على فين وخدانا يا بلد

على فين السكة تودي..

ناس شايلاكي ف قلوبها

وناس ع الدماغ تدي..

ياما ناس ضحت بولادها

و ناس بتضحي ببلادها ..

ابن اللئيم يزرع دسيسة ف القيم

كفايانا يا ابني

شوك السنين اللي انزرع-

يا أم الشهيد اللي وجع..

ف قلوب الناس من غير خدع..

علميهم يمشوا على سراط القيم..

إنطقي

إصرخي من الألم..

نبرة صراخك

شايلة تقاوي الأمل.

.أه يا بلد

ليكي تاريخ ماينهدم..

اكتبوا ع جدران الزمن..

كان في مغارة

و صاحبها إتسجن