فاجعه سمائل الكبرى ( اعيان الولايه ينعون خمسه افراد م شركه أريج للزيوت النباتيه )

الله يصبر اهاليهم يااا رب

الله يرحمهم ويغمد روحهم الجنه

ويجعل قبرهم روض من رياض الجنه آمين يا رب العالمين

الله يصبر أهاليهم ويدخلهم الجنه يارب

ان لله وان اليه لراجعون


الله يصبر اهلهم

شباب في ريعان العمر وبداية شبابهم رحلو مساء الاثنين 24 /اكتوبر/2011 مودعين الدنيا الفانية راحلين عنها للابد
تركو خلفهم زوجات ارامل ف عمر الزهور واطفال يتامى لا بابا بعد امس وامهات واباء اخوان اخوات واصدقاء واهل البلدالكل يبكي وتتقطع القلوب لرؤيتهم ونشفت الحناجر من هول المصاب لن تتخيلو حجم الفاجعة انها مجزرة من اشنع ما تكون....
ودعو بلدهمالجيلة الجميلة الخضراء صباحا وسلمو ع جميع المارة صباحا كعادة اهل البلد الذاهبون للعمل والى المدارس والى الكليات والامهات المنشغلات باعمال المنزل والشياب الذاهبون للمزارع على امل ان يعودو لها مساءا بعد الانتهاء م العمل ولكن هيهات هيهات ذهبو الى غير عودة لكن سيبقى ذكرهم دوما في قلوب محبيهم وابنلء بلدهم

رحلو 5شباب بسبب الحادث اللي سمعتو قيه كانو راجعين م الدوام هم موظفين ف شركة اريج وسبب الحادث الشاحنة اللي كانت ماشية فالطريق المعاكس وتدهورت ودخلت شارعهم وصدمت سيارتهم وطاحت السيارة تحت فالوادي وطاحت الشاحنة فيها وما ظهر منها غير اثر بسيط اثنين منهم طاحو برع السيارة وماتو غ طول وثلاثة الشاحنة داعسة عليهم واحترقو داخل السيارة وتفحمت جثثهم ..........

هم من اهل نفس المنطقة اللي صاير فيها الحادث الجيلة /سمائل وتخيلو الناس كلها سمعت صوت الحادث وخرجو م بيوتهم مفجوعين كالعادة هبوا جميعهم للمساعدة والانقاذ كعادة كل عماني بطل وشجاع ..ويالها من صدمة صعقوا بها جميعهم وتجمدوا من هول مارأت أعينهم الكل يحاول ان يستوعب الصدمة الكل صعق انهم ابناء البلد ابناء الجيلة الابطال انهم احمد وطلال وبدر ومحمد سيف ...وتخيلو الصدمة اللأكبراللي شاف ولده واللي شاف اخوه واللي شاف ولدعمه واللي شاف صديقه وكلهم مايتين وبصعوبة تعرفو ع الجثث الاهالي تستنجد والخبر ينتشر في ثوان وكل الامهات عند الحدث واللي شاف حالهم اصعب م اللي يقرأماتو الاهالي الف موته فتلك اللحظة لحظة يشوف اولادهم جثث متفحمة وغيرها متفتتةوالكل منهار على التراب الامهات الاخوات الزوجات الاحوان والاصدقاء والاهل واهل البلد,...... نارالعيد حلت ع أهالي البلد كلهم وخيم الحزن ع الجميع . الحزن على كل البيوت ...الشباب في انهيار لاتصفه الكلمات يبكون بكاء تقشعر له الابدان راحو اصدقاءهم ابناء قبيلتهم وجيرانهم صحبتهم فالدراسة وذكريات طفولتهم الشباب الطيبين اللي يعزو ع الجميع راحت القلوب النقية ولبيضاء.

ما تتصورو حجم الفاجعة بصراحة اللي صار ماحد قادر يستوعبه الكل طايح فالتراب يبكي ويتألم الصغير والكبير خاصة الشباب بصراحة هزمتهم هالفاجعة محد اصلا ما بكى ..... حتى الشركة وقفو العمل فيها لان اغلب موظفيها م سمائل وكلهم كانو حاضرين الجنازة حتى الاجانب بلبس الدوام من اصغر موظف لأكبر مدير.....بلد فقدت5 من شبابهامن فلذات اكبادها جزء كبير منها ,فنفس الوقت خمس جثث تحت الثرى الكل يبكيها .تيتمو أطفال وترملت بنات صغار ياحسرة بسوأأأأأأأأأأأأأأأأأه ه ه ه ه ه ه ....البلد هذي صارت تخوف وحشة كبيرة ماتسمع فيها غير الحسرة والبكي االله يصبر اهلهم.ويصبر اهل البلد الصمت والحزن والهدوء بقى وحل مكان الاصوات والضحك واللعب ورمسة الشياب والتجمعات عند الدوار والانارة خاصة ف الاجازات اللي يمشي واللي يلعب كرة واللي متجمع مغ الشياب والاطفال يلعبو وتحس بالحياة خاصة انه ما بقى ع العيد غير اسبوع
تعودو فالايام قرب العيد يسويو جو وتحس بقرب العيد لكن للاسف هول المصاب خطف كل شي وترك مكانه الحزن اللي ماثر ع الجميع صحيح ما رح تتوقف الحياة بس محتاجين وقت عشان يتعودو عشان يقدرو يكونو مثل قبل واحسرتأااااااااااه ع الأمهات اللي حالتهم اللي يبكو بدل الدموع دم والزوجات اللي الله العالم بحالة الصدمة اللي هم فيها

اقدم التعازي القلبية لاهالي المرحومين /
المرحوم / أحمد مبارك الجابري .........أب للطفل محمد والطفلة رزان
المرحوم/ طلال حمود الجابري ..........أب لطفله اسمها رغد
المرحوم/ بدر سلام المحاربي ..........أب للطفلة ريم
المرحوم/ سيف ناصر المحاربي.......ما متزوج واهله ماعندهم غيره واخوه
المرحوم / محمد المحاربي .........ما متزوج كان وحيد م الاولاد بس عنده أ خوات وياحسرة ع ابوه اللي امس طايح وارتفع عليه الضغط وتعبان ف المستشفى وامه اللي تبكي وحيدها اللي راح وترك البيت فراغ والله يرحم حالها تقرحت عيونها تبكي مضنونها
الله يرحمهم جميعا ويتغمد روحهم الجنة وان شاءالله ف الفردوس الاعلى الله يصبر أهلهم وكل أهل البلد وعساها خاتمة الأحزان...الله يجعلهم بجوار الصديقين والشهداء والنبيين ويبدلهم دار خيرا م دارهم واهل خيرا م اهلهم ..وازواج خيرا م ازواجهم م الحور ف الجنان ويعفو عنهم ويتحاوز عن سياتهم ويصبر اهلهم ويلهمهم السلوان..

يامن يعز علينا ان نفارقهم وجدنا كل شى بعدكم عدم

اصبر لكل مصيبة وتجلد واعلم بأن المرء غير مخلد

يا رب ألق على النفوس المضطربة سكينة وأثبها فتحا قريبا وانزل على هذه البلد الصبر وابدلهم بخير م مصابهم وفرج كربهم وارزقهم السعادة وراحة البال يا ارحم الراحمين

الله يرحمهم

لاحول ولاقوة الا بالله...
الله يرحمهم ويدخلهم فسيح جناتة ...

ان لله وانا اليه راجعون

حسبي الله ونعم الوكـــيل >>أنا مريت بموقع الحادث بس وربي ما تحملت الصورة مؤلمه جدا بمعنى الكلمه<<
ربي يرحمهم ويصبر اهلهم على فقدانهم يااارب ويدخلهم فسيح جناته

انا لله وان إليه راجعون
تغمد الله روحهم الطاهرة الجنة
الله اغفر لهم ذنوبهم .. وتجاوز عن خطاياهم .. واحسن نزلهم
ان سميع مجيب الدعاء
ونسال الله ان يصبر اهلهم وذويهم

الله يرحمهم ويغمد روحهم الجنة