البنات وبأقلامهم
فشيله هههههه

(1)

وحده معزومة كتبت لصاحبة العزيمه :
اذا انتي عازمه نجلاء انا ماراح اجي ودبري لي
اي عذر قوليه للبنات بصراحه انا استثقل
دمها واذا ناديتيني مره ثانيه لاتنادينها واوعدك بجي اوكي ؟
( وارسلت الرساله لنجلاء )

d4



(2)

مره كنت برسل مسج حق رفيقتي بقول لها تحسب
لي طارئ بالدوام لان مالي خلق اداوم
المهم انا حافظة رقم رفيقتي بس كتبته غلط
وشوي يدق علي الرقم واستغربت ان طلع رقمها بدون
اسمها ورديت على التلفون
طلع لي واحد قال :
( عن الخبال قومي لبسي وداومي )
طبعا انا انصدمت وسكرت الخط على طول
ومن الخوف داومت

d5



(3)

وحده كانوا اهلها عازمينها وزوجها طالع استراحة
مع اخوياه وما حضرالعزيمه
هي بترقع له عند ابوها قالت انه معزوم على العشاء
عند عمه وكتبت رسالة لزوجها ترى اهلي سألوا
عنك دبرت لك عذر قلت لهم ان عمك عنده عزيمه !
( وارسلت الرساله لابوها )

face31


(4)
مره انا كنت والده في المستشفى ووحده من صديقاتي
الله يصلحها جالسه من العصر عندي يوم جت
الساعه 11 مليت مره وهي ماعندها نيه جالسه
تسولف مع امي وخواتي دق علي زوجي قال ابمركم
شوي وهاذي ماعندها نيه تروح واقوم اكتب رساله
لوحده من خواتي اقول لها (ترى فلان بيجي
وهالنشبه مستانسه على الجلسه مليت منها الله يصلحها
شكلها ودها تتسحر عندنا لاتسولفون معها عشان ماتستانس
وتمل وتطلع الله ينشبها
( وارسلتها لصديقتي الجالسة معي )

face47




(5)

أرسلت لجارتي وقلت لها تجيني
بعد المغرب تتقهوى عندي وأنا متعوده أرسل لها
وخلاص تجي يعني مهوب لازم ترد علي
وانا اللي عقب ماصليت المغرب أتجهز وأجهز
قهوتي واجلس أحتري زوجي يطلع لأنه في
ذا الوقت يطلع !

والا هو جااي وجالس يالله وين القهوه ؟
أنا : أي قهوه ؟
هو : تستهبلين يا أم المفاجات الحلوه ؟
وبعدين
استوعبت اني أرسلتها له بالغلط وسكت
وما قلت شي

b7


(6)

قبل رمضان بيوم جتني رسالة
من صديقتي مضمون الرساله
كالأتي ( رمضان بكره والشياطين تنحبس في
رمضان والله راح نشتاق لك ) عجبتني
الرسالة قلت راح ارسلها لزوجي !
وفعلاً ارسلتها ولما جاني تقرير الرسالة وجدت :
اسم عمي
( ابو زوجي )

:doa:



(7)

كنت عند اهلي وقالوا لي خلي زوجك يجي
يتغدى عندنا
رحت ارسلت له رسالة
( اهلي عازمينك على الغدا )
وراحت الرسالة
وبعد شويه يرسل اخو زوجي
رسالة مضمونها
( بأي مناسبة ؟)

l2



(8)

مره اختي مسافره برا وهي مديرة مدرسه المهم
جا وقت عودة المدرسات وهي كانت معطيتنا
جوالها فارسلت على جوالها رساله تقول لاختي الثانيه :
يا فلانه ارسلي للمدرسات رسايل وقولي لهم يداومون
احسن لهم مو اذا غاب القط العب يا فار!
قامت اختي من السنع ارسلت نفس الرساله لجميع
المدرسات يعني نفس النص ما غيرته
( وتعالوا شوفو الضحك والفشيله )

face14





(9)

جتني رساله من رقم ما أعرفه بس تقول :
مبروك ماجبتي وعساك طيبه وترانا فرحنالك
ودعينا لك ولبنتك وعسى الله يخليها لك وترانا
نبي نجيك بكرا
على طول رديت قلت :
تراك غلطانه وعلمو الحرمه
( انكم تبي تزورونها ترى الرساله هذي ماوصلتها )

l1



(10)

انا مره واحد ارسل لي رسالة بالغلط :
( فلان انت صاحي ولا نايم )
ارسلت له : تراك غلطان
رد :
( بلا استهبال جب معك فطور)

face65


(11)

مره في العيد اخوي ما جاء
هو وأهله لنا كان عنده شغل ماقدرالمهم اختكم
في الله فيني رومانسيه زايده اقعد اكتب
رساله كلها شوق وحب لأخوي وان العيد ماله
طعم بدونك واشتقنا لك والمشكله ماكتبت
اسمه لا كاتبه ابو عبدالعزيز ليتني كتبت اسمه
واجي ارسل الرساله ورقم اخوي مميز
يعني مايبيله حفظ واكتب الرقم وارسل
يوم رحت للرسائل المرسله والقى رقم ماطلع اسم اخوي !
يافشيلتاااه قلت الحين بيتصل علي ويغثني يارب
مايكون واحد لعاب بس شوي واتصل نفس الرقم
<<< جاك الموت ياتارك الصلاة ارد ماارد ارد
ردي يابنت الناس واعتذري وخليك جاده ورسميه
وقولي والله غلطانه
يوم رديت طلعت حرمه
السلام عليكم
عليكم السلام
أنتِ مرسله رساله لي ؟
قلت لها غلطانه و اشوا انك حرمه والله اني
كنت خايفه انك رجال الحمدلله طلعتي حرمه
تتوقعون وش قالت ؟
قالت : انا كنت اتمنى انك تطلعين رجال!
قلت لها ليش؟
قالت انا رقمي رديف لرقم زوجي وزوجي اسمه
ابو عبدالعزيز قلت يمكنك واحد من اصحابه
مرسل له رساله وغلطان لكن طلعتي حرمه والله
لا يوريكم والله سوت لي تحقيق ولا المخابرات
انتِ مين ؟ انتِ تعرفينا وتسوين فيني مقلب صح؟؟
قلت لها والله مااعرفك غلطانه والله غلطانه
قالت قولي الصراحه تعرفين زوجي ؟
والله اني قعدت احلف واقسم ساعتين ماصدقتني
اووووف اعوذ بالله شكلها مرررررره شكاكه
حلفت لها مليون يمين اني مااعرف زوجها
في الاخير عطيتها رقم اخوي قلت لها شوفي
هذا رقم اخوي ابو عبدالعزيز اللي كنت ابرسل
له نفس رقمك يا اختي لكن الاختلاف اخر رقمين
بس انا عكستهم صدقيني اتصلي عليه واسأليه
ياالله بعد طلوع الروح اقتنعت وسكرت
لا ويوم اقتنعت تقعد تسولف معاي تقول ارسلي رسايل
حلوه ان كان عندك
<< في المشمش هذا اللي ناقص بعد !