للأسف مصر من الدول اللي الالتزام فيها بيكون عبء ومصدر ازعاج للغير ... إزاي
مثال 1 : لما تكون ملتزم في مواعيد العمل وفي آدائك لشغلك ، ممكن تلاقي بعض من زمايلك الغير ملتزمين ، يبدأوا يتحينوا الفرص عشان يمسكوا عليك غلطة أو عشان يخلوك تنساق معاهم في سكة عدم الالتزام ، وده لانهم شايفين انك متميز عليهم أو عشان التزامك ده هيخلي المدير يقارنك بيهم ويبتدي يفتح عنيه عليهم وعلى عدم التزامهم ويضيق عليهم ويشتغلهم في الازرق بقى.
مثال 2 : لما تكون غير مدخن أوحتى ملتزم بعدم التدخين سواء داخل مقر عملك أو في مكان عام وتلاقي زميلك أو أي حد تاني بيشرب سجاير ، يوم ما تشتكي بأنك تعبان من السجاير وإن التدخين ممنوع أساساً في المكان ، يبقى انت كده عايز تقلق راحة اللي بيدخن ده !
مثال 3 : لما تكون سايق عربيتك وملتزم بقواعد المرور وبالسرعة القانونية والإشارات والحارات و.. و.. ، تلاقي العربيات اللي حواليك واللي وراك شغالة كلاكسات وأنوار وغيرها ، ويا سلام لو كان منهم سواق مكروباص مفيش مانع يديك كلمة أو يريح عليك بعربيته أو .. أو ، من منطلق انك عايش في دور الملتزم .. أو بالبلدي "سواق نايتي" !
الأزمة الحقيقية مش مجرد رفض غير الملتزمين لالتزامك ، لكن المشكلة الحقيقية هي إن غيرك بيحاول يجبرك انك تبقى غير ملتزم زيه ، سواء بطريقة مباشرة أو غير مباشرة ، عشان يبقى مفيش حد احسن من حد ، أو نبقى كلنا في الهوا سوا ، أو نبقى كلنا على راسنا بطحة ..
مثال 1 : لما تكون ملتزم في مواعيد العمل وفي آدائك لشغلك ، ممكن تلاقي بعض من زمايلك الغير ملتزمين ، يبدأوا يتحينوا الفرص عشان يمسكوا عليك غلطة أو عشان يخلوك تنساق معاهم في سكة عدم الالتزام ، وده لانهم شايفين انك متميز عليهم أو عشان التزامك ده هيخلي المدير يقارنك بيهم ويبتدي يفتح عنيه عليهم وعلى عدم التزامهم ويضيق عليهم ويشتغلهم في الازرق بقى.
مثال 2 : لما تكون غير مدخن أوحتى ملتزم بعدم التدخين سواء داخل مقر عملك أو في مكان عام وتلاقي زميلك أو أي حد تاني بيشرب سجاير ، يوم ما تشتكي بأنك تعبان من السجاير وإن التدخين ممنوع أساساً في المكان ، يبقى انت كده عايز تقلق راحة اللي بيدخن ده !
مثال 3 : لما تكون سايق عربيتك وملتزم بقواعد المرور وبالسرعة القانونية والإشارات والحارات و.. و.. ، تلاقي العربيات اللي حواليك واللي وراك شغالة كلاكسات وأنوار وغيرها ، ويا سلام لو كان منهم سواق مكروباص مفيش مانع يديك كلمة أو يريح عليك بعربيته أو .. أو ، من منطلق انك عايش في دور الملتزم .. أو بالبلدي "سواق نايتي" !
الأزمة الحقيقية مش مجرد رفض غير الملتزمين لالتزامك ، لكن المشكلة الحقيقية هي إن غيرك بيحاول يجبرك انك تبقى غير ملتزم زيه ، سواء بطريقة مباشرة أو غير مباشرة ، عشان يبقى مفيش حد احسن من حد ، أو نبقى كلنا في الهوا سوا ، أو نبقى كلنا على راسنا بطحة ..
لسه كتير أوي على المصريين عشان يحسوا بـــ .. متعة الإلتزام !
المصدر :انسان نادر
¨°o.O ( على كف القدر نمشي ولا ندري عن المكتوب ) O.o°¨
---
أتمنى لكم إقامة طيبة في الساحة العمانية
---
أتمنى لكم إقامة طيبة في الساحة العمانية
