تسألني ليش أحبك ومالي على الرد حيله
أخاف لساني يخذلني وتعجز حروفي الكلام
أخاف أني أقصر وما ألاقي وسيله
توضح أسباب حبي أو هواجيس الغرام
بحاول أشرح أحساسي بمعاني أشوفها قليله
وأرجو منك تعذرني صعب تفسير الأحلام
أحبك لأجل الحب وغايتي بحبك نبيله
مالي بحبك أطماع أو هدف بلاقيه قدام
أحبك بكل أحساسي وبكل الليالي الطويله
أسهرها لاجل عينك هايم بحبك هيام
أحبك بكل صورة ترسمها الدنيا جميلة
أحبك بإحساس عاشق يشتكي قل المنام
أحبك بأريج ورده تربى في روضه ظليله
أحبك بألحان طيرن يغرد بأحلى الانغام
أحبك بغربة غريب السفر هد حيله
لقى بحبك أوطانه ونسى سود الأيام
أحبك بسهر شاعر يشكي نجوم ليله
يحاول يرتب أفكاره وماله لوصفك مرام
أحبك ببسمة طفل أتعبه طول عويله
لقى بحبك ملاذه وغفى بحضنه ينام
أحبك بكل معنى صعب تلافي مثيله
أحبك بإحساس أنوجد بين الأنام
أحبك ياعيدي يعد شهر الفضيله
لقيت بحبك زادي بعد طول الصيام
أحبك وأحبك وأحبك كلمة تبدو مستحيله
الله خلقها لعينك أما لغيرك حرام
أحبك وأرجو السموحه كلماتي بعدها بخيله
بس المهم تفهم أني أحبك
والسلام....