لو فرغت بيان اللواء الفنجري على ورقة هتكتشف شئ بعيد عن نبرة صوت اللواء .

البيان لمن يقرأ مكتوب حلو و دا نتيجة نية اللي كتبه

و لكن لغة الإلقاء مش حلوة و دي برضه نية اللي عبر :)

- دا ملخص لكل شئ ( النوايا )بتعمل شئ جميل بس بيترجم بطريقة مابتوصلش قمة جماله

هقولكم على ملخص مجسم صغير حصل في نقابة السينمائيين: أعضاء النقابة بعد الثورة على طول اعتصموا 40 يوم لاخراج فلول النظام السابق النقيب مسعد فودة هو حزب وطني صرف

وطبعا بعت بلطجية النقابة عشان يفض الإعتصام و مفلحش

وعملوا لجنة و النيابة و العسكر حضروا

و للعلم مسعد فودة لمن لا يعرفه مسنود حلو جدا من بقية النظام الذي تم إجهاضه و لسه بيعمل بكفاءة .

الناس عملت كل اللي عليهم و أكتر وكان يوم 10 يوليو انتخابات النقابة بين مسعد فودة و على بدرخان وكسب مين ف الاخر مسعد فودة. قرر السينمائيين القيام بإجراءات نقابة مستقلة جديدة‏ وقدموا إستقالةجماعية .

و دا فكرني بحاجتين أولا البرلمان الموازي اللي تم في توزير فاضح لأي دولة و الرئيس المخلوع قال خليهم يتسلوا .

تاني شئ دا مجسم مصغر للي هايحصل ف انتخابات مجلسي الشعب والشوري و الإرتكاز على الصناديق .

مختصر الحدوتة نفس تطبيق السياسة ف التعامل موجودة اعمل اللي أنت عايزه و احنا هنعمل اللي عايزينه