اكيد فهمتو الموضوع من العنوان عندنا فى عمان مدربين سواقه من رجال ونساء بس النساء اقل طبعآ لانه كان نادرآ نشوف بنت تسوق سياره بعكس الان معضم الموظفات معهن سيارات ويدبرن امورهن بس هنا المشكله كيف البنت تتعلم السواقه حتى تحصل على رخصه القياده البنت المحتشمه والعاقله اتجهت لمعلمات السواقه من جنسها والبقيه ماعرف بأيش اوصفهن بصراحه الواحد ينقهر وشفت بنات كثير والله يتعلمن مع رجال هذى مايبغالها تفكير بلعقل اولآ هذا رجال غريب واذا بيعلمك اولآ بتكونى راكبه معه فى الكرسى الامامى واذا تعلمتى شى منه انتى باتسوقى وهو راكب معك قدام فى الكرسى الامامى نفس الشى وغير كذا البنت المبتدئه دايمن تتعلم فى اماكن خاليه من الناس علشان ماتسوى حوادث لاسمح الله يعنى انتى مع رجال غريب فى مكان خالى من الناس كيف توثقين فى رجال غريب وتركبى معه السياره لهذى الدرجه الليسن مهم وصلنا نضحى بكل شى علشانه ومن خلال عملى بشوف هذى الشى بعينى موظفات معانا وغير اللى بشوفهن فى الشوارع بتعلمن مع رجال وسألت كم من وحده ليش تتعلمن مع رجال وعندنا حريم يعلمن السواقه واعذارهن اقبح من ذنبهن انه الرجال يعلم احسن من البنت وله علاقه بشرطه ويقدر يساعدنا على الحصول على الرخصه بسرعه كلام غريب وعجيب والله لو انا بنت ماريده الليسن اذا قده رجال غريب بيعلمنى وفى اماكن لحالنا خاليه من الناس المشكله ضيعاتنا الثقه الزايده وكل شى نشوفه سهل وعادى للحاجه هذى عيبنا وقت الحاجه نحلل كل شى ونشوفه امر بسيط اخواتى الله يحفظكن فكرين بعقل وخافين على نفوسكن قدنا احنا بنحذركن وهذى الاشياء المفروض انتن من نفوسكن تعرفين خطوره هذى الاشياء ليش ماتكونن نفس اخواتكن اللى بيتعلمن مع بنات حتى لو باتجلسى فتره طويله وانتى بتعلمى مو مشكله اهم شى تطلعى فكره انه رجال يعلمك نحنا فى مجتمع اسلامى ومحافظ ومانرضى بمثل هذى الامور تحصل لاخواتنا وحطى فى بالك شى ماجتمع رجل وامرأه الا والشيطان ثالثهم والشيطان شاطر ينتظر اطرف ثغره ويتحرش ويدمر العقل نعمه اخواتى والاسلام بين لك الحلال من الحرام فكيف ترضين تركبى مع شخص غريب وفى اماكن خاليه من الناس واتمنا ماعد نشوف مثل هذى الحالات والله تقطعين قلوبنا من هذى المواقف والله يحفظكن من كل شر..
