[B]الفلول عملوا ثورة
ثورة للثورة يا ثورة
ثورة و جاية معاكسة
ثورة أيه ثورة مضادة
والمضادة حاجة جامدة
واقفة لكل تغير و صادة
يعني ترجع[B] [/B]للخلف در
متفرقين مش أمة واحدة
بنبني جدار
عازل وحاجز
بين حياتنا
وبين الذل
تلاقي ناس
عاشقين للضلمة
بقرار
و إجراء
و فكرة
و كلمة
يطفوا نور
فجر النهاردة
إعلام كداب و مُصر
رافض للدم الحر
و فالمرحلة الانتقامية
عندك قوانين جبرية
فوق منها
محاكمات عسكرية
و عليها كمان
قانون للطوارئ هدية
جابوا قانون بطرس غالي
للضريبة العقارية
قولوا لبطرس غالي يرجع
يمسك من تاني المالية
المجلس و الحزب و فلوله
الكنب و أهل الكنب غنوله
و رئيس حكومة من الميدان
لو خد قرار متشفش مفعوله
يعني أيه ثورة مضادة؟
ناس بتسرق حلم جيل
جيل حلم
اتمنى يزرع
و يمد ايده
للسما السابعة
تهجم علينا المضادة
تعكس أحلامنا بالفساد
وتقول
مفيش زرع
مفيش طرح
مفيش نجوم
مفيش نهار
كله سواد
طب و اللي مات
دم وسال ف ميدان ؟
والتغير يكون تصريح
من حي لفقيد
دم الشهيد سال فوق ايديا
و لسه بينبض عـ الوريد
ضحوا بحياتهم في لحظة
عشان الثورة تبقى ذكرى ؟
و لا عشان نعيش
عصر مبارك جديد
إستحالة
أكون مغفل أو عبيط
إستحالة
ألغي عقلي و أعيش كمالة
إستحالة
انسى إني مخلوق جديد
استحالة
أرجع أمشي تحت
نفس الحيط
أخاف من سجن
من ظلم
و لا حتى بطش
بصرخ النهارده
من إحباط المضادة
لازم تموت
و تتكفن
وتتشال
جوه نعش
اللي حقق حلم
يعرف يحلم
ألف حلم
و الميدان لو اُغتصب
لسه صاحي ممتش
دم الشهيد سال فوق ايديا
و لسه بينبض عـ الوريد
بيصرخ
لا للإحباط كمـــــل
و صوته جاي من بعيد
متخافش
متخافش
متخافش
[/B]
المصدر
مدونة : habibaahelmy
¨°o.O ( على كف القدر نمشي ولا ندري عن المكتوب ) O.o°¨
---
أتمنى لكم إقامة طيبة في الساحة العمانية
---
أتمنى لكم إقامة طيبة في الساحة العمانية
وأدعوكم للإستفادة بمقالات متقدمة في مجال التقنية والأمن الإلكتروني
رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
والكثير من أسرار التقنية في عالمي الثاني Eagle Eye Digital Solutions
رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
والكثير من أسرار التقنية في عالمي الثاني Eagle Eye Digital Solutions
: 
: 
: