اصد عنك وفي ضميري لك اعلـوم
وتصد عني وانت عندك لي اخبـار
عيني تشوفك عشر مرات في اليوم
وتشوفني عينك من الوقت تكـرار
اعرض بوجهي عنك واروح مهموم
وتعرض بوجهك ونت نادم ومحتار
تبعد وانا اللي بك مكلـف وملـزوم
وانا ابتعدوترك ضميري على نار
والكل منا طيلـه الوقـت محـروم
يروح دور وتنتهـي عقبـه ادوار
كن التفاهم بيننـا البيـن معـدوم
ماواحد صارح حبيبـه بمـا صـار
احباب ون صرنا سوى قوم من قوم
قلبي وقلبك من ورى سوروجـدار
وتلوم نفسك مثلمـا نفسـي الـوم
مالك عذر ونابعـد مالـي اعـذار
اخشى نموت وحبنـا سـر مكتـوم
مثل الجسد تحت الثرى دونه استار
ضعنا مع ليل سرى مالـها نجـوم
اظلم سمانا وانطفـت فيـه لنـوار
حب طواه الصمت لايمكـن يـدوم
فيما بعد يصبـح روايـه وتذكـار
الشوق يقلق راحتي ساعت النـوم
واروح في غبه هواجيس وافكـار
وانا ادري انك بالمثل بس مقسـوم
هذا جزاء اللي حبهم كلـه اسـرار
وافهم تراني منظلم وانـت مظلـوم
والظالم المظلـوم دعـواه تنهـار
ويكون عندك يريش العين معلـوم
ان الكلام اللي سمعته اخـر انـذار
: 
: