأنه أبسط منه ومن الفيستا بكتير


      وناوي مستقبلياً بس لما أهدأ ذهنياً ونفسياً شوية طالما اني هغير بقى، يبقى اغير البلاتفورم بتاعت الويندوز دي خالص وانقل على حاجة تانية زي اللينكس و توزيعاته التانية الكتير
      لأنها خطوة محتاجة جرأة لأني هتخلى عن مميزات كتير في ويندوز وأهمها برامج
      لأني حقيقي زهقت من مايكروسوف والتبعية ليها وللتكنولوجيا بتاعتها على طول الخط سواء في انظمة التشغيل أو في البرمجة أو في أي حاجة
      لأني متأكد إن المستقبل مش هيبقى لمايكروسوفت ولا لسياستها






      المصدر :انسان نادر


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية
      وأدعوكم للإستفادة بمقالات متقدمة في مجال التقنية والأمن الإلكتروني
       رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
       المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
       والكثير من أسرار التقنية في عالمي الثاني       Eagle Eye Digital Solutions