يقول خالد السديري :


يـنــاديــنــي لــفـــعـــل الــــجــــود (زايــــــــد)
ســــنــــافــــيٍ يــــضــــيــــم ولا يــــضــــامـــــي
تـــــرفـــــع بــالــحـــســـب حـــــتـــــى تـــــعــــــلًى
ويـــشـــهـــد لــــــــــه يـــمـــانــــيٍ وشـــــامـــــي
شـــهـــودٍ بـــانـــه أكـــــــرم مـــــــن سـكــنــهــا
بــفـــيـــض مــــثــــل مــــأمــــور الــغــمــامـــي
وخـــلـًـــف عـصــبــتــه بــــيــــض الــوجـــيـــه
عــلــيــهــم كــــــــل مــانــصــبـــح ســــلامـــــي
تــــــمـــــــادو بــــالـــــجـــــدود وبــــالـــــحـــــدود
ديـــــــــــــــار وحـــــشـــــوهـــــا لـــلـــنـــعـــامــــي
وعــــــــــــــادات تــــورخـــــهـــــا الـــســـنــــيــــن
ســــجــــل مــــعــــرض أخــــبــــاره وأقــــامـــــي
وقــــلـــــطـــــات وقـــايــــعــــهــــا فـــــجـــــايـــــع
رعـــــــوا بـظــلالــهــا عـــشــــب الــوســـامـــي
رعـــــــوا قـطـعـانــهــم فـــــــي كـــــــل خـــايــــع
مــــن أرض الــشــام لــيــن حــــدود يــامـــي
فــــــــعــــــــولٍ لا عــــــــلالــــــــيٍ فــــعــــلــــهــــا
بــــســـــوالــــيـف وتـــــــرديـــــــد الـــــكـــــلامـــــي
ولــــــــــــــــولا فــــعــــلــــهــــم مـــاجـــنـــبـــوهــــم
ولاشــــــربــــــوا عــــــذيـــــــات الـــجـــمـــامــــي
وقـفــوا مـــع جـارهــم حــتــى ضـمـنــوا لــــه
عـــــــن أقـــــــدار الــــولــــي رب الــمــقــامــي
ومـــــن شـــــاف الـــعـــزازي فــــــي عــيــونــه
أقــــــــــام بـــــكـــــل مـــــالـــــه واســتـــقـــامـــي
حــمـــوه(أولاد زايــــــد ) فــــــي حــمــاهــم
إلـــــــى صــــــــدًر ردى الــــخــــال ضــــامــــي
غذايا (الأزد) والا الجد ( زايد)
حــــمــــول الــخـــيـــل مــبـــعـــدة الــمـــرامـــي
بــنـــو فـــــوق الـســحــاب قــصـــور مــجـــد
ورفــعـــهـــا عــــامــــر الــــحــــر الــقــطــامــي
كـــــــــــرام يـــمــــنــــون الـــــلــــــي زبـــنــــهــــم
الـــــى ضـــــاع الــحـــلال مــــــن الــحــرامــي
مــــراهــــيـــــف خـــــــذوهـــــــا مــــاشـــــروهـــــا
تــضــيـــع بـــهــــا مـشــاهــيــب الــظـــلامـــي
مـــــراهـــــيـــــف ضــــرايــــبــــهــــا رزايــــــــــــــــا
غـــــدا فـيــهــا الـطـبـيــب مـــــع الـمـحــامــي
صــــقــــيـــــلات يـــشـــيـــلــــن الـــمـــنــــاكــــب
يــــــتــــــادن بــــالــــذهـــــاب وبـــالـــعـــدامــــي





يقول مسعود المقابلة الدوسري :


بــــاســــم الإلــــه الــواحـــد الـمـعـبــود
أبـــــــدى بـــذكــــره بـــــــاول الـــمــــارود
واصــــب قــــافٍ كالـجـنـيـه الـصــافــي
مـثــل الـعـسـل واقـطــع مـــن الـبـالــود
مــــن هــاجـــسٍ لا نـاطــحــت قـيـفـانــه
قـامــت تـداحــم لـــي عـلــى المـعـهـود
أكــتــب واراجـــــع كـــــل فــعـــلٍ طــيـــب
أفـــعـــال ربـــعـــي كـاسـبــيــن الـــفــــود
وذكــــر الــرجــال الـطـيـبــة بـافـعـالـهـا
هـو غايـة الشـاعـر وهــو المقـصـود
واخــيــر مــامــدح بالـقـصـايد ربــعـــي
ولاغــيـــر مـــــدح الـطـيـبـيــن عــــــدود
ربـعـي هـــل الـعــادات سـقــم الـعــادي
(دواســـرٍ) تـرســي ســـواة الــطــود
خطـلان الايـدي والفعـول مجربـه
مــن عصـرنـا الحـالـي لعـصـر جــدود
أولاد ( زايــــــد ) زايـــديــــن بـفـعـلــهــم
وعـيـال (تـغـلـب) كاسـبـيـن الـجــود
وخـويــنــا نـــاســـم عـــصـــاه تــســيّــره
كــن الـخــوي مـــع صـاحـبـه مـوجــود
ونـعــطــي عـطــايــاً مـــاوراهـــا مـــنّـــه
عـطـيــة سـويــقــي عــطـــى الـمــولــود
وخضـيـر بــن شـامـان راعي الـحـرشـا
مـعــطــي عــطــايــاً مــالــهــن حــــــدود
الـلـي عـطـى فــي يـومـه مـيـة نـاقــه
يـــــوم الــرجـــال يــكــودهــا الــمــفــرود
عــزوة حـســن مـــن يـومـهـا لا يـومـنـا
مـا نـلـحــق جـــــزال الـفــعــول جــحـــود
وبـيــع الـلـحـم عـيــبٍ علـيـنـا عـايــب
والـــمـــاء عـلـيــنــا بـيــعــتــه مــنــقـــود
ولا نــــاكـــــل الـــفـــجــــوة ولا نــقــبــلــهــا
عــــزة نــفــوس فـــــي فــعـــول اســـــود
والـضــيــف قـــــدره عــنــدنــا مـثـلــوثــة
يــــوم الــقــرى عــلــى الــرجــال يــكــود
و (عامـر) بقـدر الضيـف فعلـه بيّـن
كــــرايـــــمٍ مــــاجـــــا لــــهـــــن نّــــــــــدود
كـرامـتـه للـضـيـف مـــن حــيــل الــبــل
تـسـعــيــن غـــيـــر الـــشـــاة والــقــعــود
فـــي ديـــرةٍ تـجــذى الـمـنـاوي دونــهــا
عـنــهــا نـــعـــدي بـالـنــمــش ونــــــذود
ديــــــرة نــخــيــلٍ مـايــطــيــر غــرابــهـــا
لـــيــــال ظــايــفــهــا لــــيــــال ســــعــــود
وديــــــرة جـــهــــام مــايــزعـــزه الـــنــــذر
مـــنـــداً مـــســـاس ومــنــهــلٍ قـــرهــــود
دارٍ حـمـيـنــاهــا بــســـيـــف وبــــنــــدق
قــــــــدام يــطـــلـــع دولــــــــةٍ وحـــــــــدود
بيـن (العتيبـي ) و (قحطـان) وحلفهـم
و(سـبـيــع) و (الــمــره) هــــل الـنــفــود
شرقـيـهـا (العـجـمـي) بـخـيـل وســلــه
وجنـوبـهـا (الـيـامـي) إلـــى الأخــــدود
يرسـخ بهـا الـغـرس المـظـل الـداجـي
وترعي بها البـل بيـن وضـح وسـود
قـسـومـنــا لا مـــــن عــلـــن سـهـومـنــا
لا بـــيّـــن الــصــامــل مــــــن الـــشـــرود
مــا جــاتــنـــا عـــــطـــــى ولا نـــحـــايــــل
مــــن حـفـنــا مــاجـــت بــدفـــع نــقـــود
بمـشـلـشـلٍ يــفــرى الـنــحــر مـظــرابــه
لا مــــــن لـــحـــق لــبــاســة الــمــاهـــود
قــرايـــع الـشـجــعــان مــــــن حـفـانــهــا
ســـنـــدٍ غــواربــهــا عــــــراض خــــــدود
نبـرى لـهـا مــن فــوق قــبٍ و ضـمـر
نـنـحــي الـجـمــوع ونـحـتـمـي الـبـلــود
يــامـــا نـحـيـنــا دونــهـــا مـــــن نــمـــرا
عـقـب الطـمـع وقـفــت بـهــم عـرجــود





