الفتاة المتحشمة والمتزينة

    • الفتاة المتحشمة والمتزينة

      السلام عليكم ورحمة الله وبركاته



      :: :: :: ::






      مع كل الاحترام والتقدير لكل فتاة محتشمه



      ملتزمه للمبادئ الدين



      ----------



      في هذا الموضوع احب ان اعرض بعض الصور عن حيات بناتنا



      لكن في البداية احب ان اسألكم بعض الاسئله



      وجابوها في انفسكم:





      مــاذا ستــفعل إذا رأيــت فتــاة (متكشخه , والقذله طالعه , والعباه مخصره , والنظاره العاكس في المركز لا وفي نص الليل بعد)؟؟



      بعكس ذلك ..



      ماذا ستفعل اذا رأيت فتاة ماتشوف فيها الا السواد ..

      النقاب والقفازات والعباه اللي على الراس .. حتى لو ماكانت على الراس



      المهم انك تشوفها محتشمه



      يعني سبحان الله يوم تشوفها .. تنزل راسك في الارض



      حتى ماتقدر ترفع نظرك عليها

      ==========

      ..

      يوم البنات يمشن على الموضه ويلبسنا الاشياء



      اللي تغري على الشباب ويخلي الشيطان يتلاعب عليهم





      ويوم الشاب مايقدر يقاوم .. ويتغزل في البنت ..



      راحت البنت تصرخ ..



      والشاب المسكين تنشر صورته في الجرايد



      صوره واضحه



      بدون سواد على العيون



      والبنت ..



      ياحظها .. تروح والضحكه من الاذن لين الاذن



      مسويه انجاز في حياتها ..



      ..

      ولا تعال يوم احد الشباب اللي صوتهم حلو



      خله يدق بالغلط على وحده



      ..



      تلقى البنت في نفس اليوم في نص الليل مطرشه مسج



      او داقه على التلفون



      وتقول: اخوي انا حسيت من كلامك انك مب مغلط



      قولي منو انت ؟؟ ومنو مطرشنك؟؟



      ويوم مايرضى يتعرف عليها . بلغت عليه وقالت هذا يتحرش فيني؟؟؟


      ...



      ولا تعال اذا شفت مجموعة بنات .. تلقاهن مسويات حفله في المركز ..



      ويوم تبي تقول شي .. طاحن فيك قراض ..



      رد عليهن في الرمسه



      .. والله تلقى وحده تتصل حق اخوها .. والثانيه حق الشرطه والثالثه رافعه النعال



      والباقيات .. حاطات ايدهن على حلوجهن ويضحكن



      ..



      واخر شي ..



      تلقون في الجرايد كاتبين ..



      الشباب وحوش ..



      الشباب حيوانات مفترسه؟؟

      ===











      يقول الشاعر الكعبي ::



      ياحسرتي حسرة على بنات اليوم



      ماهمهن رمسه ولا عتب او لوم



      متأثرة بالغـرب مقلدتهم دوم



      ياحسرتي حسرة على بنات اليوم



      بحر الغدر عبرن تفنن فالعموم



      بالطيب تتظاهر وهي حنش مسموم



      تغويك بالبسمه وتيب لك الهموم



      ===========



      ودي اعرف ..



      صح في شباب يضايجون البنات بدون سبب



      ..



      لكن اكثر الاسباب هي البنت نفسها



      اي بنت تتضايج من مغازل الشباب



      خلها تلبس عباه وشيله وقفازات



      المهم لا تخلي معالم الوجه



      وجمالها يظهر



      وشوفي اذا حد من الشباب يقدر يتقرب منج؟؟



      ومن المعروف في هذا العصر



      ان البنات هن فتنه



      واكثر اهل النار من النساء



      ..



      حبيت اذكر كل بنت وافرح الشباب المتعقدين من البنات وافرحهم

      ...........................................



      مع كل احترامي وتقديري إلى كل فتاة محتشمه



      وارجو تقبل موضوعي

      من الايميل

      وسلمتم

    • شكرا جزيلا أخي الكريم .. والله يهدي بنات اليوم .. اللي ما همهم إلا نفسهم يسوا اللي يريدوه .. لا والمصيبة اذا احد نصحهم بيجاوبوا وبكل سهولة وبيقولوا عادي في هذا الزمن كل شئ يصير وما فيها شئ إذا اتبعنا الموضة
      ولا الموضة جاية من الغرب وكلها فساد

      #h
      الله يجازي اللي كان السبب ..

    • بصراحة أنا معترضة على هالكلام
      ما لاني بنت وادافع عن البنات ,صحيح فيه بنات يستاهلن الي يصيرلهن لانهن طالعات من البيت بنية المغازل حتى أنا استحي لما اشوف اشكال هذه الانواع من البنات (يفشلن)
      وفيه بنات ما يسوين شي لكن يحصلن مضايقات من الشباب ليش يعني؟؟
      وأذكر موقف يوم رحت كارفور اشتري اشياء مهمه وإلا واحد رايح جاي يقول كلام , مااعرف وش يقول ماشي ويتمتم ,قلت في خاطري يالله بعقل , شكله هذا ما بيجيبها لبر لكن ويش اسوي ماعندي حيله الا اني أغافله #e علشان ما يلحقني وأتورط , حتى شكله ماشفته ولا رفعت راسي من الارض يوم يروح ويجي بس لمحته وسمعته يتمتم , المهم انا كنت مع صديقتي وقلت لها نحن بنطلع من هنا ما ناقصه فضايح لاني من النوع الي ما اتحمل هذي السوالف وبسرعه اثور وخفت لا اصرخ له وألم الناس عليه ( لاني اولا واأخيرا ما من البنات الي هوه يدور عليهن). المهم حاسبنا وطلعنا قلت الحمدلله مااشوف حد وراي وصلت عند السياره وإلا اسمع واحد يقول أنا رقم تلفوني ,,,,, $$t ضربني غم ومشيت لحد ما وصلت عند السياره وفتحت الباب ودخلت وبسكر الباب و
      إلا الحمار مسك الباب وجلس يتشوف وبس وصلت حدي ورفعت راسي وشفت عليه بنظره #h شكله فهم , خلا الباب وراح , اووووووووووف افتكيت .
      الشباب سوالفم تسود الوجه وحتى البنات ما اقول اقل نفس الحاله
      ومثل ما قلنا هذي الاية للشباب بما أن الموضوع عنهم
      (قل للمؤمنين يغضوا من أبصارهم ويحفضوا فروجهم ذلك أزكى لهم إن الله خبير بما يصنعون)
      يعني حتى لو البنت مو لابسة محتشم ولا مستور بس الشاب ما يشوف النظره حرام محاسب عليها يوم القيامة فما بالك إذا هوه يطاردها. وقلنا بعد أن النظر أول مداخل الشيطان, ياناس اتعضوا . ما أنكر ان الشباب فتره المراهقة يريدوا يثبتوا وجودهم بس مهما كان ما على حساب الدين .

    • بعد السلام والتحيه في الحقيقه هذا موضوع يطول النقاش فيه لان الفتاة تقول الشباب هم السبب والشاب يقول الفتياة هن السبب ولو أتينا الى الامر الواقع أصابع الاتهام تشير الى الاثنين فعلى سبيل المثال كما ذكرت الاخت ان شابا تعرض لها وذكرت ما ذكرت .. هذا الشاب غلطان طبعا مئه في المئه ماذا لو أنجرفت هي وراؤه الا تعتبر أيظا غلطانه بينما هي تركته وذهبت في حالها وخفظت نفسها هذا ومثال وعكسه موجود أن الفتاة هي من يبدأ بالتحرش ولو أحد أخبرني أن فتاة تتحرش بشاب لا أصدق ولكن رأيت بأمي عيني .... فان اللوم والمسؤليه ملقاة على عاتق الاثنين الشاب والفتاة وبطبيعة الحال هناك فطره حيث تجد الرجل ميال الى المرأه والعكس ولكن يجب أن يكون ذلك بالحلال وحسب الشرائع ويحدث عكس ذلك عندما يستطيع أحد الطرفين أن يوهم الاخر بالحب مثلا فيتجاذبا ويحصل ما يحصل بينهما وكل ذلك بسبب عوامل وحركات يبديها أحد الطرفين أو كلاهما كالتبرج والتزين وعدم غض البصر وغيرها من الامور الملفته للطرف الاخر ..... وشكرا....

    • السلام عليكم ورحمة الله وبركاته

      تحـــــــــــياتى للجميع

      ومشكوره أختى على موضوعك الجميل والذى تم سرده وعرضه من قبل من أحد ألاعضاء الكرم

      كما ذكروا ألاخوان أو الخوات من الردود الجميله

      من المعروف أن النفس المرأه تغار من أدنى شى جديد تراه بأمرأه أخرى يعنى المسأله مسالة غيره وتقليد ألاعمى

      |y

      ضبط النفس من البدايه للمرأه أعنى من البيت أذا ألام أو الخاله أو العمه غير متحشمه بالقدر ألاسلامى المطلوب من كشف الوجه واليدين

      هذا ما ورد فقط أحد ألاحاديث الشريفه $

      طبعا سالفة العباءه التى تشف الجسم وتتراسم عليه وغيرها من الموضات الجديده التى تحتل مجتمعنا

      طبعا المرأه المسلمه المتحشمه فى غنى عن هذا الشى التى تصون نفسها من الماره والقيل والقال وضعاف النفوس

      وطبعا من السبب الذى يرغم ضعاف النفوس للتحرش بهذا النوع من الفتيات

      أنا أوافق أختى من أبرز الشخصيات بما قالته ليس كل البنات المتحشمات ذهنهن غير صافى و شريفات

      والموضوع يطول

      أنا أقول أولا وأخيرا راجــــــــــــــــــــــــــــــــــــــــــع للبنت نفسها يجب عليها ان تتحشم بما يناسب ديننا الإسلامى

      بهذا تتقى شرح ضعاف النفوس

      تحياتى للجميع ومشكورين على الموضوع الجميل والردود ألاجمل

      أخوكم فصول $$e

    • (ليس الجمال جمال الجسد بل جمال الروح )0
      فالمرأة المتحشمة لها جمالها الحقيقي ، فأنت عندما ترى فتاة محتشمة وفي قمة الخجل ، تخجل حتى أن ترى
      في عينيها ، وترى فيها جمالا لا يضايئه جمالا ، وتتمنى في داخل نفسك أن تكون شريكة حياتك 0
      أما المرأة المتزينة والمتبرجة ، فهي سلعة تعرض نفسها أمام التجار ( قصدي الشباب )، فالكل ينظر أليها
      نظرة أعجاب من فوق الى تحت ، وتصبح الله يعزكم كالبيهمة0 ( بل هم كالأنعام بل ظل ) 0
      ويفوز بهذه البضاعة من لديه شطارة 0 ( التجارة شطارة )0 ومن له مغريات أكثر وأحب ألى هذه البظاعة ،
      فبعضهم له مغريات مادية ، مثل : المال والسيارة والموبيل ، وبعضهم له معنوية : مثل : الكلام المعسل ، والألفاظ الحلوة والجميلة 0 وهي تقرر من تختار ، وكأنها ملكة جمال ، وهي ليس الا سلعة يبيع ويشتري فيها الشباب 0