خلاصة القول (12) جديد انسان نادر

    • خلاصة القول (12) جديد انسان نادر





      - الإنسان الوضيع والواطي هيفضل واطي مهما حصل وعمره ما هينضف ويبقى راقي ، بس لما يفضل واطي في القاع أفضل مليون مره من لما يبقى واطي ويعلا ويبقى رئيس دولة أو حكومة أو محافظة أو يوصل لموقع رفيع أو منصب سيادي.

      - ثورة 25 يناير علمت بعض المصريين أزاي يدوروا انهم ياخدوا حقهم من البلد تالت ومتلت ، لكن للأسف معلمتهمش إزاي يدوروا كمان انهم يدوا البلد حقها تالت ومتلت.

      - زي ما اعضاء حركة 6 ابريل اتعلموا علم اسمه "علم إسقاط الأنظمة بالطرق السلمية" في ناس اتعلمت علم تاني اسمه "علم هدم واخماد الثورات الشعبية" وفي ناس شغالين بيه وبيطبقوه دلوقتي.

      - كل يوم بيعدي على مصر بعد 25 يناير وحالها زي ما هو بيتأكد ليا إحتمالين مؤكدتين ، إن المجلسين العسكري والوزاري يا إما "متواطئين" يا إما "فاشلين".

      - المجلسين العسكري والوزاري سايبين الحبل للشعب على الغارب علشان الفوضى تنتشر والفساد يتملك الموقف وكل ده هيترسخ في وجدان الشعب ، وهتبقى مهمة مجلس الشعب أو الرئيس القادم مهمة مستحيلة وبالتالي يعجز أي شخص عن اصلاح مصر في المستقبل ، وكل ده بيحصل إما عن قصد أو عن جهل.

      - المجلس العسكري أكد الشهور اللي فاتت إنه بيحاول يلعب على كل الاحبال ويرضي ويخدم جميع الأطراف ، لكن في النهاية يا إما هيقع على رقبته يا إما هيتعلق على الحبال اللي بيلعب عليها.

      - الايام اللي فاتت واللي جاية اثبتت وهتثبت ان اي مظاهرة او اعتصام او مليونية في ميادين التحرير وغيرها ، معادتش تجيب اي نتيجة لا مع الحكومة ولا مع المجلس العسكري ولابد من انقلاب عسكري وثورة شاملة في كل شبر في مصر.

      - ممارسات قيادات جهاز الشرطة سواء الشرطة العسكرية أو المدنية والأمن المركزي وأمن الدولة جعلت من الداخلية وجهاز الشرطة جهاز متخصص في تنفيذ العمليات القذرة لحساب أي نظام سواء نظام مبارك أو غيره.

      - كل تصريحات الوزراء والقيادات العليا في الدولة فيها نفس ريحة نظام مبارك البائد.

      - كل يوم بيمر بوجود مجلسي العساكر والوزراء بيدفع البلد للخلف ولنقطة الصفر اللي هتؤدي لثورة جديدة أعنف من اللي فاتت.







      المصدر :انسان نادر


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية
      وأدعوكم للإستفادة بمقالات متقدمة في مجال التقنية والأمن الإلكتروني
       رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
       المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
       والكثير من أسرار التقنية في عالمي الثاني       Eagle Eye Digital Solutions