ايامنا واللــــــــــــــــيالي كم نعاتبها

شبنا وشابت وعفنا بعض الأحوالي



تاعد مواعيد والعـــــــــــاقل يكذبها

واللي عرف حدها من همها ســالي



ان اقبلت يوم ما تصفى مشـــــاربها

تقفي وتقبل ولا دامـــــت على حالي



في كل يـــــــــــــوم تورينا عجايبها

واليوم الأول تراه احسن من التـــالي



ايام في غلبها وايـــــــــــــــام نغلبها

وايام فيها سوى الـــــــــــدهر ميالي



جربت الايام ومثلي من يـــــــجربها

تجريب عاقل وذقت الــــمر والحالي



نضحك مع الناس والدنيا نـــــلاعبها

نمشي مع الفي طــــــــوع دوم مالي



كم من علوم وكم آداب نــــــــكسبها

والشعر مازون مثقـــــــــال بمثقالي



لبديوي العتيبي