ماقلت لي شي ؟؟! وش خليت ماقلته ...
ماقلت لي شي ؟؟! وش خليت ماقلته
أسكت وخل الكلام لجرحي الدامي
لو غيرك اللي يسولف ما تحملته
لكن على شان عينك هانت آلامي
للحب مفهوم عمرك ماتخيلته
ما أظن يستوعبه تفكيرك السامي
هذا الفراق الطويل وهذي أسألته
هذا حصاد السنين وهذي أيامي
ياما وياما عليك البال طولته
والعمر عدى وأنا عايش على أوهامي
حتي طريق الفراق أللي تساهلته
لقيته أصعب على نفسي من أقدامي
هذا قصيدي بعينك لو تجاهلته
ينزف على شان يروي قلبك الضامي
العام طاري غيابك ما تقبلته
واليوم حرماني أصبح مصدر إلهامي
لاتعتذرلي وابنسى كل ما قلته
وش ينفع العذر لا من ضاعت أيامي
أصبر لي شوي لو دمي تثاقلته
بحاول أستوعب أللي صار قدامي
الحب ضحكه بعينك بس ما طلته
عمرك بها الكون شفت أبسط من أحلامي
القلب لو ماخفق لك كان ماشلته
ولو ما أنت ملهم قصيدي جفت أقلامي
ماقلت لي شي ؟؟! وش خليت ماقلته
أسكت وخل الكلام لجرحي الدامي
لو غيرك اللي يسولف ما تحملته
لكن على شان عينك هانت آلامي
للحب مفهوم عمرك ماتخيلته
ما أظن يستوعبه تفكيرك السامي
هذا الفراق الطويل وهذي أسألته
هذا حصاد السنين وهذي أيامي
ياما وياما عليك البال طولته
والعمر عدى وأنا عايش على أوهامي
حتي طريق الفراق أللي تساهلته
لقيته أصعب على نفسي من أقدامي
هذا قصيدي بعينك لو تجاهلته
ينزف على شان يروي قلبك الضامي
العام طاري غيابك ما تقبلته
واليوم حرماني أصبح مصدر إلهامي
لاتعتذرلي وابنسى كل ما قلته
وش ينفع العذر لا من ضاعت أيامي
أصبر لي شوي لو دمي تثاقلته
بحاول أستوعب أللي صار قدامي
الحب ضحكه بعينك بس ما طلته
عمرك بها الكون شفت أبسط من أحلامي
القلب لو ماخفق لك كان ماشلته
ولو ما أنت ملهم قصيدي جفت أقلامي
: 
: 
: