- مصر مش محتاجة رئيس جمهورية لأن فيها 76 مليون رئيس جمهورية كل واحد فيهم رئيس جمهوريته.
- علمتني الحياة في مصر، إنها البلد الهزلي الأول في العالم.
- لما يجي اليوم اللي نمشي في الشارع ونلاقي عربيتين عاملين حادثة واصحاب العربيتين مش بيتخانقوا مع بعض، ساعتها بس نقدر نقول إن مصر بقت دولة متحضرة.
- علمني السفر خارج وداخل مصر أن أعيش على أرض الله كالغريب أو عابر السبيل سواء على أرض مصر أو أي أرض تانية.
- علشان تعرف تسوق عربية في مصر خلّي أعصابك في ديب فريزر.
- إوعى تدي ثقتك الكاملة بنسبة 100% لأي حد ، لو ضروري إدي 90% واحتفظ بالـ 10% الباقية لنفسك.
- لو فكرت انك تاخذ أمور الحياة بجدية في مصر، تأكد انك انت الوحيد اللي هتتعب مش أي حد تاني.
- طول ما المصري حاسس ان مصر مش بتاعته ، هيفضل مُهان في كل بلاد العالم.
- طول ما انت في مصر إقفل باب شقتك وباب عربيتك وباب الحمام العمومي .. كويس أوي.
- طول ما انت في مصر .. يا تعيش بلطجي ، يا تعيش مسنود ، يا تنداس بالجزم.
- كل يوم بغير فيه مكان شغلي بيتأكد، ليا إن مصر فعلاً بلد مفيهاش حد بيشتغل بجد ، اللي بيشتغلوا كام واحد والباقي يا بيلعب أو بيساعدهم.
- حركة كفاية وحركة حماية وحركة 6 ابريل وغيرهم، أكدت لي إن الشعب المصري شعب بتاع "حركات"
المصدر :انسان نادر
¨°o.O ( على كف القدر نمشي ولا ندري عن المكتوب ) O.o°¨
---
أتمنى لكم إقامة طيبة في الساحة العمانية
---
أتمنى لكم إقامة طيبة في الساحة العمانية
