عندما تتحول الثورة إلى "سبوبه" جديد انسان نادر

    • عندما تتحول الثورة إلى "سبوبه" جديد انسان نادر




      * سبوبه رقم 1 : مطبوعات ومنشورات :-

      طباعة البوسترات والتيشرتات اللي عليها علم مصر وثورة 25 يناير ، والاستيكر الشهير اللي مغرق مصر بتاع 25 | ي ن ا ي ر اللي على شكل نمر العربيات اللي بيتلزق على العربيات في كل حته ، والبادجات والكروت اللي عليها صور الشهداء وجملة "الورد اللي فتح في الجناين" مع صورة الراجل اللي بيدي تعظيم سلام للشهداء.

      * سبوبه رقم 2 : الأغاني الوطنية :-
      أغاني بقت تتعمل على الثورة ، واللي كانوا بيغنوا على الناس وبيعملوا أغاني للريس وبطولاته ، هم نفسهم اللي بقوا بيغنوا للناس ولثورتهم وبيصورا كليبات في التحرير وحوارات من دي ، وطبعاً في مطربين ومطربات مش مصريين داسو في الحوارات دي ..!



      * سبوبه رقم 3 : شركات الدعاية والإعلان :-
      وطبعاً طالما في أغاني ، يبقى لازم يكون في إعلانات إتصل على 0900 وحمل أحدث نغمات ورنات ، بس المره دي خط أغاني الثورة !
      ده غير إن 90% من الإعلانات عن أي منتج ، لازم يبقى فيه حاجة من ريحة الثورة !

      * سبوبه 4 : شبكات المحمول :-
      شركات المحمول الثلاثة بقوا بيلعبوا على نغمة "بلدنا بتتكلم" و "المصريين يقدروا" و "كلنا هنكمل المشوار" ، "كلنا مع بعض دايماً" وغيرها من الشعارات المستوحاه من شعارات الثورة وطبعاً أعلام مصر اللي بقت في كل إعلاناتهم عمال على بطال.

      * سبوبه رقم 5 : الباعة الجائلين والأرزقيه :-
      خلاص ، أصبح في إرتباط شرطي بين ميدان التحرير وبياعين الشاي وعربيات العرقسوس والترمس والكسكسي والداندورما وغيرها ، وطبعاً والجماعه السريحه بتوع طاقية وزعبوط علم مصر ، ده غير الجماعة اللي بيرسموا علم مصر على وشوش المتظاهرين.

      * سبوبه رقم 6 : الحفلاتيه و الديجيهاتيه :-
      الجماعة اللي بيحيوا الأفراح والـ DJ وبيجيبوا سماعات ومسارح ومكروفونات لزوم الهتاف والذي منه اصبحت المليونيات والاعتصامات موسم بالنسبة ليهم.

      في مصر وبس ، فن إزاي انك تحول أي شيئ أو أي حدث أو حتى كارثة لـ "سبوبه"
      يا ترى ده بسبب عبقرية الشعب المصري ، وللا بسبب حاجة تانية ؟!!


      ولسه .. ولسه ياما نشوف








      المصدر :انسان نادر


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية
      وأدعوكم للإستفادة بمقالات متقدمة في مجال التقنية والأمن الإلكتروني
       رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
       المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
       والكثير من أسرار التقنية في عالمي الثاني       Eagle Eye Digital Solutions