- الشعب المصري على قد ما هو سهل جداً انك تكسبه، على قد ما هو سهل جداً جداً انك تخسره.
- أي رئيس قادم لجمهورية مصر العربية لا يصلح ابداً تكون عقليتة "عسكرية مُتمَدِنة" لكن لابد تكون عقليتة "مَدَنية مُتعَسكِرَة".
- فعلاً الأزمة اللي مرت بيها مصر بعد 25 يناير 2011 ، أظهرت الإنسان الأصيل من الإنسان اللي معندوش أصل.
- مصر مش هتبقى زي ما المصريين بيحلموا انها تكون إلا إذا تم توحيد المفاهيم والمبادئ الأساسية اللي بتنظم حياتهم وعلاقاتهم ببعضهم وببلدهم، بداية من رئيس الدولة لغاية أبسط مواطن.
- انسحاب الشرطة من الشوارع ،
تسريب المجرمين والخارجين عن القانون في الشوارع ،
موقف القوات المسلحة المحايد مع تنبيهها على الشعب بأنه لازم يحافظ على أمنه وممتلكاته بنفسه ،
كلها عوامل قتلت الخوف في داخل المواطن المصري.
- أسلوب محمد حسني مبارك وصّـل الشعب لدرجة إنه فقد الثقة فيه وفي كلامه وفي كل أجهزة الدولة تحت سلطته للأبد، لدرجة إنهم مش متحملين وجوده في السلطة ولو للحظة ، مش كده وبس، ده الشعب فقد حتى الثقة في أي حد جاي من ريحته.
- أكبر حالة صدمه في حياة محمد حسني مبارك هي صدمته في ردة فعل الشعب المصري ما بعد 25 يناير 2011 ، وأقدر أقول إنها كانت أصعب عليه من حرب أكتوبر.
- الشرطة المصرية محتاجة وقت طويل على ما تستعيد هيبتها واحترامها في عيون المواطن المصري ، خصوصاً إذا استمرت على سياسة البلطجة والإرهاب.
- لما يجي يوم والمواطن يدخل فيه لقسم الشرطة ويحس فيه بالأمان ، ساعتها بس الشرطة هتكسب حب وثقة الشعب عن جدارة.
- حرق أقسام الشرطة وسرقة أسلحتها ،
حرق نقاط التفتيش ،
حرق عربات ومصفحات الشرطة ،
كلها صور يتجلى فيها انقلاب السحر على الساحر.
- يوم 25 يناير من بعد ما كان يوم عيد للشرطة المصرية أصبح في نظر ناس كتير يوم نكسة للشرطة المصرية.
- تدخل الجيش لحل الأزمة الحالية ، أظهر الضعف البشع للنظام الأمنى بوزارة الداخلية.
- ما حدث يوم 25 يناير 2011 ويحدث الآن في ميدان التحرير هو مثال للحرب النفسية بين الشعوب والرؤساء.
- وجاري التحديث ، لغاية انتهاء الأحداث >>>>
المصدر :انسان نادر
¨°o.O ( على كف القدر نمشي ولا ندري عن المكتوب ) O.o°¨
---
أتمنى لكم إقامة طيبة في الساحة العمانية
---
أتمنى لكم إقامة طيبة في الساحة العمانية