يقول دخيل الله الشكرة الدوسري :


لي لابتةٍ من سد مـارب تحـدروا
أحـرار مايمـشـون بالقصـيـر
متيهة شمخ الذرى عند العـدا
وعن الخوف مـا ردوا لهـا نشيـر
تخيروا من نجد واخـذوا خيارهـا
تخيـرو فيـهـا بــلا تخيـيـر
وخيارنـا خذنـاه بالسيـف والقنـا
محـدٍ عطانـا أيـاه نيـة خيـر
خذنـا ديـاراً مدجيات غروسهـا
يـوم المكاسـب نـاقـة وبعـيـر
من الخرج للهضب المسمى ديارنا
دار آل زايـد مالـهـم خشـيـر





ويقول دخيل الله الشكرة :


لي ديرة يمة سهيلٍ إلى بدا
حدر النعايم يوم تبدي نجومها
من الخرج إلى الهضب المسمى يحدها
سهالها وجبالها مع حزومها
دار لنا ماهيب دار لغيرنا
يوم العرب حازت بنجدٍ قسومها
الجار يهمل به ويامن بها الخوي
وبين ال زايد حاميتها وسومها
خذناه يوم إن القنا يقرع القنا
بالسيف ماندر عليها سهومها
دار حميناها وصنا حماها
بالسيف الاملح والزنايج رسومها
وصية من زايد خصنا بها
وصى بها وانا علينا تمومها
وصى بها فتخان الأيمان غلمه
ارواحها يوم الملاقا تسومها
قوما تبيع ارواحها دون دارها
حيثا إن دون الدار محد.ن يلومها
قبيلةٍ ماهيب تجلب جزورها
ولا ذكر بيع اللحم في سلومها
ويامن بها اللي خايفٍ لا لجالها
عقب السهر عينه تهنى بنومها
ولا جال في قلبه من الخوف رامع
في راس عيطا من صوالي سمومها
ديرة مصانيم الدروع ال زايد
اللي مشت بين البرايا علومها
يشهد لها التاريخ بالمجد والفخر
والشاهد الثاني مضارب سهومها
عاداتهم رد الطماميع دونها
وللطير والسرحان ترمي لحومها
كم قايدٍ جاء في جموع يقودها
ثم عودة منا وساع ثلومها
وختامها بازكى صلاة على النبي
عداد ماهل المطر من غيومها





يقول أحد شعراء الدواسر :


لي ديرة قبليها في حوضا
وشماليها المشقوق والرقاش
وجنوبيها العد المسمى آل زايد
مضماه خرب ومن وراه مناش
سكانها وداية من جدارها
دواسر إلى جات الدهور هشاش







يقول شيخ قبيلة آل محيي اليامية :


بني زايد اللي تنطح الضد فـي الميعـاد
دواسر تمكـن فـي عداهـا مضاربهـا
هل العرف واهل السيف والمنسف المعتاد
واهل جيرة ياسم عصا الجار صاحبهـا
لهم هيبة أثقل مـن العـارض المنقـاد
تحامت على ابن مطرف يـوم لاذ بهـا
بغاه الشريف ولا حصل للشريـف مـراد
برز لـه طحاطيـحٍ تفـتـل شواربـهـا
تعلوا ظهور الخيل دون الدخيـل عمـاد
ولهم دولة الاشراف طاحـت مناصبهـا
هذا والقصيدة في عريب الجـدود تعـاد
من اقصى حقيقة كلمـة الحـق نكتبهـا
أبيها الـى مـرت علـى واحـد حسـاد
يقنع بها نفـس الـردى لـو يغضبهـا
وابيها الى مـرت علـى واحـد جحاد
يعـرف الثنـا ويـرد للنـاس واجبهـا
وابيها الى مرت علـى مجلـس النقـاد
يقولـون مـا فيهـا كـلام يعذربـهـا





يقول الشيخ جريس بن جلبان من آل حبيش من قبيلة العجمان :


أوي ديره بيـن حمـر النفايـد
قبليها الجزلا وخـربٍ وراهـا
ديرة مصانيم الـدروع آل زايـد
هل كرمةٍ من قل مالـه نصاهـا
أهـل بيـوتٍ كنهـن الفـرايـد
يا من بها المجرم ليا من وزاهـا
اعتضت أنا فيها الوجيه الزهايـد
ضعاف النفوس اللي يبيعون ماها
خله تعـود دام اثرهـا جدايـد
تنصى آل زايد مكرمة من نصاها







قصيدة مانع بن زريق العجمي يمدح خواله الدواسر :


تغنيت باسم عجيم جدي وجـدي يـام
ومن ديرة الدامر بسـوق القـدم يمـه
إلى وادي العود الفحل دوسر الضرغـام
راعي الوادي المسمى مهو وادي الرّمـه
ظنا زايد وتغلب تحط العلـوم أقسـام
كلامٍ عليـه الحلـف والنـذر والذمـه
تعنى الشريف لدارهـم معتليـه عـرام
وردت عزاويـهم بعـد جورهـم يمـه
تعدى القبايـل ساكنـه يبتحـص قـدام
وبعد ماوصلهم قصوا اشنابـه وكمـه
فهم مزبن الساطي وهم ملتجى المنضام
وهم فزعة المضهود هم نقـوة الامـه
وهم ملتقا الهاشل وهم نصرة الإسـلام
وهم مدت المحتاج هـم للخـوي دمـه
وهم حكمة المجلس وهم عزوة الزهـام
وهم ضحكة الحجان هم للعـدو غمـه
وصاة الرسول بجارهم طبقت باحكـام
وكنه يخص الدوسـري خيـرة الأمـه
يسوقون جار البيت لو صابته الاسهام
ويدله غريب الـدار معهـم ولا همـه
ووسم العصا ما احدٍ سبقهم عليه شمام
هنا الفرق يا اللي تحفظ العلم وتضمـه
هل البل حماة الغرس لو ركزت لاعلام
حمى دارهـم لوجّـرت الضـد ملتمـه
بمدح الدواسر شرهتي تلحـق الأقـلام
وحبرك بمدح الدوسري ياقلـم شمـه
يفوح العطر بكتابتك مع صبا الأنسـام
هل المدح لهم المدح واللاش له ذّمـه
سلامي لديرتهم واهلهـا سـلام هيـام
تحيات مشتاق اللقـاء طـاوي العّمـه

يقول الشاعر شــلعان بن ظافر الودعاني الدوسري :


الزايدي والتغلبي منبـع الكـرم
دواسرٍ يشكي العدو من جورها
نملك مداين بالسيـوف القطّـع
صوارمٍ روس الجماجم نقورها
يرسخ بنا غرسٍ تمايل عذوقـه
ولابنينا مـن وراهـا سورهـا
السور حد السيف والخيل والقنا
وذيدانا ترعى بعالـي قفورهـا
حن درعها الضافي وحنا جمالها
حتى غدت جنه تبارى نهورهـا
الغوينمي قد قالها فـي مثايلـه
دارٍ تلقت من سعدها سرورهـا
بدويـه حضـريـه شـاويـه
فيها المعاوش من جميع جذورها
حنا سكناها ويانعـم السـكـن
نحمي جوانبها ونجني ثمورهـا
بلادنـا راياتـهـا مرفـوعـه
توضي لياليها بنـور بدورهـا
يامانحينـا دونهـا مـن سربـه
لاقادهـا خيالهـا مصطورهـا
نسقيه من حوض المنايا جرعه
بشلـفٍ يورد حدهـا ممروهـا