إعتزال الأحداث جديد انسان نادر

    • إعتزال الأحداث جديد انسان نادر

      كل فترة بتظهر على السطح قضية أو أحداث جديدة ، سواء في مصر أو الوطن العربي أو العالم ، والناس تفضل تتكلم عليها وتبقى هي شغلهم الشاغل ، سواء قضية فنية أو رياضية أو سياسية أو دينية أو اجتماعية أو إعلامية أو إقتصادية أو .. أو .. أو


      الأحداث بتيجي وتنتهي وكأنها لم تكن ، تبدأ كأنها إعصار وتنتهي كأنها زوبعة في فنجان !
      على سبيل المثال : أزمة مصر والجزائر بعد ماتش الكورة ، وبعدها مشكلة الجدار على حدود مصر وغزة ، وبعدها ترشيح البرادعي ،القضايا الأزلية عن الفساد والنهب يومياً في مصر .. ولسه جاي غيرها
      ده غير ان بعض الأحداث أو الأزمات دي مستمرة وممتده على مدار السنين ، ومفيش أي مستجدات بتحصل فيها ، واللي نبات فيه نصبح فيه ، زي مثلا طغيان أمريكا وإسرائيل في فلسطين أو العراق أو أفغانستان ودول العالم الثالث أو اضطهاد المسلمين في العالم أو الفتنة المزعومة بين المسلمين والمسيحيين وغيرها وغيرها

      لقيت إنه من العبث إني أفكر في حلول للمشاكل أو القضايا دي، لأنه الواقع كله كلام في كلام لا هيودي ولا هيجيب اللهم إلا كنوع من فضفضة العاجز
      البعض بيقول إن ده نوع من الهروب من المواجهة ، أو نوع من السلبية ، أو نوع من ضعف الإرادة ، أو انطوائية وانعزال ، أو لمحة من السيكوباتية .. إلخ
      لكن ده الواقع ، ياما ناس أكتر مني علم وفكر وثقافة وإرادة ونفوذ وسلطة ، وضعوا أو اقترحوا حلول ، لكن أغلبها كان مصيره زي الصفر على الشمال ، أنا بقى اللي هغير الكون !!!!

      الخلاصة إني محتاج أحط لنفسي استراتيجية جادة لتحديد الأمور اللي تستحق مني الأولوية في التفكير فيها ولا يمكن أعتزالها ، خصوصاً اللي ليها تأثير مباشر عليا


      كفاية علي مشاكلي لوحدها ، مش ناقصة اني اشيل مشاكل الكون على راسي !








      المصدر :انسان نادر


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية
      وأدعوكم للإستفادة بمقالات متقدمة في مجال التقنية والأمن الإلكتروني
       رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
       المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
       والكثير من أسرار التقنية في عالمي الثاني       Eagle Eye Digital Solutions