كرنفال ميدان التحرير جديد انسان نادر

    • كرنفال ميدان التحرير جديد انسان نادر





      أول مرور ليا على ميدان التحرير كنت في مشوار يوم الجمعة 8 إبريل 2011 وكانت الساعة 10:00 ص ، وعديت على ميدان التحرير وانا راجع وصادفت إنه كان الجمعة اللي سموها "جمعة التطهير" يوم اليتيم اللي مر مرور الكرام على الناس !


      دخلت الميدان من ناحية شارع طلعت حرب ، وانا داخل الميدان لقيت 2 شباب ، دول مهمتهم الاطلاع على البطاقة الشخصية للي داخلين محيط الميدان ، وبيطلب بس انه يشوف ظهر البطاقة الشخصية.



      وبمجرد ما دخلت حسيت كأني دخلت مدينة ترفيهية أو كرنفال زي بتاع الكوربه في مصر الجديدة أو إحتفال من كتر الناس واليفط وألوان علم مصر والناس كلها متفائلة ومبسوطه .. أو جايز انا بيتهيألي !



      وبمجرد ما دخلت لقيت بياعين الشعارات وطواقي وتيشرتات وبوسترات وكارنيهات من بتاعت الثورة والكلام ده.

      ده غير بياعين الشاي والعرق سوس وعربيات الشندويتشات والحلويات .. وغيرها


      وبعدين لقيت كام مسرح كده منصوبين وناس واقفه عليها ، واللي بيقول شعر واللي بيغني واللي بيهتف واللي بيقول منولوجات وتريقة ع الريس .. وغيره وغيره.
      وكل واحد فيهم عايش مع نفسه في عالمه الخاص.


      من الشخصيات المعروفة اللي لقيتها هناك كان طارق النهري اللي كان واقف على مسرح من المسارح المنصوبة دي






      وانا خارج من الكرنفال ده ، لقيت أتوبيسات رحلات شكلها جاية من الأقاليم واقفة جنب المتحف من ناحية عبد المنعم رياض وناس تانيين نازلين منها على دفعات عشان يشاركوا في المظاهره.
      قولت آخد بعضى وأسيب المولد قبل الزحمة ، بقى وعشان كمان الحق صلاة الجمعة ، خصوصاً كمان إن بطارية الموبايل فصلت شحن !







      المصدر :انسان نادر


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية
      وأدعوكم للإستفادة بمقالات متقدمة في مجال التقنية والأمن الإلكتروني
       رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
       المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
       والكثير من أسرار التقنية في عالمي الثاني       Eagle Eye Digital Solutions