اقتلي حروفي و احرقي اوراق القصيـد
ســواد سحـابـك كــدر صـافـي حـبـرهـا
و كفـنـي برمـادهـا جثـمـان حــب فقـيـد
المشاعـر ماتـت و ايــام ذكــراك قبـرهـا
احـزانـي القديـمـه ضـمـت حــزن جـديـد
والـفـرح طفـلـه مـاتـت بـــأول شـهـرهـا
سهـرت الليـل و الجفـن ابتلـى بتسهيـد
يتـحـرى زول الـلــي بالمـحـبـه غـمـرهـا
صــرت كـنـي الـمـعـرس بلـيـلـة الـعـيـد
المعازيم قفّوا والعروس ما اسفر قمرها
الأشــواق دخـــان مـــن لـظــا التنـهـيـد
و روح الـحــب سـيــف هـجــرك نـحـرهـا
اقــرب و مـــوج صـــدك يرمـيـنـي بـعـيـد
مـركـب وتنـاثـر حـطـامـه فـــي بـحـرهـا
سترت الامي بثـوب النسيـان ومـايفيـد
تفضحنـي عـيـن بطـاريـه يـهـل مطـرهـا
تايـه بيـن دنيـا العـشـق و ظلـمـة البـيـد
والطيـور المهاجـره ماتـت فـي سفـرهـا
كـنـي الظـبـي يتـبـعـه راعـــي الـصـيـد
السهـم صابـه و الجـروح تنـزف عمـرهـا
دمعـتـي جـمـره احـرقـت كــف القصـيـد
وصرختـي تـدوي و المـوت يتـبـع اثـرهـا