الصقر الجريح كتب:

كنت اريد انزل القصيدة بس خصائص تضبيط الخط ما شغاله معي عشان كذا ما نزلت القصيدة وطلبت الحذف
عشان خاطرك اختي الاماني هذي هي القصيدة

يا صاحبي لا توقد النار في الطين
عيّت تشب النار والنفس خابت

الحمد لله ما شكت نفسي الدين
ولا يوم ردّت عن سماها وهابت

والمشكله ماهي بقلّة مزايين
المشكله نفسي من الزين طابت

كنا حبايب روح في داخل اثنين
واليوم شمس الحب يا صاح غابت

انا بكيته لين ما ابيضّت العين
وروحي من الآهات والشوق ذابت

وهذا انا يا صاحبي صرت هالحين
ذاوي كما عودٍ على سفح نابت

ما مشكلة لو شاب راس وبكت عين
المشكله لو جذوة الحب شابت

ياللي على دار المحبين غادين
قولوا لها اني على العهد ثابت

بي قلب ما يقوى على الهجر والبين
وبي دمعةٍ في محجر العين رابت

هذا وتوّي ما مضى لي اسبوعين
والشوق مثل الجذع عالصدر كابت

..
.
.
.