ماذا تفعل لو كنت مكاني ؟؟! جديد انسان نادر

    • ماذا تفعل لو كنت مكاني ؟؟! جديد انسان نادر

      مفاجأة :

      امبارح بالليل وانا في طريقي للبيت ، كنت ماشي في منطقة هليوبوليس - مصر الجديدة ، و انا ع الرصيف لقيت سلسلة مفاتيح فيها حوالي اربع مفاتيح ، مفتاح كالون مكتب وثلاث مفاتيح كالون باب الله أعلم بتوع ايه

      إجراء :
      لا ارادياً لقيتني اخذت سلسة المفاتيح ووقفت مكاني شويه ، بصيت يمين وشمال يمكن الاقي حد يكون بيدور عليها أو حاجة لكن مفيش أي شيئ ملفت للنظر..

      شعور :
      وبدأت الحيرة القاتلة تتسلل لنفسي ، حسيت بكذا شعور ، حسيت انها أمانه وربنا حطها في رقبتي ، وحسيت بأني مسؤول تجاه صاحب السلسلة ، وحسيت بالعجز ، وحسيت بفضل ربنا عليا .. ومشاعر تانية كتير مبهمه

      قرار 1 :
      قولت طب آخدها واروح اسلمها في قسم البوليس ، وبعدين قولت في بالي أكيد هيستهتروا بيا ويقولوا ايه اللي جايب سلسلة مفاتيح ده ! ، أو ممكن يخلوني مثلاً اعمل محضر اثبت فيه اني لقيتها والأدهى انه تكون السلسله مسروقة من حد والاقي نفسي بقى متهم أو مشترك في قضية سرقة ، أو يمكن متهم في جريمة قتل في النهاية...
      - المهم صرفت نظر عن الفكرة لحسن الاقي نفسي وقعت في مشكلة من مفيش.

      قرار 2 :
      قولت طب آخد السلسلة وامشي وادور على صاحبها في المنطقة واشوف في حد ضايع منه حاجة أو لأ ، لقيت هبقى عامل زي اللي بيدور على إبرة في كوم قش ده غير الناس اللي بتحب تستظرف نفسها عمال على بطال
      أو ممكن صاحب السلسلة يكون رجع يدور على المفاتيح في سكته المعتاده وميلاقيهاش عشان انا أخدتها من مكانها....
      - لقيتني برضو صرفت نظر عن الفكرة لأنها مش عملية.

      قرار 3 (نهائي) :
      في النهاية .. بصيت يمين وشمال ملقيتش حد حواليا ، عملت مش واخد بالي وروحت موقع السلسلة من ايدي في نفس مكانها.
      وأخدت بعضي ومشيت ، وعاد الحال زي الأول ، وحاولت مفكرش في الموقف ده مطلقاً وكأنه لم يكن ، اللهم إلا إذا كان في بعض من تأنيب ضمير وانا في طريقي

      نتيجة :
      للأسف الموقف ده بين لي حاجات كتيرة في شخصيتي وفي شخصية المجتمع اللي انا عايش فيه ، سواء كانت سلبيات أو إيجابيات

      تسجيل موقف :
      حبيت أسجل الموقف ده للزمن يمكن يتكرر الموقف نفسه بصورة تانية في يوم من الأيام ، وبرضو عشان أعيد نظر فيه واشوف مين اللي كان غلطان فينا :

      [B]أنا .. وللا المجتمع .. وللا صاحب الميدالية
      .. وللا احنا الثلاثة

      ؟؟؟؟!!!!

      [/B]





      المصدر :انسان نادر


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية
      وأدعوكم للإستفادة بمقالات متقدمة في مجال التقنية والأمن الإلكتروني
       رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
       المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
       والكثير من أسرار التقنية في عالمي الثاني       Eagle Eye Digital Solutions