على الهون ياجرح المفارق وضيق البال

    • على الهون ياجرح المفارق وضيق البال

      على الهون ياجرح المفارق وضيق البال
      علـى الهـون ياهـمً سطابـي وقدرتـه

      اعزك لو انك جـرح ومجاهـدك قتـال
      وروضت جسمي لاجل سقمك وصبرتـه

      لاجل من ملك قلبي من الجال لين الجال
      وفجيت له بـاب عـن النـاس سكرتـه

      وحطيت له عن شمس قيظ الغرام اظلال
      وشديـت لـه بيـتً بقلبـي وعمـرتـه

      عشقتـه ودللتـه وجريـت لـه مـوال
      وتخيـرت قربـه ليتـنـي ماتخيـرتـه

      رعى ريف قلبي لين صار الحشا مدهال
      وعـن مدهلـه جنبـت غيـره وذيرتـه

      سقيته من عـدود الغـلا والغـرام زلال
      بعد ماجـذب مـن دم قلبـي وصدرتـه

      اداري عليه من الزعل وازعـل العـذال
      وخطاه ان كبر في عين غيري تصاغرته

      ترفقت انا وياه مـن يـوم كنـا اطفـال
      تكـون غـلاه بوسـط قلبـي وكبرتـه

      قبـل مايغطـي ليلـه المنتثـر بالشـال
      سرقت الكرى من نون عينـه وسهرتـه

      نقش كل حرف من حروفي على السلسال
      تباهـى بهـا واغـاظ نـاس مجاكرتـه

      وكتبت القصايد في عيونه على اليامـال
      وليا مرنـي صـوت النواخـذ تذكرتـه

      وبعد كل هالتقديـر والحـب والاجـلال
      تغـيـر وهقـواتـه علـيـه مغيـرتـه

      لبسته ثياب الغطرسه ليـن جـا يختـال
      وكبر في عيونه يـوم الاوهـام غررتـه

      واذا السالفه ضحك ومهازل ولعب اطفال
      خبطت الغصن لين ابرق الريش طيرتـه

      خلصنـا وقفلنـا الصناديـق بالاقـفـال
      ومن جور حكمه كامل القلـب حررتـه
      اذا استطعت ان تخرج من الدنيا ،،،ـــليم الصدر فافعل فانك ان لم تملك قلوب الآخرين فستخرج بقلـــ ب ـــك وكـــ ف ــااااك. كبر الخطا ماكل عذر يغطية مثل التعازي ما ترد المصيبة