الحلوة وأنا والليل والنجمات
رفقة عمر مغزول بحكاية
حكاية لطيفة برقة النسمات
انحلّت حنونة بقلب نايي
وصارت غناني تجرح النايات
لمّا القمر قال الحلوة جايي
جايي لعنّا وردة التلاّت
جايي عامهلها هيك تمشاية
فستانها من ضبابة الغيمات
حلوة وخلقها الرب توصاية
متل الندى مرّت على الوردات
وقالت شو كان الورد لولايي
وفلشت شعرها حلوة الحلوات
وصار الكتف للشعر تكّاية
خلّيك ياقلبي بهنا الغفوات
وانحلّ بشعرها الصّار مخبّاية
عصفورة الشربين والكرمات
حكيت عليها وغارت كفاية
والزنبق العليان على الحبقات
خبّى حرقته ودمعته بعب دفلاية
وكل الطبيعة عملت مرايات
وكل واحد شاف بمراية
أمّا أنا شفتك انك ياحلوتي
وحدك حقيقة الالهام معايي
واسمك شعر مغزول غنيّات
وأنت الأمل والحب والغاية
: 
: 
: