كنت أول امبارح بصلي العيد وكانت الصلاة في شارع السواح ، فيما بعد اكتشفت إن الفرش والصوان اللي مفروش في الشارع ده بتنظيم ودعم من الإخوان المسلمين .. عرفت ازاي ؟
بعد الصلاه والإمام بيقول خطبة العيد ، لقيت شباب بيوزع أكياس شيبسي أو كرانشي على الناس اللي قاعدين وعلى الأطفال ومعاها طاقية أو كاب أخضر كده من الكرتون ، وده تقليد كان بيحصل دايماً عشان يكسبوا ثواب لأنهم بيفرحوا الناس والأولاد بالحاجة البسيطة دي ، فحسيت بسعاده إن الروح دي لسه موجوده عند الناس.
لكن لما حققت لقيت إن كيس الشيبسي ده موجود جوه كيس تاني ومعاه ورقة مطبوع عليها " نهنئكم بحلول عيد الفطر المبارك .. جماعة الإخوان المسلمين - حزب الحرية والعدالة "
والطاقية الكرتون اللي بيوزعوها دي لمحت اللي مكتوب عليها جماعة الإخوان المسلمين والشعار بتاع "وأعدوا".
قولت في بالي ، هه ! هي الحاجات دي كمان بقى فيها سياسة وترويج للحزب ؟
يعني الموضوع بقى مش هدية أو حاجة كده للأجر والثواب ، والموضوع كله نوع من الدعاية للإخوان والحزب والكلام الفارغ ده.
وعليه العوض في الأجر والثواب
المصدر :انسان نادر
¨°o.O ( على كف القدر نمشي ولا ندري عن المكتوب ) O.o°¨
---
أتمنى لكم إقامة طيبة في الساحة العمانية
---
أتمنى لكم إقامة طيبة في الساحة العمانية
