السلام عليكم ورحمة الله وبركاته انا حلمت بانى فى محطة مترو (وسيله مواصلات) والمحطه كانت فاضيه وجه شاب وقدملى هديه عروسه لعبه عجبتنى اوى بس رفضت اخدها لانى مش بقبل هدايا من شباب وبعدين روحت وريته لاخواتى وعجبتهم اوى بس لما فتحت العلبه لما روحت لقيت جمب العروسه عريس وتانى يوم فى الحلم لقيت والدى داخل ومعاه شاب طويل وقمحاوى وفى وشى بقايا اثار حبوب وعجبنى اوى وعجبنى تسريحة شعره واختى قالتلى شكله احلى لما غير تسريحة شعره المهم دخلت عليه وانا لابسه ملابس كاشفه ذراعاتى وبشعرى وماكنتش مكسوفه منه مع انى فى الاصل مش بظهر كده قدام حد ووالدى ماكنش ممانع , وبعدين قعدت مع الشاب ده وغلطت فى اسمه هو فى الحلم اسموه محمود غلطت وقلت اسم تانى زعل بس اتصلحنا على طول فى وقتها وبعدين عملتلوه لبن وحطيت على شوكولاته وقلبت وكان طعموه حلو اوى , وبعدين لاقيت قاريبى جايين مش عارفه ايه سبب الزيارة بس لقيت والدتى حفرت حفرة كبيره فى حارة بجانب البيت قالت عشان اللى جاى يلاقى مكان يقعد فيه مع ان بيتنا واسع والحارة كانت مليانه حفر من والدتى لدرجه ماحدش يعرف يعدى فيها ارجو تفسير حلمى انا انسه جامعيه لا اعانى مشاكل نفسيه ولا عائليه وملتزمه الحمد لله