- مع ثورة 25 يناير بدأ عهد جديد لنوع جديد من الفساد إنه يحل محل الفساد القديم لكنه لسه مش معروف أبعاده لحد دلوقتي.
- ثورة 25 يناير ، ثورة غير تقليدية بكل المقاييس ، وعلشان تتحقق الغاية المنشودة منها ، لابد من التعامل معاها بأساليب غير تقليدية برضو.
- بالرغم من إن ثورة 25 يناير قام بيها ناس مثقفين وواعيين ومكانش في نيتهم الاستفاده منها بأي مصلحة إلا نصرة مصر ، لكنهم فتحوا الطريق بدون قصد لفئات تانيةانهم يستفيدوا منها بكل حاجة حتى لو على حساب مصر.
- أهم مبدأ لو اتفق المصريين عليه هيبقوا أعظم شعب عرفته البشرية هو..
الفرد في خدمة الجماعة والجماعة في خدمة الفرد.
- للأسف العميق .. مع أن أهداف ثورة 25 يناير كانت واضحة وفي شبه إجماع عليها من أغلب طوائف الشعب ، إلا أن مبادئ الثورة مكانتش واضحة لأغلبية الشعب وده مع الأسف ضيع ومازال بيضيّع فرص ووقت كتير في تفاهات ومهاترات لحد دلوقتي.
- ثورة بلا مبادئ = حالة غضب عابرة
- ثورة بلا تخطيط أو رؤية مستقبلية واضحة = خطوة نحو الهاوية
- طول ما في أنانية وانتهازية في دم الشعب المصري ، ولا مليون ثورة زي ثورة 25 يناير هتصلح حاله.
- بعد ثورة 25 يناير الرئيس اللي ينفع لمصر لازم يكون "لافف وداير" أو بالبلدي "واحد مِـرَقــًّع" وعارف كل خرم إبره في البلد.
- ثورة 25 يناير ، ثورة غير تقليدية بكل المقاييس ، وعلشان تتحقق الغاية المنشودة منها ، لابد من التعامل معاها بأساليب غير تقليدية بكل المقاييس.
- ثورة 25 يناير أثبتت إن إبداع الشعب المصري إبداع لا ينتهي.
- بعد 25 يناير ، كل يوم بيمر على مصر ومش بيتم فيه إصلاحات متعمقة هنندم عليه وهندفع قصاده أيام كتير جداً في المستقبل.
- أسرار إصلاح مصر خلال المرحلة الجاية تختصر في الكلمات ..
*السرعة في اتخاذ القرارت
*الدقة في رسم السياسات وتنفيذها
*الحكمة في التعامل مع المستجدات
*فتح قنوات لا تنتهي بين الشعب والحكومة
*الإستفادة الكاملة من طاقة الشعب وجعلها طاقة متجددة
*الوضوح والمصارحة والمكاشفة وعدم التعتيم لأي شيئ مهما كان بسيط
- عمر ما ثورة 25 يناير هتحقق حاجة للشعب إلا لو الشعب اتخلى عن أسلوب الإكتفاء بالتعليق على الأحداث والمستجدات ويبدأ بالمشاركة فيها وصنعها بنفسه.
المصدر :انسان نادر
¨°o.O ( على كف القدر نمشي ولا ندري عن المكتوب ) O.o°¨
---
أتمنى لكم إقامة طيبة في الساحة العمانية
---
أتمنى لكم إقامة طيبة في الساحة العمانية
