~][*شــــوفوا مظاهرات المتلثمين شو سويو في المدراء الهنود خخخخ؟؟؟ عدنا اليكم *[][©]

    • ~][*شــــوفوا مظاهرات المتلثمين شو سويو في المدراء الهنود خخخخ؟؟؟ عدنا اليكم *[][©]

      ~][*شــــوفوا مظاهرات المتلثمين شو سويو في المدراء الهنود خخخخ؟؟؟ عدنا اليكم *[][©]
      [INDENT]



      نعم ضاربني كروب اني مداومة من غبشة مافي احلى من نومة الصبح وخاصة يوم الخميس يجيك غم على اولاد حكومة : بو يحسد : بصراحة اليوم جاية مبرطمة ودهمانة من اول الصبح ولابسة زنوبة مطبخ بالغلط خخخخخخخ لا تخبروا حد محد شافها ما طلعت شبر من مكتبي ,,, صح اعطيكم معلومة جديدة ان كثرة :


      الهياسة في العمل + قلة النوم = يسبب تجاعيد وصداع مزمن وخمول في الذنين = لا تداوم يوم الخميس ...
      اطالب يغيرون ساعات الدوام يخلوها من الساعة عشرة صبح الين ثنعشر ظهر والله كل يوم باداوم خخخخخخخ احلى شئ




      صح نسيت اسلم عليكم ... سوررري

      ياحي الله وسهلا بيكم يا شعب الترويح فترة طويلة ما كتبنا موضوع ولا خمسنا معكم ... وطبعا سبب اختفائي هو انشغالي في متابعة الاحوال السياسية اللي صارت في بلادنا الحبيبة ومتابعة اهم المستجدات واخر الاخبار عن المظاهرات وأعتصامات الشباب في الدواوير ومتابعة تصنيفات القذافي زنجا زنجا سكة سكة خخخخخخخ كل يوم يطلع لنا بشئ وحسني مبارك وغيرهم ..

      زنجا زنجا فرد فرد زنجا زنجا
      لكــــــــن انصدمت لما شفت سنوري الغبررر راقد ومعتصم معهم ويطالب بحقوقه وغمران ومتنان من اللظ بو يلظه هناك ..وضاربتنه الشمس برابر ..ووارم كرشه ..




      المهم راح اخبركم سالفة اخوي المضحكة في وقت المظاهرات وغضب شباب صحار ومطالبتهم بحقوقهم ..


      ..المووووووووووووووووووووووهيم

      اخووي يشتغل في شركة كبيرة رائدة في مسقط وعندهم مدير هندي ملقوف ومقورف مطلع عيون موظفين العمانين فقط يراقبهم ويعاقبهم على كل غلطة صغيرة وكبيرةويخصم راتبك بسرعة اذا تاخرت دقيقة ما يتفاهم ,


      ويتماطل معاهم من ناحية الزيادات ويدلع رباعته الهنود ومكبر راسهم ويرشيهم بالحل .. الموهم هنا تجيكم السالفة ... الله يسلمكم تعرفون بصفة عامة هالمدراء الوافدين الهنود خوافين لابعد الحدود والدليل ان المدير جاي يركض مفزوع لاخوي وجايب الجريدة وفيها صور تخريب المتظاهرين وحريق ودوشم دوشم





      وصورة المتلثمين حارقين مركز اللولو وطلعوا غمهم في الشاحنات وتفريغ غضبهم على الممتلكات العامة والحكومية .. وجاي المدير يتركض ينتفض ويصوب صبوعه العوجة ع المتلثمين ويقول :


      OH MY GOD, WHAT IS THIS DANGEROUS PEOPLE
      واخوي فيه تشة نذاله قال هاذي فرصتي الحين يسسس .. قال : هذول متعصبين وضاربين مسئول ومدير مركز تجاري اللولو وفالعين راسه بتاير اسبير مال شاحنه وهو في العناية المركزة ومااااااشي جلس المدير يهلوس ويتعرق يكلم عمره وقال : خلاص انا يريد يروح بلاد , هنا نفرات كله مشكله انا مافي يريد موت هنا احسن فيه موت بلاد مال انا ( بالترجمه طبعا ) وفي اليوم التالي وصل له خبر ان لازم يحضر اجتماع مهم للشركة لكن في فرع صحار صرخ بالهندي نيهيييييييييي وطلب من اخوي ان يسوق عنه السيارة وياخذه الاجتماع الى صحار ..يقول اخوي : جلست أتشوف على مديري بنص عين لما وصلت قريب صحم ضحكت على حالته شفته يتصبب عرق من صلعته .. وأخي الله يهديه جلس يخوف المدير ويرفع ضغطه زيادة من الحرة اللي فيه ويسويله افلام عصابات هندية والمدير يتخيل ويتلبط مكانه وقبل لا ينزل من السيارة يحضن شنطته ويتلفت يمين ويسار ويشرد داخل المبنى رررررركض واخوي يضحك من قلبه ع المدير . المهم خلصوا الاجتماع ورجعوا العمل بعد الظهر والمدير يتشحوط وين الدولة والديمقراطية والشرطة تمسكهم هالمتلثمين خاصة خلي يضربوهم وجلس طول الطريق يعبر عن شعوره وارتفع ضغط اخوي ..





      وف صباح اليوم لثاني يطش الشاي من حلق المدير ويزعق لاخوي وياشر ع الجريدة صورة متلثمين حارقين شاحنة وقال شوف شوف .. ويرد عليه اخوي :لا حول الله هذيلا يطالبون بحقوقهم وضاربين مدير هندي ونتوقع ان يوصلون هنا في اي لحظة .. ما يشوووف المدير وجهه صار طماط وشوي يزوع من الخوف ودخل المكتب,, وطلع الاخ وشاف اثنين من سكيروتي بوابة الشركة حمدان وشعبان وحدهم مرغدة وفوضاوين وخبرهم بسالفة المدير قالوا :
      عجب بنسوي له مقلب محترم عسب يتأدب عنا ونكسر بطرته ؟

      راحوا الجماعة تلثموا بمصر واختبوا وراء السيارات ويجي المدير يريد يطلع يركب السيارة يشوف اثنين متلثمين يركضون صوبه اقولكم عقها السيارة مشتغله وركض توووووووووربو داخل المكتب وقفل الباب وما طلع لين المغرب اتصل بالشرطة او اغمى عليه ..وماتوا من ضحك عليه ..

      في يوم ثاني تغيرت حالته 360 درجة صار ما يقرب صوب الموظفين العمانين ولا يرفض لهم طلب هههههههههه.. نجحت الخطة فرحوا من فوادهم نعم ؟؟


      واحتفلوا بزيادة الرواتب والله يحفظ مولانا حضرة صاحب الجلالة فخرا وذخرا للبلادنا الحبيبة ..
      لكـــن هنا يكمـــــــن الســــــــؤال :
      الى متى تعتمد شركاتنا على العماله الوافدة ومنحهم مناصب الكبيرة لديهم مثل مدير العام والتنفيذي وغيرها .. ولما لا تكون الاولوية للعمانين هل الثقة معدومة هل العماني غير امين ولا يقوم بعمله باكمل وجه ودائما الحجة تكون : لا يوجد لديه الخبرة الكافية .. اذاََ من إين سيجد المواطن العماني الخبرة المطلوبة اذا لم تسنح له اي فرصة ويستغلها في خدمة هذا الوطن الحبيب بكل حب وانتماء وجهد ..مع العلم ان الوافد ياتي لهذا البلد العطاء طمعا في خدمة نفسه فقط ويرحل لبلده محمل معه ثروات بلدنا.. اما المواطن العماني يمثل بلده ويخدم نفسه وابناء الوطن بكل مصداقية واخلاص لانه رمز الانتماء للوطن والمستقبل الواعد ..

      شكرا لمتابعتكم جميعا
      مع الثلامة


      [/INDENT]