شاعر طموووح تجلى طمووحه في قصائده ..لا اؤخر عليكم رووعة كتاباته
سمــــــــــــــــــــــــــــــــــــا العــــــــــــــز
إذا عاش الحرير العمر في منة تراب وقز
أعيش بعزتي لامن رقيت برفعة أخلاقي
أنا ماجيت اشخبطها طلاسم ماتفكّ ولغز
ولاتاجر تعبت أرقب مؤشر اسهم أسواقي
أنا شاعر ولي صيتٍ لكز وجه العواذل لكز
واذا دارت رحى حرفي . . تجنب نفخة أبواقي
أموت بعفة أشيائي ولااحني هامتي للخبز
رغيفٍ مالفى بقسمه معاذ الله ماتلاقي
سوى نعشٍ يشرفني ولاكف الزمن يبتز
واقل للروح لك أهون ضريح ف ساعة اخفاقي
ضويتك تس9ع نجماتٍ أعلقها ف سمايه عز
حروفك يابلادٍ جت خضار العشب باوراقي
وجيتك كل نبضٍ من عروقي لاذكرتك فز
وشفتك ديمةٍ تمطر وينبت مجد باحداقي
هنا طاول شموخي لين مالز السحابه لز
واقسمت بغلاتك له (عمان) عهود ميثاقي
تبختر ياوطن وانته بكفوفك شلت أغلى كنز
وانا قبل أبحر ف موجك أبي أستحضر أطواقي
لأنْ أدريها أعماقك أبد ماينتهيهاغرز
مداها اكبر . . كثير أكبر من انها تحتوي أعماقي
لو ان الطين يتباهى بقمح السنبله والأرز
أنا اتباهى ب (قابوسٍ)غدا ف الكون ترياقي
رفاقي كلما يرقى على متن الثريا رمز
سروا للرمز في ليل اهتدوا من طلعته رفاقي
تعالوا نصفي الدنيا ونفرز هالخلايق فرز
تعالوا نعلم النخله عن الوراد والساقي
تعالوا كل ابونا سيف في نحر الخسيس ارتز
تذود أرواحنا تبرٍ نشيع هقوة الهاقي
وطن الله أكبر في نحور أهلي تهادى حرز
لواء الركب في صدر الفلول ومدة آفاقي
يذل إرهابهم / مامس في هذا الجبين أو هز
بروس أطفالنا شعره / فلاتسمع لهم باقي
طبيعي تنخر السوسه بجذع اليابسه وتنز
وانا عودي رطب صامد بوجهٍ يزعم احراقي
يقولون ف مصر لازم يجي (عوام ابن الوز)
واناابن السبع ليثٍ ماحسبها خشية إملاقي
أنا طبعي كريم ولاانتخيت أهل اللغو واللمز
نخيت رجال ماجاعت عيال وفلّت نياقي
نعم (قابوس) كل حيٍ على هذا التراب اعتز
لأنك من نسل بيت الكرام وعصمة وثاقي
أفاخر / كيف ماافاخر؟ وانته في سماي العز
لمحتك ياعمان وسال ماي الغيم باوراقي
.................................................. .................................
الســــــــــــــــــــاعة ثمــــــــــــــــان
وفات الموعد البارح وجت ترسل لي الأعذار
تعيد السالفه هيّه تقول إنه غصب عني
حبيبي واسمح الزله وكن اللي جرى ماصار
لقانا باكر الساعه ثمان ولاتمانعني
من اللهفه خفق قلبي وعقلي من السعاده طار
وقمت أرسم على كفي حياتي وهي تعانقني
يجيني وعدها شمعه وتجي طلاتها أزهار
على ذيك المرايا صرت أخايلها تداعبني
وشفت انها بتهمسلي وتحكيلي قصص واسرار
وشفت اني أعاكسها مثل ماهي تعاكسني
كتبت أجمل قصيدة حب وشلت لها عقد وسوار
وباقة ورد في إيدي هدية حبنا مني
غديت الحارس الواقف على الشارع يحرْس أنوار
ذبل هالورد في إيدي وخان حضورها ظني
ذبحني عقرب الساعه . . قتلني الموعد الغدار
على نفس الرصيف اللي حياتي دوم تدفنّي
ومات الموعد الليله وباكر تختلق أعذار
تعيد السالفه هيّه . . تقول إنه غصب عني
.................................................. ..............................
صدفـــــــــــــــــــــــــــــــــــــــــــــــ ــــــــــة
مريت صدفه بالطريق اللي ذكرني بكل خير
صافح يديني ودمعت من ضيمها هناك شجره
الله ياذاك المكان اتصدقي؟ كل شي بخير
نفس المشاهد كلها بس القلوب مبعثره
كان الخميس العيد أذكر نلتقي حزة عصير
وكنتي وانا مانلتفت ل اية عيون وثرثره
والحاره اللي مالها إلا (مطر) يهوى عبير
قضوا بسيرتنا النهار بأوله لي آخره
وانتي همستي وش علي خله يغير اللي يغير
النار تاكل بعضها والجمر مات بمجمره
ونسبق خطاوينا نهرول للمكان إلا نطير
نسرح نسولف والسدر يغمز بعين صنوبره
وتسولفي لي عن شقاوة (مصطفى) اخوك الصغير
وعن بطش أمك كيف اهي تبغض هوانا وتحقره
وتسولفي وتسولفي تحكي وانا عقلي يطير
إلا ابن عمك آتغصص لو أحاول أذكره !!
أقول أسمي بكرنا (أحمد) تقولي لا (سمير)
ويطول فينا هالجدال نحمده ونسمره
وتصوري فستان عرسك أبيض مزركش حرير
تتمخطري ليلة زفافك بختره في بختره
نطلق عنان أحلامنا للي يصير ومايصير
تحكي لي عن ليلى وانا معجب بقصة عنتره
وبيديك ورده (يحبني م يحبني ) عدتي كثير
وانا انقش حروف اسمنا يمّك على خد صخره
أذكر رسمتي لي بكفي سهم في قلبٍ شطير
وانا يجول ف خاطري (ماعاش منهو يشطره)
لين يتساكب ليلنا واقول : بدري ع المسير
ليلٍ نتوه بوحشته لولا جبينك وقمره
أثر الليالي كلها في عالمي حلمٍ كسير
حتى المواعيد الجميله (مسخره في مسخره)
واثرك هنا في دنيتي الموت والحظ الفقير
ومن تنكره الدنيا ترى كل الحبايب تنكره
دوري غدا في لعبتك العاشق الصب الضرير
وانتي بأدوار البطوله تستحقي المفخره
ماكنت اصدّقهم وقالوا بتكتشفها بالأخير
المعذره (ست الحسن) توي دريت المعذره
اتصدقي ؟ كل الجروح اللي تركتيها بخير
إطّمني كل شي بقى إلا القلوب مبعثره !!
: 
: 
: