العماني يظل عماني:
ويوم يدخل مطعم يقلب القائمة كلها وثم يطلب اكله ما موجودة في القائمة.
يعادي شخص ولما يتوفى هذا الشخص يقطع الفيافي والقفار كي يعزي له ويطلع من عمله صباحا مع أنه يقدر أنه يعزيه في المساء.
يعازم في كل شيء إلا القبولي والمساعدات والمنصب.
يتابع سباق الترشيح ثم يرشح حسب القبيلة والرشوة.
يتابع الموضة ولازال يلبس وزار وكمة.
ينتقد مسؤوله وإذا تولى أي منصب يستغله في مصالحه الشخصية.
وصل إلى رتبه وزير ودكتور ولا يحسن الكلام ويظن نفسه أفصح العرب.
راتبه يبلغ 1000 وبعده يستقرض وما يبقى له فلوووس آخر الشهر.
يلاقيك يسأل عن علومك وأخبارك ويعرف أن الإجابة ماشي بعدين ينشحه.
باغي يوصل كأس العالم ودورينا مثل دوري السودان واليمن.
أكثر من عشرين قناة أخبارية وبعده مصر على الجزيرة.
يتكلم عن الدمقراطية وهو متسلط في بيته.
يشجع القوى الوطنية ويستعين في بالقوى الوافدة في كل شي حتى في العمليات الجراحية.
أمامك يبش في وجهك ويقربك ويعازمك ومن خلفك يحش فيك.
يطالب دوما بزيادة الرواتب ولا يقتصد في معيشته.
لا يعرف معني الالتزام بالمواعيد بل دوما يأتي متأخرا.
يشتغل 20 سنة في الشركات وبعده يفكر في العمل الحكومي.
يؤخر انجاز الأعمال إلى آخر لحظة في الوقت بدل بدل الضائع ويطالب بحقوووقه فورا.
إذا سمع عن المساعدات سارع إليها حتى ولو ما محتاج والمتضرر الفقير.
ما عنده شهادات ويبغى يكون مديرعام.
محتاجلك ضرووووري ويسويلك رنه.
يضيع فلوووس كثيرة في الأكل والشرب ويتبخل على نفسه بريال يتصدق به ف سبيل الله.
العماني ما يصدق يصير شرطي حتى لو كان في الأمن والسلامة إلا ويخالف اللي ما لابس حزام
يجلس عطلان سنين ويدور من عمل إلى عمل أول ما يتعين رسمي يروح يخطب بسرعة.
ما يسده ولدين أو 3 بل يتفاخر بكثرة البنين والبنات.
يقول بلاده كلها واسطة وهوه يدور من فلان علين فلان عشان مخالفه 10 ريالات.
يسوي ألف خير محد يذكره لكن اغلط مرة وحدة ويشوف مو يجيك.
إذا قالو له تصدق راح يعمل وليمة على باله هيه صدقة.
يوم تقوله تطور يرد عليك زمن أول وأول الشياب الأولين محد مثلهم.
إذا طلع شي جديد ينتظرون أحد يجربه (كبش الفداء) بعدين يطيحوا به.
اللي ما عليه دين هوه شيخ.
تشوفه يركض وراء المشيخة يعرف ما منها فائدة.
الشوى والمضوي من العيد للعيد.
إذا صار عندك مناسبة وما ذبحت غبت معهم.
إذا مات صغير في الحلة يردوه للشيبة مشكوك فيه أنه ساحر ويدعون عليه لين يتخبل أو يموت.
الشياب يتشاكون على نخلة وجامود وغلتها أقل من مصاريفها.
العماني أفضل من يطبق مقاله مال عمك ما يهمك.
الكثير من الأمثال العمانية غير منطقية.
العمانيون لا يحسنون الكتابة ولا التعبير لاذا ترى أغلبية رسائلهم نسخ ولزق.
روح أي دائرة حكومية ترى الذي يعملون قسم أو قسمان من كل دائرة ، ويشتغل 2 أو3 من كل قسم والبقيه تقضية وقت وضرب معاش وفي الآخر يقول ماشي بركة ويطالب بزيادة.
فتحوا لهم نت 1 جيجا قاموا ينزوا أفلام.
يوم ترجع مصلي يسأل متأخر كيف صليتم؟( لالا كنا نرقص!!).
ما تكون مهندس ولا دكتووور يطيحوبك كيف ما تعرف (موه عالم).
العماني أهم شي عنده قبيلة وطايح بالقبايل الثانية بالتغيورات.
إذا وقع في مشكلة صغيرة صاح دار راسي.
نهاية الشهر الأسواق المركزية ممتلئة بينما في منتصف الشهر خاوية على عروشها.
في العطل وحال المدارس العمانيين منتشحون في دبي (إيش عمان قاصرة).
اللي يكون هادئ وما يتشاحط وما يرفع صوته ولا يفرض رأيه ولا مكربخ خوانه ولا هاين أمه ومستضعف زوجته اذا ما كذا فهو ضعيف الشخصية.
بلاد بلا علماء ولا فقهاء وضعف مستوى الاطلاب ومخرجات الكليات وخاصه الجانب العملي.
سطحيه التفكير والاستعجال المفرط وكثره الضحك كلها خفة عقل. (انتظروا الردود ع هذا الموضوع).
ادعاء التفوق في مجال السياحة والتراث والجيولوجيا والأعلام كأن باقي الخلق ما عندهم شيء.
العماني يدخل كلية التربية لأن في السابق التوظيف كان مضمونا.
مشاهير عمان: ساحر أو شاعر نبطي أو مغني أو معالج روحاني.
ضرب المطر ساعة واحدة بغزارة اختبصت البلاد.
تروح تعالج تعتل يكفيك الانتظار وبعد المواعيد.
تبغي تخلص معاملة خذ أجازة وهي تأخذ دقائق معدودة.
أجساد متقاربة وقلوب متفرقة.
ثلث الشعب في مديونية والثلث الآخر يستهلك والأرباح للغرباء.
المزارع تقل والشركات أغلبها وافدين والتجارة بيد الهنود.
بلاد ثلث سكانها وافدون.
هاتف نقال حاله 6 أشهر وبعدها أنت قديمي.
الأجانب : قالوا عماني قالو حلبوه.
أرجو أن تجوز على رضاكم
هذه مجرد نبذة وقش عليها أشياء أخرى
لا أحد ينفعل أو يغضب خليكم شبابية
وشكرا جزيلا ع المتابعة!!!