رسائل المجلس الأعلى للقوات المسلحة المصرية جديد انسان نادر

    • رسائل المجلس الأعلى للقوات المسلحة المصرية جديد انسان نادر


      وصلتني رسائل كتير خلال الفترة اللي فاتت دي من القوات المسلحة المصرية معناها كان مبهم وغير واضح بالنسبة لي منها مثلاً الرسالة دي ..

      من ساعة الرسالة دي ما وصلتني يوم 21/فبراير، وانا بحاول ألاقي تفسير محدد ليها مش قادر، غير كده إني أصبحت في حالة من التحفز والتأهب المستمر وكأني فعلاً في حالة حرب.


      وبالرغم من شهادة الناس بإني شخص هاديومسالم جداً وباجي على نفسي كتير عشان ما أضايقش غيري، إلا إني بدأت تسيطر عليا مشاعر مشابهة لمشاعر المحارب في المعركة، وفي حالة أي محاولة للتعدي عليا أو على مالي أو النيل مني أو يستضعفني بأي شكل هيكون رد الفعل مني في منتهى الشراسة والقسوة.


      وإذا كان في أي سبب للمحافظة على نفسي من الضرر أو إني أتقتل أو أصاب بجروح أو غيره، فهيكون بس علشان أحتفظ بكامل طاقتي وقوتي في الفتك بأي شخص بيحاول يتعدى عليا أو على حقوقي.

      وإبتدت تسيطر عليا أحاسيس متضاربة كتير منها مثلاً:
      - إني بتعامل مع مجرمين مفيش عندهم لا إحساس ولا قلب ولا ضمير ولا أخلاق ولا .. ، يعني من النهاردة خلاص هبقى بايع جتتي.
      - بعد كده المفروض إني آخد حقي بذراعي بعد كده من أي مفتري ، لا في شرطة هتبلغ فيها ولا جيش هيلحقك، انت لوحدك في المعركة.
      - لو حد من قطاع الطريق وقف قدامي وانا سايق العربية وفي إيده سلاح هدوسه وهحاول أعدي أي حواجز حاططها ع الطريق عشان يوقفني، حتى لو معاه طبنجه وللا آلي.
      - لو ماشي ولقيت واحد بيبلطج ع الناس في الشارع ودخل عايز يبلطج عليا انا كمان هدور على أقرب ماسورة أو جذع شجرة أو حجر وانزل فيه ضرب بعزم ما عندي لغاية ما أخلص عليه وانهشه بسناني وضوافري، العمر واحد والرب واحد.

      لكن رجعت قولت لنفسي .. لأ يا جدع انت مش كده، حكم عقلك وحط لنفسك استراتيجيات وأولويات في الدفاع عن نفسك وعن غيرك ، وأمن نفسك كويس واستمر في حالة التأهب، وامشي زي الرسول ما نصحك .. تفائل بالخير واحسن الظن بالله وهتلاقي الخير ان شاء الله.







      رسالة تانية يوم 26/فبراير من الرسائل اللي ملقيتلهاش تفسير، انتظرنا ثلاثين عاماً .. فلا مانع من الانتظار قليلاً فالقادم أفضل

      لكن استشفيت منها إن الجيش بيحاول يستميل الشعب ويكسب ثقته خصوصاً بعد حالة انعدام الثقة والتوازن اللي بتمر بيها البلد، وزي ما يكون بيقول للناس اصبروا على رزقكوا شوية !




      ويمكن الرسائل اللي جتلي بعد كده دي أكدت لي الإحساس ده:







      يمكن على قد ما انا متفائل ببكرة، على قد ما مجريات الأمور مخلياني في حالة من التوتر والتخبط.




      بدعي ربنا يعدي الأيام دي واللي جايه على خير






      المصدر :انسان نادر


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية
      وأدعوكم للإستفادة بمقالات متقدمة في مجال التقنية والأمن الإلكتروني
       رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
       المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
       والكثير من أسرار التقنية في عالمي الثاني       Eagle Eye Digital Solutions