أنــا ربــتني الــدنيا عـلـى جزل العطاوالـجود
ونـفسي لـلوفا والـطيب وفـعل الخير جزامه
وأعـارض منهج الهابطوأوافق للصعود صعود
وأسـيّر نـفسي بـعقلي مـدام الـنفس هـدامه
ولا تـثـّر بـي الــبسمة ولا كـحل العيون السود
ولا يـقوى عـلى قـلبي صغيرالحسد وأجسامه
أردّ الــجود بـأمثاله وأقـابل بـالجحـود جـحود
وتـرى لا خـير فـي رجلٍ يوطّي للردى هامه
وعـندي مـع أهـل العِليا مواثيقوثلاث عهود
أوفــي لـه مـطاليبه وأودّه وأرفـع أعـلامه
أعـايش مـركب الـدنيا على متن القدر مولود
أبـعرف هـو صـحيح إنّ القدر بالناس دوّامه ؟
ومـن ويـن الـزمن مقبل وإلى وين الليال تقود
ومـن فـي هـالزمن يـقدر يوجّهخطوة أقدامه
ومـن له بالزمن غاية ومن عنده هدف منشود
ومـن مـنّا قـدريـعرف خـفايا مقبل أيامه ؟
عـرفت إنّ الشقا باقي ، عرفت إنّ الحسد موجود
عـرفت إنّ الـقدر يـفرض علينا بأسوأ أحكامه
لـقينا بالـعرب حـاسـدوشـفنا بـالعرب محـسود
وبـه نـاسٍ لـنا ضـامت ، وبه بالناس منظامه
ويـنقص بــعضنا خــوّه ويـنقصنا وفاء وعود
مـدام الـحسد بـاقي وبـعض الـناسنـمامه
ولا تـرجى بـها الدنيا من ربوعك يجيك اسنود
ولا تـشره عـلىرجـلٍ عـيونه خانت أقدامه
وقـابل خـطوة بخطوة وجازي بالصدود صدود
تـناسى غـلطة الصاحب عليك بلحظة اخصامه
ولا تـخطي تـرى لصبر الحليم الياسلاك حدود
تـروّى واعـرف بـضرب الحديد تفكك لحامه
تـجنب كـسرة الخاطرولو حبل الزعل مشدود
تـراك بـكسرة الـخاطر حـكمت القلب بعدامه
ولا تـزعل عـلى رجلٍ بذل لك ولرضاك جهود
ولا تـامن مـن الـحاسد رضـاه ورفعةابهامه
نـبي نـصبر عـلى الـدنيا قلوبٍ بالحياة زهود
مـدام إنّ الـبختعـيّت تـوّفق رمـعة سهامه
وأنـا مـا قـلتها راجي ولا أطلب بعدها مردود
ولـكـن الـفـتى ودّه يـحقق جـملة أحـلامه
وبـمشي لآخـر الـدنيا ولـوكـلّ الأنام اقعود
وعـن وجـه الـزمن بكشف حقيقه وأرفع الثامه
صـحيح إنـي صـغير السن ولكن قدها وقدود
وأنـا عـندي مـع الـدنيا مـواقف ترفعالهامه
طـموحي يـملي الـعالم ولابـه لـلطموح قيود
مدام إن الأمل طبعي( عرين وصرت ضرغامه )
خـلقنا الله مـن تـرابه ولأحضان التراب نعود
تـحت رمـل الـثرى نبقى تغطي جسمنا خامه
سـلفنا مـا لـحقناهم تـحت قـاع الترابرقود
ولا يـبقي مـن الـميت سـوى ذكراه وعظامه
ولـو طـال العمر فانيوترى عمر الفتى محدود
وكـلٍ يـطلب الـمولى يـبيحه يـحسن ختامه
وأنـا بـلّغت بـلساني وربـي والأنـام شـهود
وصـحف الـبيّنة جـفّت وعـنهارفعت أقلامه
اســـــــــــــــــــتغفر
ربـــــــــــــــــــــــك...............
وخلي قلبك قنــــــــــــــنو:)ع
: 
: 
: