/////////////////////////////////////////////////////////
العصر...
هيفاء/ليش مادقيت اليوم؟
خالد وهو متنرفز/بس متضايق شوي....
هيفاء/خالد قول الصدق وش فيك؟
خالد/ولاشي..
هيفاء/طيب وينك فيه؟
خالد/ماسك خط الرياض ...
هيفاء بفزع/ليش؟؟؟
خالد/هيفاء بتزعلين لواني خطبتك بدون ابوي؟؟؟
هيفاء حست ان في سالفة صايرة بينه وبين ابوه بسببها...
خالد/جاوبيني؟؟
هيفاء/خالد ...ابوك مايبيني صح؟
خالد/سالتك وماقلتيلي؟
هيفاء بغصة/اذا بتوعدني انه ماراح ياْثر على علاقتنا من جديد فموافقة ابوك وجيته من
الاساس ماتهمني!!!
خالد/حبيبي احمد داق علي بكلمه وبرد لك خبر بعدين؟؟؟
هيفاء/ماشي يالله انتبه على نفسك....
خالد/هلا احمد..
احمد بضيق/وينك انت ياخالد؟
خالد/ليش تسال؟
احمد/خالد...ابوي تهاوش مع امي هوشة كبيرة والسبب انت وطلعتك من البيت؟
خالد بعصبية/يتراوالي هو اللي طردني مو طلعت بكيفي؟؟؟
احمد/مو هاذي السالفة ياخالد..ابوي حلف اذا ماترد البيت بيطلق امي ؟؟
خالد/شنو؟؟؟
احمد/وقال لها تكلمك وتروح تسكن عندك اذا ماغيرت انت رايك؟؟؟؟؟
خالد/وش ها الكلام الفاضي؟؟؟
تغير الصوت باذن خالد من احمد لاابو خالد..
ابو خالد/للي سمعته ياخالد ياترد البيت وانت شايل بنت ابليس من بالك؟؟ولاامك طالق
وخذها عندك ماتلزمني؟؟؟
خالد بعصبية بعد ماضرب بريك قوي/يبى انت شقاعد تقول؟؟؟الله يهداك بس انت بتحط
هيفاء وبتحط امي؟؟؟؟
ابو خالد/هذا اللي عندي وماعندي غيره؟؟
خالد بعصبية/هذا ماهو حكي؟؟؟انت وعدتني وماوفيت بوعدك يبى؟؟؟؟
ابو خالد بعصبية/لاترفع صوتك علي ياولد؟؟؟؟هذا اللي قاصر بعد انا اربي واكبر وغيري
يجي ويقلب افكارك علي؟؟؟
خالد بقمة عصبيته/يبى انا باخذ هيفاء وامي بتظل في بيتها معززة مكرمة ولاتلف وتدور
انت قلت نختار واحنا اخترنا بعد ليش هذا كله؟؟؟
ابو خالد/مابعيد كلامي مرتين ياخالد؟؟؟؟اذا قررت تتزوجها فخذ امك معك ياخالد؟؟؟؟
خالد قام يصارخ ويسب ويلعن وابوه عصب عليه وصارت بينهم مشادة كلامية كبيرة وقفل
ابو خالد التلفون بوجه خالد وكان مثل البركان...
ابو خالد بقمة عصبيته/ولد مايستحي ولا يخجل ولاعنده احترام لاابوه؟؟؟هذا كله منها بنت
ابليس لعبت بمخه؟؟؟؟؟
احمد/يبى هدي مايصير كذا...وبعدين خالد ماسك خط الرياض؟
ابو خالد/وش موديه الرياض بالله بها الوقت!!!!!انتوا تجيبون الهم والغم؟؟؟ياشينكم من
عيال؟؟؟؟
//////////////////////////////////
وحده خالد بذيك اللحظات كان مثل المجنون ومو عارف وين يروح ولا شيسوي؟؟؟
شها القرار الصعب يابو خالد؟؟؟شها الظلم ان صح التعبير؟؟؟في البداية تخيرني بين
سعادتي وسعادة اختي ويوم اخترنا ماوفيت بوعدك اصلا!!!!
واللحين جاي تخيرني بينن سعادتي مع هيفاء وبين بيت امي اللي بينهد؟؟؟؟؟؟
ياهو قرار مر وصعب وظالم!!!!
شقول لهيفاء اللحين؟؟؟شلوناتواجه معها واقولها؟؟؟؟بتسامحني وبتوقف معي ولا بتعتبرني
بعتها مثل مابعتها من قبل؟؟؟؟؟
اه ياحظك الردي ياخالد...اللي يشوفك يقول وش تبي من الدنيا بعد..فلوس وعز وشركة
وبداية جديدة ..وانت الهم ماكللك من فوقك لتحتك!!!!!اه ياحيرتي اه....شسوي ولوين اروح
اللحين؟؟؟؟
انا مالي وجه اقابل هيفاء اصلا!!!!ابيها ياعالم ابيها..ابي اعوضها عن الساعات والدقايق
اللي عاشتها بهم وضيق بسبتي؟؟؟ابي اعيش انا معها حياة جديدة وكلها حب ووفاء.....
وابي امي تعيش مرتاحة واخواني يستقرون؟؟؟بس شلون....كل خيار اصعب وامر من
الثاني ياخالد.....
مالقى بها الحالة غير انه يرفع جواله ويدق على عادل...الاخ والصديق اللي ماعنده احد بها
العالم بيتكلم معه بكل صراحة وبدون خجل...
عادل/ياشينك ياخالد عا!!!ابي انام مابعد ارتحت والله اني مانمت الا الصبح بعدين انا اكلمك
لاصحيت؟؟
خالد باسى/عادل...
عادل بخوف/خالد...وش فيك؟
خالد/ضايقة فيني ارض الله....مو عارف شسوي؟
عادل بخوف/انت وينك...خلك مكانك وانا اجيك؟
خالد/وين تجيني انا ماسك خط الرياض شوي وبرجع امسك خط الشرقية وارد....بس انا
بحيرة ماشفت مثلها ولا عارف شسوي؟
عادل/شفيك ياخالد تكلم؟؟؟
//////////////////////////////////////////////////
هند/هيوف...مابتقعدين؟
هيفاء وراسها تحت المخدة/منو قال اني نايمة اصلا!!!!انا قاعدة؟؟
هند/طيب وليش مانزلتي تحت....
هيفاء/ليش وش تبيني؟
هند/ابي احد اسولف معه؟
هيفاء/وين الباقيين؟
هند/مشاري وجدتي وهبة نايمين....وامي معاها جارتنا وابوي بالقهوة....
هيفاء/عبود وينه؟
هند/تحت معي يالله نزلي....
هيفاء/يالله جاية؟؟
طلعت هند من الغرفة ورفعت جوالها تدق على خالد اللي للحين قافل جواله ومارد عليها
شفيه وليه ضايق خلقه!!
هيفاء بضيق/اوووووووف الله ياخذك يابو خالد...ورانا ورانا لين نموت؟؟؟وش مسوي ها
المرة بعد؟؟؟
رمت جوالها وقامت تبدل علشان تنزل تحت.....
//////////////////////////////////////////////////////////////بيت العواد كان اليوم كئيب لاابعد
حد....
مرت الضهرية ثقيلة والعصر اثقل واثقل حتى بعد مااذن المغرب الجو هو هو ماتغير مافيه
غير الهدوء اللي سايد في المكان....
ام خالد قاعدة وكانها تمثال مايتحرك ومها ومرام واحمد حوالينها وهم في قمة الهدوء وماحد
قاوي يتكلم..وجود وعمر بعد قاعدين وهم مو مدركين وش اللي صاير بالضبط وليش!!!
وابو خالد مسوي روحه شاغل نفسه بالجرايد كل ماخلصت جريدة يقراْ الثانية وكانه مو
مشغول فيهم وبالتفكير بللي جاي!!!!
احمد قطع الصمت../يمه اجيب لك شي تاكلينه؟؟ماكلتي شي من الصبح؟
ام خالد ماحركت حتى راسها...
مها ناظرت في احمد وكانها تقوله خلها بحالها.....
ورجع الصمت من جديد..
ام خالد بهدوء/مرام...اخذي جود وعمر وركبي معهم فوق؟
ناظروا العيال في بعض وعرفوا ان في شي بيصير؟
مرام/ان شاءالله...قومي جود.....عمر..
عمر/بقعد بنتظر خالد..
ام خالد بصراخ/قوم انقلع دارك؟؟؟
بعد ها الصرخة قام وابو خالد رفع الجريدة عنه واحمد ومها قلوبهم وقفت.....
مها/يمه شفيك؟
ام خالد/جيبي عبايتي يامها؟
احمد/وين بتروحين؟
ام خالد/بارض الله الواسعة ماراح اضيع؟؟
مها/يمه..
ام خالد وجهت كلامها لاابو خالد/لاتتوقع اني انتظر تهدم حياته من جديد بعد مااختار يستقر
معها ومع ولده يابو خالد؟؟
ابو خالد/شتقصدين؟
ام خالد/طلقني!!!!مو انت تبي تطلقني طلقني
مها/يمه؟؟؟
ام خالد/كفاية عاد....ماراح اسمح لك تهيني اكثر من ها الاهانة يابو عيالي؟؟؟؟تخير ولدك
بين حياته وبين بيتي اللي بينهد؟؟؟؟على بالك ماجرحتني السالفة ولا ماعندي
كرامة؟؟؟؟؟بس ماعليه يابو خالد انا برجع وبقولها لك طلقني وخالد بياخذ هيفاء...
ابو خالد/كانت لحظة ضعف وماشفت شي قدامي اغير راي خالد فيهي ام خالد...لاتصيرين
حساسة عا؟
ام خالد بحزن/لحظة ضعف تهددني بالطلاق فيها!!!!اي لحظة ضعف هاذي يابو
خالد؟؟؟يمكن تكون بالنسبة لك لحظة ضعف بس بالنسبة لي نقطة تحول بحياتي.....خل
عيالك عندك واقعد ذل فيهم واهدم بحياتهم وش وش النتيجة اللي بتوصل لها بالنهاية!!!انا
ما..
ابو خالد/ام خالد هدي عاد...قلت لك طلعت مني بلحظة ضعف وبعدين انا ماراح اسويها
وش فيك بس يابنت الحلال؟؟؟وخالد بتلاقينه بعد شوي داخل وبيقول انا ماابيها اعرفه
بيكون قلبه عليك وبننتهي من السالفة كلها؟
ام خالد/وفكرك اني برضى ماياخذها علشاني؟؟؟غلطان؟؟؟اذا انت سعادة عيالك اخر شي
تبيه فاانا سعادة عيالي اهم من حياتي يابو خالد؟؟انا ام...عارف وش معنى ام يابو
خالد؟؟؟معناته اني اعيش علشان اشوفهم مرتاحين وسعيدين بدنيتهم......مالي قعدة في بيتك
وسوي اللي بتسويه وخالد بياخذ هيفاء رضيت ولا ان شاءالله عمرك ماترضى؟؟؟؟؟
دق جرس الباب بها اللحظة وقطع عليهم كلامهم ولا ابو خالد كان متجهز بيرد عليها....
تينا/بابا احمد..هذا عادل صديق بابا خالد يبغى انت ...
ام خالد/عادل؟؟وش يبي؟
احمد/بشوفه وبرد.....
ماتدري ليش قبضها قلبها .....بس تعوذت من الشيطان....
ابو خالد ولااول مرة يطلع ورى واحد من عياله وهو رايح يشوف من جاي له ولا شيبي
منه...
احمد/حياك تفضل...
عادل ظل واقف مكانه.....
احمد بخوف/عادل وش فيك؟
عادل/تعال معي...
احمد/وين؟
عادل/شقولك بس ...خالد كان رايح الرياض اليوم....
احمد/أي عارف دقيت عليه الضهر وكان ماسك الخط؟
عادل/بعدها كلمني وقال لي عن اللي صار هنا ومسك خط الشرقية بيرجع.....و صابه
حادث بالطريق؟؟
احمد/حادث؟؟؟
عادل/لاتخاف كلموني المستشفى وهو بخير بس الاجرات شوي مطولة هو بالنعيرية اللحين
وانا قلت لهم يقفلون جواله لين مااجيهم......بتمشي معي؟
احمد/.............
عادل/انا اسف بس كنت لازم اعطيكم خبر...بس طمنوني عليه وقالوا مافي شي خطير كلها
كسور ورضوض وبيدخلونا قسم الاشعة يتاكدون؟
احمد بحزن/ووينه اللحين؟
عادل/مستشفى النعيرية العام؟؟؟
ابو خالد من وراهم/لامستحيل...روح جيب اخوك يااحمد؟؟؟لاتخليه هناك...جيبه هنا
وبدخله احسن مستشفيات وب..
احمد/يبى؟؟؟
ابو خالد/استغفر الله العظيم..
عادل/انا اسف ياعمي؟
ابو خالد/احمد روح مع عادل انا مافيني حييل اروح......وخلي جوالك مفتوح وطمني؟
احمد/لاتقول لاامي لاينشغل بالها؟
/////////////////////////////////////////////////////////
هند/شفيك انتي صافنة اليوم ومالك خلق؟
هيفاء تنهدت وسكتت/
هند/انا مانا صغيرة علشان تخبين عنيظ؟عارفة ان السالفة تخصط انتي وخالد؟
هيفاء/أي..تخصني انا وخالد,,,بس شكلها مطولة وماراح تنتهي ابدا ها السالفة!!!
هند دق قلبها لان مصيرها معتمد على مصير هيفاء وخالد بالدرجة الاولى؟؟؟؟؟؟
هيفاء/شكله صاير شي جديد ..وابو خالد ماهو راضي نرد لبعض؟؟؟
هند/انا اكره ابو خالد من كل قلبي!!!ليش يسوي كذا؟؟هو وش له دخل بحياتكم اصلا!!!!
هيفاء/عياله ويبي يتدخل بحياتهم من يقدر يحاسبه!!!
الجدة/صباح الخير..
لفوا لها..
هيفاء/قصدك مساء الخير يايمه..الساعة قربت على الثمان؟؟
الجدة دقت على صدرها/ياويل حالي؟؟؟وانا طول الوقت نايمة ولافطرت ولاتغذيت ولا
اكلت أي شي وطاقتي كلها انهدرت وانا نايمة ؟؟؟يعني اللحين شوي وبطيح عليكم بعد
ماينخفض السكر عندي؟؟؟؟ياشينكم بس ولا تصحوني تخلوني اكل شي علشان لااتعب؟؟؟
هند وهيفاء/هههههههههههه
الجدة/ضحكتوا من سركم بلى!!!وين امكم؟؟؟
هند/مع جارتنا ام حسام...
الجدة كشرت بوجهها/وي...ياثقل دمها اكيد جاية من العصر وللحين ماطلعت!!!
هيفاء/بالضبط؟؟
الجدة/معناته امكم ماسوت لنا عشى؟؟؟صدق انها مقصرة في اداء واجباتها المنزلية؟؟؟
هيفاء/ولاتزعلين اللحين اطلي لي عشى واطلب لك بعد...لاني ميتة من الجوع....
الجدة/وي يابعد عمري اصلا ماحد يحبني كثرك ياهيفاء!!!تصدقين انا اموت على عبود ..
وينه فديته؟
هيفاء تطالعها وتضحك وكانها مو عارفة ان الكلام كله خرطي بس علشان العشى؟؟؟؟
هيفاء/تبين شي هندوا؟
هند/ابي سلطة..ولا مقبلات؟
الجدة/هاذي عاد اكلها يسد النفس تنتقد مثل العصافير!!!!بس احب اقعد معها بنفس السفرة
لاني عارفة انها مابتاكل شي هههههههه
هيفاء/مشاريوه للحين نايم؟
الجدة/ماتشوفينا مرتاحين ومستقرين وهاديين الله لايقعده من نومته؟؟؟
هند/من وين بتطلبين؟
هيفاء/جيبي دفتر التلفونات بشوف المطاعم...
هند/تصدقين خاطري في باستا....
الجدة/انا بعد!!!
هيفاء/اللحين حددوا تبون شي سريع ولامشاوي ولا باستا؟
الجدة/انا ابي سفرة طول بعرض لاني مااكلت شي من امس واخاف اموت عليكم!!!!
هند/ههههه
////////////////////////////////////
مها/يبى عادل شيبي؟
ابو خالد وهو ساكت/مدري طلع مع احمد مشوار؟
ام خالد بتشكيك/وخالد؟
ابو خالد/وش فيه خالد عاد؟
ام خالد/عادل مو جاي علشان خالد؟
ابو خالد/اقولك يبي احمد....
ام خالد زادت انقباضات قلبها وهي تدق على خالد وجواله مقفل.....
//////////////////////////////////////////////////////////////قعدت بغرفتها وهي الخوف ماليها..مو
معقولة من العصر للحين مقفل جهازه؟؟؟
اكيد فيه شي ومايبيني اعرف!!!!بس انا شيصبرني؟؟؟تنقلت بين الاسماء ووقفت عند اسم
احمد وترددت تدق تساله عن خالد ولالا؟؟
في سيارة عادل..
احمد بتوتر/باقي كثير؟
عادل/ساعة الاربع....
احمد/.............
عادل/احمد...شد حيلك انا جايبك معي تخفف عني مو تزيدني؟
احمد/ماني متخيل شبشوف ياعادل؟
عادل/قلت لك طمنوني مافي الا العافية ان شاءالله لاتربكني اكثر من ماانا مربوك؟؟لو ادري
ماقلت لك ولاجبتك معي!!!
احمد دق جواله وصار يناظر بعادل..
عادل/شفيك؟
احمد/هاذي هيفاء؟؟؟اكيد بتسالني عن خالد؟
عادل/قولها يااحمد قولها...هي الوحيدة اللي لازم تعرف...خالد كان طول الطريق يفكر
فيها...على الاقل قبل لايتخذ قراره بالانفصالا النهائي لازم تحس انه يبيها وماتخلى عتها
بسهولة.
احمد/بس انا مقدر اوقلها؟
عادل/طيب كلمها وعطني انا بقولها....
احمد رد/هلا هيفاء...
هيفاء بخجل/احمد شلونك..
احمد/بخير..
هيفاء بتردد/احمد انا اسفة اني ازعجتك بس كنت بسالك عن خالد رد البيت ولا لسه؟
احمد/ليش انتي عارفة انه طلع من البيت؟
هيفاء/أي هو كان يكلمني وهو بطريق الرياض بس من دقيت انت عليه سكر وقال بيكلمني
بعدين بس ها البعدين ماجت وجواله من العصر مقفل ولاادري وش فيه؟؟قلبي صاير يودي
ويجيب وحبيت اتطمن عليه بس!!!
احمد/لحظة؟
عطى السماعة عادل.....
عادل/السلام عليكم..
هيفاء وقف قلبها...وماعرفت شتقول..
عادل/اختي ام عبد الله..انا اسف بس ابيك تكونين قوية...خالد مسوي حادث بسيط بالنعيرية
وهذا احنا رايحين نشوفه؟؟لاتشغلين بالك الحادث بسيط وانا كلمت خالد مافيه الا العافية
وقال لي اطمنك لانه مايدري عن جواله وانا مريت احمد وبنروح نشوفه...ترى الاهل
ماعندهم خبر ياليت ماتقولين لااخته ولا امه...واول مابوصل بخلي احمد يطمنك..ولا بخلي
خالد بنفسه يكلمك...مع السلامة؟
قال كل اللي عنده وسكر وهي بس تنزل دموعها بدون حسبان؟؟؟خالد مسوي
حادث!!!!!!!!يارب سترك يارب؟؟؟الله يشفيك ويحميك من كل شر ......
هند/هيفاء وش فيك؟
رفعت راسها والدموع مغرقينها....
هند/العشى وصل مابتنزلين؟
هيفاء وهي كل مامسحت بدموعها يزيدون اكثر قالت بصوت واطي/ماابي....
هند بخوف/وش فيك؟
هيفاء ناظرت بالبا وقامت هند وقفلته بسرعة وجت لعند هيفاء اللي طاحت بحضنها وقامت
تبكي بكل حرارة......
هند بخوف/هيفاء وش فيك خوفتيني؟؟؟؟
هيفاء بصوت باكي/خالد مسوي حادث بالنعيرية.....
هند/حادث؟؟؟منو قال لك؟
هيفاء/كلمت احمد وقال لي...يارب سترك.....
هند سكتت وماعرفت شتقول.......غير الله يرعاك ياخالد.......
///////////////////////////////////////////////
ام خالد كانت تروح وتجي بدون أي فايدة..
مها/يمه قعدي ارتاحي؟
ام خالد بانفعال/شارتاح انتي بعد؟؟؟خالد جواله مقفول من العصر واحمد من طلع مع عادل
ماهو راضي يرد شوفي كم صار له فوق الثلاث ساعات؟؟؟
مها/خالد طالع معصب ولايمكن يرد ولايفتح جواله لين يهدا؟؟وعادل اكيد مر على احمد
علشان يتفاهمون مع بعض ويوصل احمد وجهة نظر خالد لاابوي لانه مايبي يقابله؟؟؟انتي
بس هدي بالك
ام خالد/ماني متطمنة يامها ماني متطمنة.....في شي صاير.....
مها/يمه مافي الا العافية..اخواني انا عارفتهو وقت اللي يتضايقون مايحبون يكلمون احد ولا
يسمعون صوت احد؟؟؟بس يوصلون لقرار بتلاقينهم ثنينهم كلموك؟؟انتي ارتاحي حرام
عليك....
ام خالد بقلق/وين ارتاح يايمه وين؟؟؟
مها بدت تخوف/يمه الله يخليك لاتخوفني اخواني مافيهم شي بس انتي خوووفة بزيادة؟؟؟
ام خالد قعدت وبدت تبكي/اخوانك فيهم شي يامها صدقيني!!!قلبي مو متطمن ابدا!!!!
محمد كان بغرفته وهو طول الوقت يفكر بللي سالبة عاقله وحارمته الرقاد!!!!
ياترى يامها وش هو احساسك اللحين....
تبيني بعدك مثل ماانا ابيك ولا طلاقك غير افكارك ومشاعرك!!!!!!
بعدك باقية على حبي مثل مافهمت من عيونك ولا بتظلين على عنادك ياغلاتي!!!!!
مافي غير هيفاء يامحمد روح سولف معها وشوف وش قالت مها من روحة البر
لهيفاء؟؟وبعدين لاتنسى ان علاقتك بهيفاء صايرة حلوة....
اخذت رجله لعند غرفة هيفاء اللي كان صوت بكيها واصل للباب...
ووقف قلبه وش فيها ياترى؟؟؟
دق الباب مرة ومرتين لين طلعت له هند...
هند/محمد؟
محمد/وش فيها هيفاء؟
هند/ها....
محمد وعيونه لداخل الغرفة/وش فيها؟
هند بارتباك/مافيها شي..
محمد بعد هند ودخل وكانت هيفاء منبطحة على سريرها وتبكي وحالتها حالة...
محمد جلس جنبه وهو خايف ومرعوب/هيفاء...شفيك حبيبتي؟
هيفاء زاد بكيها وماقدرت تنطق بحرف واحد...
محمد لف لهند/شفيها؟؟؟
كانت لهجة الخوف واضحة بصوته.....
هند كانت مرتبكة/والله مدري......
محمد كان يطالع بين هند المرتبكة وهيفاء اللي ذابحة نفسها......
محمد/طيب اتركينا بروحنا شوي؟
هند طلعت وكان الخوف قاتها لانها عارفة محمد مابيترك هيفاء لين يعرف واذا عرف
بيذبحها بدون تردد لانه بيعرف انها تكلم خالد.....
طلعت وهي دعواتها لهيفاء اللحين....
محمد بحنان/هيفاء وش فيك؟
هيفاء بعدها تبكي.......
محمد حط ايده على شعرها وصار يباعد بخصلات شعرها الللي طايحة على عينها....
محمد بحنان وخوف/صارحيني ياهيفاء انا اخوك ويضايقني زعلك؟
هيفاء رمت نفسها بحضن محمد ولااول مرة وقالت بدون خوف منه ومن اللي ممكن
يسويه/محمد...انا بموت....ياليت ها الشي صار فيني ولافيه؟؟؟
محمد/شنو؟؟والله مافهمت شي؟
هيفاء بصوت متقطع /خالد يامحمد خالد..
محمد بخوف/وش فيه خالد؟
هيفاء ناظرت بعيونه مباشرة وهي عيونها ملايانة دموع...../خالد مسوي حادث بالنعيرية
وانا بموت من الخوف عليه يامحمد؟؟؟؟؟
/////////////////////////////////////////////////////////
على الساعة ثنتين ونص بمستشفى النعيرية..
وتحديدا بالغرفة اللي فيها خالد...
عادل/خلاص انا كلمت مستشفى سعد وبيدزون لنا سيارة اسعاف علشان تنقلك مباشرة..
خالد/والله مالها داعي...انا مافيني شي خلاص بقوم اروح البيت....
احمد/تدري انك طلعت من الحادث باعجوبة ياخوي؟؟؟السيارة راحت فيها؟
خالد مسك علبة الكلينكس اللي جنبه ورماها على احمد اللي كان يضحك..
خالد مسوي روحه معصب/انت خايف على السيارة ولاعلي؟؟؟
احمد/هههه أي بس السيارة غالية ماهي رخيصة؟؟؟
خالد/الله ياخذك من اخو؟؟حشى عدو مو اخو ولد امي وابوي؟؟؟
عادل/الحمد الله على سلامتك ..وزين انها جت بس على ها الكسر والكم رض ولاكان
خسرناك يابو عبدالله؟
خالد/الحمد الله..
احمد/انت ماتعرف تسوق؟؟؟يقولون انت الغلطان؟
خالد/انت اسكت بس اسكت لااذبحك....
احمد/ههههههههه مهاوي وامي وابوي ذابحين جوالي وانا مطنشهم..
عادل/غريبة هيفاء مادقت؟
خالد بجدية/ليش ؟؟
عادل/كلمت احمد واحنا جايين وانا قلت لها عن الحادث؟؟؟
خالد بلوم/وليش قلت لها؟؟؟انا مافيني شي اللحين بتضايق نفسها على الفاضي؟
احمد/انا قلت له بعد بس هو ماطاعني؟؟؟
عادل/المهم على ساعة بتوصل سيارة الاسعاف قوم انت تلحلح وخلص اجراءت الخروج انا
تعبت؟
احمد انبطح على الكراسي/وانا بعد تعبان ونعسان؟؟
خالد/شرايكم انا اقوم اخلص اوراقي بنفسي؟
عادل/قوم وريحنا؟؟؟مافيك شي مافي الا العيارةعلينا؟؟؟؟
خالد/بعد!!!ولا لي احترام ولاكاني مسوي حادث ولاشي؟؟؟
احمد/احنا قلنا اذا شفناك تعبان ومتكسر بنسوي روحنا خايفين بس ماشفنا فيك شي خلاص
بعد ليش ندلعك..يكفي بكرة من الصبح اذا جتك ام خالد ومهاوي بتاخذ الاهتمام كله؟؟؟؟
خالد/الله ياخذك ياالحسود....
عادل/ههههه صدق اعظم من بزارين؟
بعد ثواني بس اندق الباب...
احمد/اسمع بعد الحكومة يسوون روحهم يستاْذنون قبل لايدخلون؟؟؟ورفع صوته/تفضلي
حياك....
عادل/يمكن انها مو بنت يمكن الضابط اللي ..
ماكمل عادل كلمته لان احمد من سمع اسم ضابط فز وراح يفتح له الباب........
.................................................. ............
رجع لهم الغرفة.....
احمد/عادل تعال معي شوي...
عادل وخالد ناظروا في بعض/شصاير؟
احمد/تعال زين...
عادل/بزر ولا تعرف تصرف روحك...
وقام معه وطلعوا برة الغرفة وظل خالد بروحه وعيونه على سقف الغرفة وكل شي يمر
قدامه مثل فيلم سنمائي ...السالفة اللي صارت له مع ابوه...
وامه..اكيد اللحين حالتها حالة؟؟؟وهيفاء؟.........وتنهد اول ماذكر هيفاء.....الحب اللي جاه
متاخر وبينتهي قبل لايتهنى فيه؟
ومانتبه الا على الباب اللي انفتح ولاعلى اللي دخل...وهو افكاره مشغولة ومشوشة....
وماحس الا وعلى يد ماسكة يده ودموع تطيح على يد....رفع راسه وانصدم من اللي كان
موجود جنبه!!!!!!!
هيفاء؟؟؟؟؟مستحيل وش اللي جابها...
خالد بتردد/هيفاء؟؟؟؟
هيفاء كانت ضامة يده لصدرها وهي تبكي بدموع ماوقفت لحظة وحدة ؟؟؟
خالد مسك يدها/حبيتي انتي كيف جيتي هنا؟
هيفاء وهي تمسح اللي صار فيه بعيونها/محمد جابني...
خالد/محمد اخوك؟
هيفاء وهي ماسكة يده الثانية اللي كانت تحت الجبيرة/تالمك؟
خالد رفع يدها اللي كانت ماسكة يده لشفايفة وباسه وهو حاس بالحسرة ومو قاوي يقول لها
خلاص هاذي اخر لحظات لنا مع بعض,,,,,
خالد بهمس/حبيبتي ..ليش جيتي عاد؟؟
هيفاء/تبيني اقعد هناك واموت لين يجيني خبر منك ولامن احمد اللي كلمته ومااهتم يرد
علي!!!!مااقدر ياعمري مااقدر؟؟
خالد/محمد ماقال لك شي؟
هيفاء/لا بالعكس..هو اللي قال قومي نروح نشوفه؟
خالد/ووينه هو؟
هيفاء/واقف مع احمد وعادل.....حبيبي وش يالمك؟
خالد/مايالمني شي..زبس تعب خفيف لاتشغلين بالك..
هيفاء بتشكيك/متاْكد ولاتكذب علي!!!!
خالد/ليش اكذب عليك عاد!!!صدقيني مافيني شي......
هيفاء/وين الدكتور ابي اشوفه؟
خالد/مايحتاج هذا انا طالع اللحين؟
هيفاء بفزع/جنيت انت تطلع اللحين!!!لا مافي قومة انت تعبان ومحتاج ترتاح.......
خالد/حبيبتي اللحين بيجيبون لي سيارة اسعاف وباروح الخبر...
//////////////////////////////////////////////////////////////////////////////////////////////////////////
////////////////////يوم ثاني الضهر بغرفة خالد بمستشفى سعد...
ام خالد/انا قايلة فيهم شي بس شسوي فيك يااحمد اللي مافكرت تطمني؟
احمد/يمه شتبيني اقولك؟؟انا قلت اروح اتطمن عليه وبعدين ارد لك خبر؟
مها/وانت رحت وتطمنت ولا عطيتنا خبر ولاهم يحزنون وخليتنا على اعصابنا؟؟؟
ابو خالد/اهم شي سلامته وان مافيه شي؟
خالد ظل ساكت وماحط عينه بعين ابوه اصلا حتى يوم جا يسلم عليه......
مها جت جنب خالد وهمست له/اللحين تطلع هيفوا اغلى عندك مني!!!هي قاعدة معك طول
الليل وانا توني ادري قبل ساعتين؟؟
خالد ضحك لها/هي عندها خبر ومن سمعت جتني مع محمد وبعدها ظلت هنا لين تطمنت
من الفحوص ان مافيني شي...
مها/يالله يالله..درينا انها اغلى؟
خالد بجدية/مهاوي شصار ؟
مها ناظرته/ارتاح اللحين وبعدين بنعرف...
ام خالد/يمه تبي اجيب لك عصير تشربه.
خالد/يمه فديتك توني فاطر...
احمد/يمه لاتخافين هذا مستشفى كاشخ حتى اكلهم حلو...
ام خالد/انت اسكت وانطم ماابي اكلمك.....
احمد/افا بس..ماتقدروني ولاتقدرون جمايلي؟
ام خالد بقهر/طمني ؟؟علمني؟؟عطني خبر؟؟مو تخليني مثل المجنونة رايحة جاية ولاانا
دارية وش اللي صاير؟؟؟
خالد/حقك علي يا الغالية؟؟؟بس كان مشغول وحايس بالمستشفى..معليش مافضى غير يوم
وصلنا هنا واول مافضى اتصل عليك؟
ام خالد/الحمد الله انها جاية على كسر يدك وعلى كم رض لو انها كبيرة كان بيخليني وبيظل
ساكت ومابيتكلم؟؟؟
احمد/لالالو هي كبيرة تكلمت صدقيني لاني بحتاس مابعرف اتصرف...
كان الكل يتكلم ومطنش بوخالد على جنب وهو كانه غريب بينهم....
مرام/انا بقوم اتمشى في المستشفى.....
طلعت وقام بو خالد بعد يتمشى بالمستشفى وكلهم ناظروا وسكتوا...
خالد وهو يناظر بعمر/يكه..انا اسف..
ام خالد/خالد......لاتغير رايك يمه...انت تبيها ومصر عليها....كمل حياتك معها ومع
ولدك....
خالد باعتراض/لايمه مستحيل...
ام خالد/هاذي بروحها اهانة لي ياخالد..انه ينسى عشرتي ويساوم عليها تكفيني العمر كله؟؟
مها/يمه...ابوي اعتذر وان شاءالله تحلون القضية بدون ها الحساسيات...
احمد/يمه مايصير انتي لو تطلعين بره البيت كلنا بنطلع معك؟
ام خالد/خالد..انت لو اخذت هيفاء وين مقرر تسكن اكيد مو بالبيت؟
خالد تنهد/لو كنت باخذها؟؟؟؟كنت شاري بيت صغير على قدي وقدها بالمزروعية...لين
تنتعش مور الشركة وبعدها ببني لنا فيلا بس..
ام خالد/يمه...انا بجي معكم بالبيت...
خالد/يمه..
ام خالد/مااظني ان هيفاء تعارض واذا عارضت بروح بيت اخوي؟؟
خالد/يمه انتي بتتبقين في بيتك معززة مكرمة..
ام خالد/منو قال لك اني اذاقعدت في البيت بتكون قعدتي بكرامة؟؟؟لايايمه خلاص...
قاطعهم دخول مرام..
احمد/انتي تدخلين دايم مثل الاشباح لاتدقين باب وكانك داخلة بيت وحوش صدق؟؟
مرام صارت تناظر بالباب..
مها/وش فيك؟؟
احمد/وش مسوية من جرايم؟؟؟اكيد كاسرة شيولا متحرشة باحد اعرفك ماتسكنين بمكان
ابدا؟
مرام/شكلها بتقوم حرب صغيرة برى؟
خالد/ليه؟؟؟
مرام وهي تناظره/هيفاء وابوي؟
بالممر اللي يسبق غرفة خالد كان ابو خالد واقف وقباله هيفاء وهي حاملة عبود ومعاها
مشاري وهند ....ووراهم محمد وجدته...
ابو خالد وهو يناظرها من فوقها لتحتها/خير ان شاءالله ليش جاية؟
هيفاء سكتت وماردت عليه..
وعبود مد يده لجده رغم اعتراض امه.اللي كانت تنزل يده كل مارفعها...
ابو خالد/وش تبين؟لاتقولين جاية تشوفين خالد؟؟خلي عندك كرامة ولدي مايبيك...
هيفاء بثقة وهي عيونها بعيونه/انتظرت المواجهة هاذي تكون بس ماحسبت لها حساب انها
بتكون بها المكان ابدا!! حتى يوم شفتك بالمستشفى عند مها...
ابو خالد/قلت لك خالد مايبيك...
هيفاء/انت ماتقدر تمنع ولدي انه يشوف ابوه؟
ابو خالد/هاذي بسيطة اذا على عبادي.....
وتقدم وشال عبود بالغصب من حضنها وكلهم واقفين يناظرونه حتى محمد......
ابو خالد/خلاص اعتبريه بيشوف ابوه...ولااقولك بيسكن عند ابوه خلاص انتي مالك شغل
فيه؟؟؟وريني عرض اكتافك وفارقي!!!!
هيفاء بحزن والم/هذا ولد عمتي ومالك تمنعني اشوفه؟
ابو خالد/قولي كذا؟؟؟قولي انتي اللي تبين تشوفينه مو ولده؟؟؟الشره على ابوك اللي تاركك
على راحتك وماعرف يربيك....
محمد تقرب بعصبية وهو ثاير../هيفاء امشي خلاص مالها داعي الشوفة اذا بيغلطون على
ابوي؟؟
هيفاء/ماني متزحزة من مكاني الا اذا تطمنت على خالد؟
الجدة تقربت/وهي الصادقة احنا جايين لخالد مو جايين له ولا علشان نسمع مغثته؟
ابو خالد/شوفي يابنت ابوك انتي...اذا مفكرة انه يبيك انتي غلطانة؟؟؟؟انا قلت له اذا اخذك
فامه بتطلق وماتلزمني؟؟؟وهو مارضى على امه طبعا!!!فلا تلزقيني نفسك اكثر وتذليني
كرامتك اكثر خالد ماعاد يبيك؟؟؟؟؟؟
احمد/محمد..جدتي..هلا حياكم تفضلوا هنا غرفة خالد؟
كان الجو متوتر....
هيفاء لمحمد/انا بقعد بالكافتريا وبعدين بجيكم..سلم عليه...
الجدة/لا...بتدخلين معنا وغصبا عن اللي مايرضى؟
هيفاء/معليش بجيكم بعدين؟
احمد/شفيكم واقفين دخلوا..
محمد/في احد مع خالد يااحمد؟
احمد/لاامي وخواتي بس....يابنات تغطوا الشيخ محمد ولد خال الشيخ احمد بيدخل؟
ابتسم له محمد ودخلوا.....
///////////////////////////////////////////////////////
هيفاء راحت لااول غرفة انتظار شافتها بوجهها....وقعدت على الكرسي وهي شايلة همها
فوق راسها....
يعني السالفة كذا ياخالد؟؟؟؟؟علشان كذا كنت متضايق وشايل هم فوق راسك وقلت بتجيني
تخطبني بدون ابوك؟؟؟؟بس اللحين السالفة اكبر من انك تخطبني بموافقته ولا
بدونها...السالفة صارت سالفة امك وخراب بيتها!!!!
عساك ماتتوفق وين ماتروح يابو خالد....ويحترق قلبك على كل غالي تعزه مثل ماحرقت
قلبي على حبيبي وابو ولدي وحرمتني منه وحرمت ولدي انه يربى بينا!!!!
ياربي انا مو قاصدة ادعي عليه بس هو قاهرني ليش يبي يفرقني عن ولده ليش؟؟؟؟
ياربي كل ذنبي اني حبيته وابي اعيش معه زوجة وحبيبة لااخر العمر ...
///////////////////////////////
بغرفة خالد...
ام خالد/وين اخوي ...
محمد/بيجي من الدوام وبيجيب امي معه؟
الجدة/تعالي معاي شوي بكلمك....
وقامت مع ام خالد على جنب يسولفون بهمس..
مشاري/شوفوا جدتي على اساس انها جايبة لك شوكلاته حق السلامة ياخالد والكيس مافارق
يدها؟؟؟
مها ومرام واحمد/هههههههه
هند بقهر/لاوفي النهاية بالبيت بتسوي روحها نست تعطيك اياه وبتقول يالله خلني اكله
لايخترب؟؟؟
مشاري/أي والله وهي قاصدة ماتعطيك اياه اصلا!!!سوالفها مكشوفة بس على مين؟
محمد/متى بتطلع من هنا؟
خالد/والله الود ودي اللحين...بس بقعد لبكرة وبطلع...
احمد/قوم شوي عاد ياخالد وخلني اقعد مكانك؟؟؟
محمد/وليه يعني؟؟
احمد/ابي اشوف لو انا المريض شنو يكون شعوركم؟؟تخافون علي ولالا؟؟منو اكثر تكونون
خايفين عليه هو ولاانا؟؟وها السوالف يعني...
محمد/لااله الا الله عليك...مو بصاحي؟
مها/يعني الواحد لازم يمرض علشان يشوف معزته؟
هند/شكلها كذا السالفة؟
مرام/وين هيفاء؟
هند بارتباك/مدري.....
مشاري/قالت بتروح الكافتريا تحت...
ظل السكون عام المكان.....
ودخل بعدها ابو خالد ومعه عبود...اللي قام يطالع بابوه وهو مستغرب..
عبود بحزن وخوف وهو بحضن مها اللي اخذته من ابوها وودته عند فراش خالد/بابا ...
مريض؟
خالد/أي..
عبود/مين سوى فيك اح؟
خالد/السيارة؟
احمد/هذا لان ابوك مايعرف يسوق بيسحبون منه الرخصة ؟؟
خالد/اقلب انت بعد؟؟
احمد/هههههه
محمد/انت بكرة يشيلون جبيرتك وابوك حطوا له جبيرة؟؟؟
خالد/بتقعد معي؟
عبود تردد..
خالد زاح شوي وخلى مكان لعبود جنبه/تعال....
جطته مها جنب ابوه وتغطى مثله...
هند/مشاءالله صورة ونسختها؟؟؟بس كبيرة وصغيرة؟
مها/أي والله...تصدقون يبي لكم صورة؟
خالد/هذا اللي ناقص بعد؟؟؟
مها بعدت شوي وخلت خالد يندمج بالسوالف وطلعت جوالها تصوره..ويوم حس فيها بغى
يذبحها....
الجدة/يالله محمد يمه مشينا...
خالد/وين جدتي بعدها وقت؟
الجدة/بجيك اذا طلعت من المستشفى يمه......
قامت هند ووقفت عند الباب..تنتظرهم على مايخلصون سوالفهم..وجا وراها احمد..
احمد بهمس/هي انت عطنا وجه عاد؟
هند/...........
بس تناظره بدون متتكلم...
احمد/ياردات حظي انا؟؟؟ليش كذا مو معبرتني ابدا؟؟؟ياليتني طايح وتعبان بدال
خالد؟علشان تعطيني وجه؟؟
هند/..........
احمد بفزع/قولي سلامتك ماتشوف شر يابعد عمري فيني ولافيك؟؟؟
هند ضحكت وبس...
احمد/انت....لاتنرفزني كلمني قبل لايجي احد....
هند صارت عيونها بعيونه..وقالت بهمس/انا؟؟
احمد/أي انت...انت يللي باخل بكلمة احبك؟؟؟
محمد/يالله مشينا....
الجدة/يالله.....
احمد/والله ماهي حلوة طلعتكم..قعدي جدتي وانا بعدين اوصلك؟
الجدة/مااقدر اقعد وابوك هنا يرفع ضغطي؟؟؟
احمد/سلامى ضغطك يابعد قلبي انت؟؟؟الا جدتي شنو هذا اللي بيدك كيس باتشي اذا مو
غلطان؟؟
مشاري/ههههه عجبتني؟
الجدة لفت بالموضوع/اللحين بنروح ندور هيفاء بعد؟
محمد/احمد...تعال ابيك.....
احمد بخوف/شصاير؟
محمد/تعال...
دق قلب هند بالخوف معقولة محمد سمع احمد؟؟؟؟؟ياويلي ذبحتي اللحين لامحالة؟؟؟؟؟؟؟
بعد ساعة ونص تقريبا دق احمد على هيفاء اللي بعدها بغرفة الانتظار وردت عليه...
احمد/هلا ام عبادي شلونك؟؟؟
هيفاء/خير...
احمد/ول؟؟؟
هيفاء/مو قصدي بس شبغيت يعني؟
احمد/ترى خالد مامعه احد؟
هيفاء/.............
محمد من زمان مشى وبيتنا توهم مشوا قبل شوي ومحمد قال لي اذا طلعوا اقولك لان على
قولته في كلام انتي تبين تقولينه لخالد على انفراد واذا خلصتي بردك البيت؟؟؟
هيفاء/هو قال كذا؟
احمد/أي...
هيفاء/طيب.....
احمد/بالوقت اللي بتخلصي دقي علي وبكون موجود.....
هيفاء/شكرا...نخدمك بالافراح ان شاءالله ولو اني زعلانة منك امس يوم تطنشني؟
احمد/هههه يبى انتي بعد مااعتمدتي علي وجيتي بنفسك للمستشفى؟
هيفاء/وتبيني اموت بدون مااخذ خبر عنه وانتظر حضرة جنابك تتشفق علي؟
احمد/ههههههههههههه
//////////////////////////
في غرفة خالد دقت الباب ودخلت ووقفت عند الباب...
هيفاء/ممكن ادخل؟
خالد/اكيد؟؟
دخلت هيفاء وقعدت على يمينه......وظلت ساكتة؟
خالد/ليش بعيدة..قربي.....ولاتطمتي ان مافيني شي خلاص راح خوفك علي؟؟؟؟؟
هيفاء/اكرهه وبظل كارهته طول عمري ياخالد؟
خالد سكت لانه عارف عن منو تتكلم...
هيفاء/ليش كل ماقلت جرحي طاب وضحكت لي الدنيا يجيي شي ويغير كوني كله؟
خالد/حبيبتي انا تعبان والله العظيم تعبان ومو قاوي اتحمل شي بها الدنيا ابد!!!!!شوفة عينك
كل مرة اتخير بخيار اصعب من اللي قبله؟؟؟؟؟
هيفاء بدت تبكي/انا مالومك ياخالد...ومقدرة وضعك زين وعارفة ان الشي فوق احتمالك
وطاقتك....بس قلبي شقوله اذا سالني عنك وعن قربك؟
خالد/قوليله خالد مات؟؟
هيفاء بحزن ودموع/اسم الله على قلبك يابعد قلبي؟؟لاتقول ها الكلام ياخالد لاتقوله..
خالد بهمس/هيفاءبتظلين تحبيني لااخر العمر وماراح تحبين غيري؟؟
هيفاء/انت عندك شك بها الشي ياخالد؟
خالد برجا/وعد...
هيفاء/وعد يموت حبك بقلبي اذا مت وصرت تحت الثرى ياخالد وعد.,,,,
خالد/قربي مني...ابي اشوف خوفك ولهفتك علي مثل البارح؟
هيفاء/لا ياخالدلا..خلاص مااقدر اقرب منك اكثر واعذب نفسي واعذبك معي؟؟
خالد/بس ياهيفاء انتي عارفة ان الشي هذا مو بيدي فلاتحرميني قربك ومشاعرك...
هيفاء/تدري ياخالد...اقسم لك برب الكون كنت جاية اليوم ومافي بالي غير كلمة وحدة بقولها
لك ولو ان فيها ضياع لكرامتي بس كنت ناوية اقولها ومايهمني أي شي...
خالد ناظرها باستفسار...
هيفاء كملت بصوت متقطع وحزين/كنت بقولك بما انك طبت وجت سليمة حلاوة السلامة
تجيب الشيخ ونملك اليوم وبالمستشفى؟؟؟؟؟؟بس حسافة على حظي حسافة؟؟؟؟؟
قامت وهي تجر ذيول الخيبة والقهر والالم وراها....
*********************************بعد صلاة المغرب في بيت العواد...
عمر/يبى...جدتي عند الباب؟
ام خالد وابو خالد ناظروا في بعض....
مها واحمد وقفوا...
ودخلت الجدة وعصاها قدامها....
ام خالد/يمه...ماقلتي انك جاية ..
الجدة/مايحتاج اقول ...البيت بيتي وادخل وقت ماابي.....
مها/اكيد يمه بيتك وتدخلين بكل وقت...تفضلي...
الجدة/ماني قاعدة جاية اخذ بنتي وبمشي؟
ابو خالد/نعم؟؟
ام خالد/يمه..
الجدة تكلم بوخالد/انت مو قلت انك تبي تطلقها؟؟؟يالله اذا انت رجال وفيك رجولة طلقها؟؟؟
ابو خالد/احشمي نفسك يامرة انتي في بيتي؟؟؟
الجدة/انا حاشمة نفسي مو مثلك يالخسيس؟؟؟
ابو خالد بعصبية/طلعي برة؟؟
ام خالد/بو خالد؟؟
الجدة/ومن قال لك اني بقعد؟؟؟باخذ بنتي وبنطلع محنا قاعدين لك وخل عيالك عندنا انت
لاتبيهم يفرحون ولايستانسون وكنهم عدوان مو عيال؟؟؟؟
ابو خالد/عيالي ومالك شغل فيهم سامعتني ولالا؟
الجدة/لامو سامعتك؟؟؟وانت اسمع وحط كلامي في بالك..حرام عليك يالظالم..زبتهدم حياتهم
كلهم؟؟؟خالد وطلقته وكاهو يبي مرته ماتقولي انت وش مستفيد اذا ولدك ماتزوج البنت اللي
يبيها؟؟؟مو كافي فرقت بين مها ومحمد واثنينهم يبون بعض؟؟؟مااتعظت بزواجها وطلاقها
بيوم واحد!!!!ماعورك قلبك على بنتك اللي سمعتها صارت على كل لسان والناس مايدرون
وش الحقيقة؟؟؟؟شوف بنتي ماهي قاعدة لك وبنشوف نهاية كذبك انت قلت لخالد ياتاخذ
هيفاء ياامك تتطلق وبنتي تبي تتطلق طلقها يالله ؟؟؟
ابو خالد/انتي الضاهر خرفتي وماتدرين وش تقولين؟
مها/يبه؟؟؟
الجدة مسحت دمعة نزلت منها بملفعها/انا ماخرفت يابو خالد وعارفتك زين
مازين؟؟؟يالكذاب يالغشاش؟؟؟بتلف وبتدور على الولد مثل عوايدك ولابتخليه ياخذها
ويستقر مع ولده ومرته....
ابو خالد/ولدك اللي دازك مو؟؟؟قوليله حريمتك خالد مابياخذ بنتك وخلها تظل عندك طول
عمرها؟؟
الجدة/ولدي مايدري اني جاية لك ولو درى بيحرم علي طبت بيتك؟؟؟ولدي اشرف منك
واعز منك ,,,انت ماعندك مروة ولانخوة ولاشهامة يالكذاب يالظالم...
ابو خالد رفع يده وهو في قمة عصبيته علشان يمدها على الجدة وام خالد باللحظة الاخيرة
حالت بينه وبينها وصارت الضربة فيها...
واحمد ومها وقفوا وكانهم مو في الدنيا ولاهم عارفين شيقولون؟؟؟
ابو خالد/وخري خليني اوريك فيها هاذي اللي خرفت؟
ام خالد بقهر/حدودك عاد..امي ماخرفت ولاارضى انك تتكلم معها كذا؟؟؟
الجدة/طيعيني وتعالي معي هذا ماوراه الا وجع القلب...
ابو خالد/طلعي من بيتي يالعجوز يالمخرفة؟؟؟
ام خالد بصراخ/بس!!!حرام عليك على الاقل احترم كبر سنها....واحترم وجودي ووجود
عيالي معك....
الجدة/كلمة وحدة وانتي بتقولينها...
دام السكون لحظات....وبعدها ام خالد مشت ولبست عبايتها وطلعت قبل امها...اللي ابتسمت
ابتسامة نصر لاابو خالد اللي كان ثاير؟؟؟
مها ببكي/انا مو قاعدة هنا ابي اروح عند امي؟
الجدة/لا...خلكم عند ابوكم.....خلوه يتصرف معكم مثل مايبي؟؟؟؟وبنشوف يابو خالد شتقدر
تسوي اذا عيالك زعلوا عليك وماسوواالشي اللي انت تبيه؟
//////////////////////////////////////
في بيت محمد وهنادي....
هنادي/طيب وش قلت لهم؟
محمد/ولاشي..بس قلت لهم ان انتي تبين تقعدين في بيت اهلك زيادة؟
هنادي وهي تاكل بالكرز اللي بصحنها/ومشت عليهم؟
محمد/نوعا ما.....
هنادي/............صار لي ثلاثة شهور ماشفتهم...وحاسة بارتياح نفسي عجيب....
محمد/امي قالت لي ابي اروح اشوف بيتك..
هنادي بفزع/لا....لا يامحمد لا..لاتخليها تجي؟
محمد/قلت لها خير اللحين في عمال يشتغلون بعدين اوديك اذا تضبط كل شي...
هنادي باصرار/حتى اذا تضبط كل شي على قولتك امك وعمتك مايعتبون بابا بيتي ولا مرة
اخوك بعد؟
محمد/..............
هنادي/وللمك عاد كل شي بالبيت برميه مو جايبة معي خيط واحد من هناك؟؟؟
محمد وهو يناظر بصحنها/شسالفتك انتي مع ها الكرز؟؟؟من الصبح وانتي صحن رايح
وصحن جاي؟؟؟؟؟؟
/////////////////////////////////////
ابو محمد/وانا اخر من يعلم؟؟
ام خالد/سامحني ياخوي ماحبيت اشغل بالك بهمي...
ام محمد/والعيال هناك..
الجدة/أي خليهم هناك وخليه يقابلهم ويحس بتعبهم شوي....
ام خالد تنهدت...../لو كلهم يصرفون حالهم مها مابتتحرك من مكانها اعرفها تموت من
الجوع ولابتطلع من غرفتها اللحين وخالد مو هناك وبالي بينشغل عليها من بين اخوانها...
محمد نزل راسه وهو يفكر فيها وهيفاء انتبهت له...
ام محمد/بس مايصير كذا يظلون معلقين وبالهم مشغول....
ام خالد/بكرة خالد بيرخصونه وبروح معه للبيت اللي اشتراه....وصارت تناظر بهيفاء اللي
كان الزعل ماكل وجهها....
ابو محمد/لاياختي لا..بيتك هنا ومكانك هنا ومابتتحركين ابدا لو على جثتي!
ام خالد/لا ياخوي لا....
ابو محمد باصرار/لا بتبقين هنا لين يصير شي...ماراح تروحين عند خالد ولا ازعل منك
يااختي...
هيفاء/محمد....محمد..
محمد انتبه لها/ها....
هيفاء/قوم شغل سيارتك...
ام محمد/وين بتروحين؟
هيفاء باصرار/بمر على مها بجيبها هنا...ادري فيها اللحين بتكون قربت تذبح نفسها من
البكي واحمد ماراح يجيبها...
ام محمد/بس ياهيفاء..
هيفاء/هي اذا تبي تجي بتجي معنا واذا حست ان الوضع مايسمح ماراح تجي بروح مني
خسرانة شي...يالله محمد بس البس عبايتي واجيك بالسيارة.....
هي قامت مو علشان مها بروحها لا...هي صحيح عارفة مها وعارفتها مثل الاطفال
ماتصرف روحها بس بعد تبي تردها لمحمد اللي انقلب مرة وحدة ووقف معاها بيوم الحادث
ووصلها بنفسه لخالد وعطاها مجال اليوم تتكلم مع خالد وتتفاهم معه براحتهم....هي عارفة
ان فكره مشغول .بمهاويبي يكلمها بس ماعنده طريق ولاخيار....
خلها تمهد له شوفة مع مها ويفضفضون لبعض رغم ان الوقت مايسمح بس كفاية خسارتها
لخالد حرام هم بعد يضيعون مرة ثانية مثل ماضاعوا قبل ,,,,,
////////////////////////////////////////////////////////////////////////بسيارة محمد كان الجو هادى
الا من بكي مها.....
هيفاء/خلاص ...هذا انتي بتروحين معنا البيت لاامك وش تبين بعد؟
مها مثل الاطفال/السالفة مو سالفة اني اقعد عند امي وبس؟؟؟السالفة اكبر منها...عمري
ماتوقعت حياتنا بالبيت بتوصل لمرحلة كذا؟
محمد كان يسمع كلامها ولاهو قادر يرد عليها....
هيفاء/المهم خالد لاتقولون له..اذا طلع يعرف كل شي بنفسه.....اقول محمد.....(كانت تقراْ
خوف محمد على اللي قاعدة ورى تبكي في عيونه)
محمد/نعم...
هيفاء/وقفني هنا عند الكورنيش بمشي بس ربع ساعة وبعدها بجيكم..والله حاسة نفسي
بموت من القهر؟
محمد وقف السيارة وكانه يبغاها من الله.....
قبل لاتنزل/محمد خل بالك على مها وهديها.....
نزلت هيفاء وظلوا ثواني ساكتين الا من بكي مها اللي مقطع قلب محمد...
وبعدها مسحت دموعها وفتحت الباب ونزلت ونزل وراها..
محمد/وين؟
مها/باخذ لي ماي....
محمد/انا اجيب لك.....
وفتح لها الباب اللي قدام علشان تركب وركبيت..وراح وبعد دقايق رجع وبيده ماي وفتحتها
وشربت شوي وتسندت على الكرسي وغمضت عيونها...
محمد بهمس/مها....لاتبكين...انا مقدر اشوفك تبكين واظل اناظرك ومااعرف وش اسوي
....
مها لاشعوريا صارت تدمع عونها وهي مغمضة....وقالت له بهمس/انا مهمومة يامحمد
مهمومة وتعبانة؟
محمد تقرب منها/قولي لي شفيك تكلمي...انا اسمعك....
مها فتحت عيونها وقامت تبكي/انت السبب...كل حزني وهمي وتعبي انت سببه يامحمد
انت!!!!احبك.. فاهم وش تعني ها الكلمة يامحمد فاهم؟؟؟؟ماني قادرة اعيش تزوجت
وتطلقت بنفس اليوم مو علشان سعود وسالفته لا...لاني مو متخيلة احد ثاني ممكن يلمس
مني شعرة وحدة غيرك؟؟؟؟مو قادرة اتصور اني اسمع كلمة احبك من احد غيرك يامحمد
مو قادرة؟؟؟؟حياتي مافيها شي يسر من بدايتها لنهايتها عذاب بعذاب؟؟؟؟قولي شسوي
علشان ترتاح قول؟؟؟
محمد بحزن قطلع قلب مها/وانا مو مهم تعرفين شعوري؟؟؟مو مهم تحسين بقلبي اللي يتقطع
عليك كل لحظة يامها؟؟؟مو لازم تساليني قبل لاتتكلمين عن حبك اللي دافنه بصدر من
ساعة ماقلتيلي انا ماابيك؟؟؟على بالك رفضك ماجرحني وانا اللي ماحبيت غيرك ومافكرت
احب اصلا!!!مها..تدرين شصار فيني يوم كلمتهم وقالوا لي لاترد اليوم ملكة مها؟؟؟جنيت
صرت امشي بالشوارع وانا ابكي فراقك للابد!!!كنت امشي وانا انادي عليك بين الناس مثل
المجنون....والله ماحسيت بنفسي وبتصرفاتي من قالوا لي مها راحت خلاص؟؟؟كل تفكيري
ارجع واذبحك واذبحه معك واذبح قلبي اللي قاعد يقطر حبك ولاانتي عاذرتني ؟؟؟بعد هذا
كله تجين وتقولين انك متعذبة من حبي وتبين حل؟؟؟يامها انتي صايرة مثل اللي تصبين
المر بكاسي وتساليني اذا كنت ابي سكر!!!!!!
احبك...لالا مااعتقد...كلمة احبك ماتوفي ولاراح تكون معبرة عن مشاعري تجاهك يامها....
اللي شايله لك بقلبي اكبر من الحب نفسه يابعد طوايفي!!!
يشهد الله علي اني ماشلتك من بالي لحظة وحدة يامها؟؟
مها بنفعال من بين دموعها/مو صحيح...نسيت كلامك بالبر وش قلت؟؟انت قلت انك
نسيتني ونسيت الماضي كله يامحمد؟؟؟
محمد تنهد وضمها بقوة لصدره رغم معارضتها الشديدة..
مها باعتراض/محمد لا...احنا بالشارع؟؟؟
محمد بهمس/جنيت انا علشان انسك؟؟؟كنت اقولها من ورى قلبي يامها صدقيني؟؟؟ماحد
يحب بصدق واخلاص وينسى حبيبيه في ظرف يوم وليلة ياعمري؟؟؟
مها رمت راسها على صدره/محمد...قول الصدق..انت تبيني ؟
محمد/وبموت علشان اخذك؟
مها/........................
محمد/حتى لو الظروف ماتغيرت يامها وظلت كذا راح نتزوج ونسافر...موافقة؟
مها/أي ..موافقة يامحمد موافقة..اهم شي تكون بقربي واكون بقربك.....
بعد عنها وهو ماوده بس هم بالشارع وهيفاء بتجي باي لحظة...
حضن كفها بصدره وهو ضاغط عليه بقوة علشان لاتبعد عنه.....
////////////////////////////////////////////////////////
اليوم الثاني....
هيفاء/شكلها عمتي مانامت طول الليل؟
مها/وشلون بيجيها نوم بالله؟
هيفاء/مبين عليها......كلمتي خالد؟
مها/أي عادل راح له وبيطلعه...بس تخلص الاجراءت يعني على ساعة.....
هيفاء/وعرف عن وجود امه هنا؟
مها/أي..وبيجي هنا مباشرة.....
هيفاء/متى؟
مها/ليش تسالين علشان وقت اللي بيجي تطلعين وماتقابلينه؟
هيفاء/في الحالتين انا ماراح اقابله بروح مع عبود علشان يشيلون الجبيرة من عليه ولا انتي
ناسية انها اليوم......
مها/مو مشكلة اروح انا معه؟
هيفاء/لابروح انا....
مها/عليك عناد مو طبيعي؟؟؟بقوم اكلم مراموه بشوف شخبارهم....
هند/عمتي اسوي لك شي تاكلينه لبين مانحد الغذى؟
ام خالد/لايمه شكر ..
هند قعدت جنبها/بس انتي مااكلتي شي يمه...قصدي عمتي...
ام خالد ابتسمت وضمتها/ليش ماني امك ياهند؟؟؟ولاماتحسبين مقامي بمقام امك؟
هند وهي متفشلة/لامو كذا السالفة ياعمتي لاتزعلين؟
ام خالد/مدري جوالي وين رميته..معك جوالك؟
هند/أي...وطلعته من مخباها وعطته عمتها...
ام خالد/دقيلي على احمد بشوف اخباره...واذا رد عليك جيبيه....
وقامت تدور فوق الطاولة عن جوالها...وهند تسب بنفسها وش ها الفشلة ياربي...
احمد طبعا من شاف رقم هند دق قبل لايجيه الاتصال (ههههههه كناية هاذي بس
لاتصدقونها)
احمد /هلا وغلا مابغيتوا تحنون علينا؟؟
هند/احمد...عمتي تبي تكلمك؟؟؟
ام خالد/ماتعرفين تسلمين ولاتسالين عن الاحوال؟؟؟؟؟افتشلت هند واحمد على الخط ميت
ضحك وام خالد جت ترد...واحمد بغاها من الله/حشى لله انا اولا ماعرفت رقمها؟؟؟ثانيا شنو
شايفة صوتي بالله ماتسلم علي ولا ترد علي؟؟؟كذا بس عمتي تبي تكلم؟؟؟ان شفتها اليوم
كفختها ولاتتدخلين انتي؟؟؟
ام خالد/كفخه براحتك ماحد رادك بس انت شلونك واخوانك شلونهم؟
احمد تنهد/يمه...البيت مو حلو بدونك...ومايسوى الواحد يقعد فيه؟؟؟تعالي شوفيه شقد مظلم
وكئيب...
ام خالد/.............
احمد/ماراح تردين؟
ام خالد/اذا جا خالد بشوف وش ناوي يسوي....
احمد/وحنا يمه مافكرتي فينا؟
ام خالد/يايمه لو عندي مكان كان ماخليتكم عنده دقيقة وحدة بس ابي اشوف وضع خالد
وشنو بيسوي وبعدها بتنحل الامور ....اخوانك يااحمد..انتبه فيهم...
احمد/يمه مايصير مها اكبر وحدة فينا تترك البيت وتجيك وانا ابتلش فيهم؟كان اخذتي جود
معك مو مها!!!طول الليل تبكي واذتني وذيك الثانية طايحة لي اسئلة ماعندي لها أي اجابة
وذاك الثور وياهم ؟؟؟وهي الكبيرة تجي وتستانس معكم مايصير؟؟
ام خالد/شتستانس انت بعد؟؟وين رايحين ملاهي!!!!اختك ماعندها تحمل للمسئولية وبقعد
احاتيها لانها بتقفل على روحها الباب ومابتطلع من غرفتها؟؟ماعليه ياولدي ياحمد تحملهم
لين يفرجها ربك وجود جيبها عندي مابتقدر عليها....
احمد يتمسكن/يمه انا بعد بجي عندك؟
ام خالد/تجي وش تسوي يالثور؟؟رجال طول بعرض تقول بجي عندك يمه؟
احمد وهو بعده متمسكن/محتاج لحنانك يالغالية!!!
ام خالد/اقول لايكثر بس!!!ابوك ماسوى شي؟
احمد/لا قعد وكانه يراجع نفسه وحساباته..واليوم ماشفته مدري هو طلع من الصبح ولا
للحين بداره؟
/////////////////////////////////////////////////////////////مشاري باسط له سفرة مع جدته
وضاربينها اكل هي فول وهي عدس وهي قلابة....
الجدة/جعل عيني ماتبكيك يالحنون...
مشاري ضرب الجدة على كتفها/كلي يالغالية كلي...ضعفانة موت مو عاجبني اكلك انا؟؟
الجدة/لاتعورني زين؟؟كلي بكلي عظمتين وجمجمة؟
مشاري بخبث/أي بس جمجمتك ماهي صغيرة مقاسهااكس اكس لارج ؟؟
الجدة/يو مشاري لاتخجلني بكلام العنكريزي اللي تقولونه بالمدارس؟؟؟
مشاري/ههههههه والله انك تحفة..تدري وش معنى الكلمة اللي قلته لك؟
الجدة/لا..
مشاري/معناته قلبي متقطع عليك لانك ماتاكلين وياليت تاكلين علشان ابطل خوف عليك؟
الجدة بحسد/مشاء الله ثلاث كلمات عندهم تساوي عشر كلمات عندنا؟؟؟عيوني عليهم حارة
في كل شي مختصرين الحياة حتى بالكلام؟؟؟؟
مشاري/هههههههههههههههههه
الجدة/انت بعد كل لاتخليني اكل بروحي؟
مشاري/انا بسوي لك عزيمة الليلة بمناسبة طلعة خالد بالسلامة؟
الجدة/أي ملزوم تسوي لي؟؟؟
مشاري/بس بصراحة عجبتيني يوم تقولين رحتي وغسلتي شراع بو خالد؟؟؟انا بكبري
مااوطنه؟
الجدة/ولاانا بعد اواطنه...
مشاري/علشان انه خلى خالد يطلق هيفاء وتباعدت العلاقة بينك وبينه؟
الجدة/مو بس كذا...لانه ماصار يعطيني عيدية؟؟؟؟
مشاري فتح عينه على وسعهم....
الجدة/وانا الصادقة مايطب لي ويسلم علي بالعيد وبغيره ماعليه انا مابموت على سلامه بس
العيدية ملزوم يقطها علي صراحة!!!
مشاري/جدتي ودي اسالك سؤال وتجاوبيني عليه بصراحة...
الجدة/قبل لااجاوبك..ودي اطلب انا منك طلب؟
مشاري/على ها الخشم..
الجدة/من زينه خشمك عاد؟؟؟؟
مشاري/مئبولة منك ياحلوة ياصبية!!!!
الجدة/ودي تروح مطعم سمير اميس وتشتري لي منه شي...
مشاري/شنو بعد!!!
الجدة/خاطري...خاطري بعصير الارهاب اللي يبيعه؟؟؟
مشاري/أي ارهاب؟؟؟؟؟
الجدة/مدري طلبنا منه عشى ذيك الليلة انا وخواتك يوم هند وهيفاء مايتعشون ضايق خلقهم
على خالد ولاقالوا لنا الا يوم ثاني وتعشينا انا وانت بس ...كانوا خواتك شاريينااسالهم؟؟
مشاري بصوت عالي/هند...هند..تعالي...
هند جت/نعم خير...احد ياكل فول وقلابة ها الحزة؟؟معناته ماراح تتغذون؟
الجدة/فالك ماقبلاناه بنتغذى ان شاءالله؟
مشاري/وش سالفة الارهاب اللي بسمر اميس؟
هند/أي ارهاب؟
الجدة/العصير اللي طلبتوه انتي واختك وشربته وعجبني؟
هند/هههههههه ياخلاف بس!!!!اسمه الرهيب مو الارهاب؟؟؟؟؟؟؟؟؟؟؟؟
مشاري/ههههههههههههههههههههههههههههههههههههه
الجدة تفشلت/كلهم عيال عم الارهاب ولد عم الرهيب اهم شي الطعم والله!!!
مشاري/هههههه عليك دقات مو طبيعية؟؟؟
الجدة بدلع/شوشي خلاص عاد لاتكبرها؟؟
مشاري حذفها بعلبة الكلينكس/عطيتك وجه أي بس مالقت لك قطي الميانة مرة وحدة!!!قالت
شوشي قالت والله لو حرمتي تقولها يوم ثاني اردها بيت ابوها شنو شوشي بالله!!!
الجدة/جزاة خيري ادلعك.....
مشاري/مانبي دلعك والله...
//////////////////////////////////////
مها كانت بغرفة هيفاء ومحمد اتصل عليها..
مها بهدوء/هلا..
محمد /هلا بااحلى هلا...
مها/............
محمد/اليوم بيتنا بيكون منور مدامك موجودة فيه؟
مها/...منور باهله...
محمد/شو رايك تقومين تسوين لنا الغذى انتي مدامك قاعدة....
مها/اولا امك خلصت طبخ ماتنتظر تشريفي ماباقي شي على جيت خالي وجيتك من
الدوام..وثانيا انا مالي بالمطبخ يامحمد...
محمد/هاذي بعد مو في صالحك انك ماتدخلين المطبخ!!!
مها/والله!!!!!!!
محمد بمرح/طيب واذا ضربك الجوع وش تسوين؟
مها بلامبالاة/اخذ لي بقصم واحط فوقه جبن بوك واكله!!!!
محمد/؟؟؟؟؟؟؟؟؟ياسلام بتلعبين علي انتي؟؟
مها/هذا اللي عندي ولاتقولين سوي اندومي ترى فيها شغلة وماي ومدري شنو وانا مالي
خلق؟؟؟
محمد/شوف السودانية كيف!!!!انا شكلي باراجع حساباتي طلعتي كسلانة مووت؟؟؟؟
مها بدلع/وليش ان شاءالله تبيني ادخل المطبخ واقابل الفرن واقطع بصل علشان املي
عينك!!!!
محمد/لا..بس دنيا ودين..يعني ماابي اموت من الجوع؟
مها/هاذي هند تناديني بسكر اللحين..
محمد/تبيني اجيب لك شي وانا راد من الدوام؟
مها/ابي سلامتك وبس!!!!
//////////////////////////////////////////////////////
بعد ساعة الا ربع كانت هيفاء طالعة مع عبود وخالد وعادل عند الباب والتقوا.....
عادل/سلام عليكم..
هيفاء/وعليكم السلام والرحمة هلا تفضلوا المجلس مفتوح...
خالد/وين رايحة؟
هيفاء بدون ماتناظره/اليوم بيشيلون الجبيرة من على رجله....
عادل/اوه..ماتشوف شر عمي...
عبود/ههه انت عمي مو انا عمك
عادل/لا انت عمي....اقول ام عبدالله...لي عندك طلب ان شاءالله...
هيفاء/خير..
عادل/خير...روحي مع ولدك بعدينيصير خير هذا مع اخته ماحد يعتمد عليهم مالنا الا انتي
اللحين؟
هيفاء/عسى ماشر.....
عادل/لاتشغلين بالك بس بغيت منك خدمة.....
هيفاء/خير ان شاءالله......
ومشت عنهم وراحت لسيارة السايق اللي كان ينتظرها....
خالد بتنهيدة/شفت كيف ماعطتني وجه؟
عادل/وش تبيها تسوي بالله؟
خالد/بس انا احبها وابيها ومو ذنبي اللي صار ياعادل؟
ولاهو ذنبها بعد تنتظرك لااخر العمر بدون امل ياخالد وابوك كل يوم طالع بسالفة......يالله
انا ماشي تبي شي؟
خالد/لا اذا بقوم بدق لك تجيني.....
عادل/على خير يالله سلام...
///////////////////////////////////////////////////////////////الجدة/نور البيت بسلامتك يابو عبدالله
خالد/منور باصحابه ياجدتي...
ام محمد/واللحين شلونك يمه..
خالد/لا مافيني الا العافية....
ام محمد/انا بقوم احط لك شي تاكله....
خالد/لا ياخالتي انا بنتظر خالي وباكل معه مرة وحدة......
قامت ام محمد وظلت ام خالد عنده والجدة....
خالد/يمه...شنو اللحين؟
الجدة/مافيها شي...انت مو تقول لاامك انك ماخذ بيت صغير؟
خالد/.......
الجدة/يعني مايشيل امك ومرتك بوقت واحد ياخالد؟
خالد/مو هاذي القضية ياجدتي...بس معقولة امي تترك البيت نهائيا؟؟؟
ام خالد/أي ياخالد....ابوك باعني وش اللي بيردني له؟؟؟؟انا مو حاز بخاطري شي كثر مو
انه كان عارف ان سعود متزوج وساكت ماتكلم هاذي بجد اللي ذبحتني ياخالد؟؟؟ليش تمناها
لبنته عاد؟؟؟
خالد/صار وانتهى يمه....
ام خالد////لا يايمه في اشياء حتى اذا انتهت يظل جرحها كبير....
الجدة/ترى مو حلوة يساوم على عشرته مع امك علشان زواجك ياخالد؟؟؟
خالد تنهد/معك حق جدتي..بس اخواني هم اللي بيضيعون كذا؟
ام خالد/مها بتكون معي ومرام وجود بعد...واحمد شايل عمره اسم الله عليه..وعمر بيلف
وبيدور ومصيره بيرجع لي اذا شاف ان ابوه ماهو مسوي له شي ولاعمامه؟؟؟
خالد/يعني شنو يمه؟
ام خالد/يعني توكل على الله واطلب هيفاء من خالك اليوم وخلنا ننهي السالفة؟
خالد/لايمه..اول بعطي ابوي خبر؟
الجدة/خالد لاتبط كبدي؟؟؟وش له تعطيه خبر بعد!!!!
خالد/مايصير اتزوج وهو مايدري لازم اقوله وابري ذمتي واعطيه خبر بعدها عاد هو بكيفه
اذا تقبل ولالا؟
ام خالد/خالد...هيفاء وصيتي لك...حطها بعيونك يمه وكل مازعلتها ادري انك زعلتني انا
وضايقتني انا؟؟؟؟؟
خالد/أي بس يمه...ظنك هي بتوافق علي!!!!
الجدة/ماعليك منها واذا ماوافقت قولها باخذ عبود عندي وبترضى؟
خالد/جدتي شها الكلام بس!!!
الجدة/طيعني ياولدي منت خسران؟
خالد ناظر بامه اللي كانت كاتمة ضحكتها على امها وعلى تفكيرها..........
/////////////////////////////////////
عبود/ماما
كانت هيفاء سرحانة وهي تنتظر السايق بالمستشفى يجيهم....
عبود بصوت عالي/ماما....
انتبهت له هيفاء/ها وش تبي؟؟؟ليش تصارخ كذا؟؟زين مامعنا احد بالغرفة ولا كان بيقولون
شوفوا هذا الولد الكسلان اللي يصارخ؟
عبود/من زمان انا اكلمك وانتي ماتردين علي؟
هيفاء/وش تبي؟
عبود/اذا رحنا البيت بابا خالد بيكون هناك؟
هيفاء باسى/مدري...
عبود/ابي اوريه رجلي وانا اعرف امشي هو قال اذا صرت رجال ومابكيت ومشيت عليها
من جديد بوديك الالعاب وبوديك تشوف مبارة الكرة....كلميه يمه...
هيفاء/عبود ماما انا تعبانة....
عبود/وش فيك؟بيحطون لك جبيرة مثلي ومثل البابا؟؟؟
هيفاء بدت تدمع عيونها/ياليت ياعبود الجرح اللي بقلبي ينجبر ويتضمد كان من زمان
جبرته وارتحت!!!!
عبود بخبث/شفتي انتي تحبيني وتحبين البابا وبتحطين لك جبيرة مثلنا!!!ماما انتي بتجبرين
يدك مثل بابا خالد ولارجلك مثلي؟؟؟
هيفاء ببكي/لا ياعبود انا بس ابي اجبر قلبي وارتاح!!!!!
حطت يدها على وجهها علشان عبود لايشوف دموعها وبها اللحظة دق الجوال وكانت مها
اللي متصلة...
ودق لين شبع وهيفاء مو معه واخذه عبود ورفعه..
مها/وينك ساعة على ماتردين؟
عبود/ماما تبكي!!!!عمة مها ماما بيحطون لها جبيرة مثلنا وخايفة؟؟؟
مها /وش جبيرته؟؟؟؟وينها امك؟
خالد كان قاعد جنب امه واخته وجدته وحس بالخوف عليها...وتذكر طلعتها اللي ماكانت
مبشرة بخير,,,,
عبود بدى يبكي/انا ببكي مثل الماما......
هيفاء اخذت الجوال منه وحاولت تكون طبيعي’’/هلا مهاوي.. قالتها بهدوء وحزن..
مها بخوف خلت خالد مايشيل عيونه من عليها وامه وجدته حسوا فيه.../هيفاء انتي
تبكين؟؟فيك شي..
هيفاء وهي بعدها تسوي روحها طبيعية/لامافيني شي..
مها بتشكيك/متاْكدة؟؟؟صوتك يبين عليه غير كذا؟؟؟
هيفاء/راح خالد؟؟؟
التقت عيون مها بعيون خالد....وقامت مها من مكانها وها الشي خوف خالد زيادة وامه
حاولت تفتح معه موضوع من هنا ومن هنا بس لاحياة لمن تنادي كان سرحان وفكره مو
معه.......
الجدة بصرامة/خالد؟؟؟
خالد لف عليها/نعم....
الجدة/تبيها ولاماتبيها؟؟قرر...
خالد بزعل وحسرة/ابيها والله ابيها ياجدتي؟؟؟
الجدة/طلع جوالك وكلم ابوك وقول له انك الليلة بتملك وخلص سالفتك؟؟؟
خالد/أي بس...
الجدة/مافيها بس؟؟؟مو تبيها خلصنا؟؟لاانت صغير ولاهي صغيرة لمتى ان شاءالله بتظلون
معلقين تحت رحمة ابوك كذا؟؟؟؟؟؟؟
خالد/.............
ام خالد/جدتك معها حق ياولدي لمتى عاد؟؟؟خلاص مو تبيها وهي تبيك وش له ها التاْخير
بعد والتاجيل اللي ماله داعي؟؟؟كلم ابوك وعطه خبر وانهي السالفة كلها الليلة....
خالد بتردد/وهيفاء...؟؟
ام خالد/وش فيها هيفاء؟
خالد/يمكن.... يمكن ...
الجدة/خالد بقولك شي يمه...هي تبيك مثل منت تبيها؟؟؟ولاتفكر اني ماادري عن ها
الشي؟؟؟انا ادري عن كل شي يبى خالد وعارفة ان ولد خالك محمد بيموت على ماياخذ
اختك مها وعارفة بعد ان احمد وهند يبون بعض؟؟؟
هني ام خالد رفعت راسها لانها تفاجات باخر نقطة قالتها!!!!
الجدة/لاتطالعني كذا..هيفاء اذا شافتك مصر عليها وتبيها وتبي تملك عليها الليلة ماراح
تقولك لا ابدا!!!يكفي انها رفضت الكل وانت بعيد ..مافكرت فيها ليش ياخالد؟؟؟لانها تبيك
وماتبي غيرك...عندها امل لااخر لحظة انك ترجع لعقلك وترجع لها ولولدها!!!!!
خالد بحزن/انا ابيها ياجدتي بس اخاف من ردة فعلها...
الجدة/انت ماعليك انوي ودق على ابوك عطه خبر وانا بقوم اكلم خالد وهيفاء خلها علي
؟؟؟؟
//////////////////////////////////////////////////////////////////مها كانت بعدها تكلم هيفاء وهي
بالحديقة تمشي وعليها عبايتها طبعا وشيلتها وتتكلم معها وهي تمشي......
مها/هيفاء ردي وخلنا نتفاهم؟؟انا مو شايفة انك منصفة بزعلك على خالد؟؟والله يحبك وببيع
العالم علشانك بس انتي لازم تعذرينه هو انحط تحت ظرف قاسي وخيار عنيد ياهيفاء وش
كنتي تبينه يختار يعني!!!انا يوم خيرني ابوي بين محمد وبين انك تاخذين خالد بديتكم على
نفسي صدقيني وقلتها لخالد لو يصير اللي يصير لاتنسى ان بينكم عبود ولازم يكبر بينكم
ياخالد؟؟لاتصيرين انانية وتظلمين خالد ..هو بروحه مظلوم ومقهور ويكفي انه صار له
الحادث بسب ها التفكير بالموضوع!!!!!يالله انتظرك لاتتاخرين؟
قفلت جوالها ولفت بتدخل وكان محمد واقف ومتسند على الجدار الل يقابلها وفي يده بوكيه
ورد.....
مها بخجل/محمد....,,,من متى وانت هنا؟
محمد تلفت حواليه وناظرها مباشرة/كذا عوايدك اذا كلمتي تلفين وتدورين؟؟راسي دار وانا
ادور وراك من مكان لمكان؟؟؟
مها/انت من زمان هنا؟
محمد/من طلعتي من داخل؟
مها بفزع/يعني من البداية!!!!وليش واقف تسمعني وماعطيتني اشارة انك واقف؟
تقرب منها محمد وكل ماقرب خطوة رجعت هي خطوة/ليش تبين تعرفين اني
موجود؟؟؟علشان لاتشتميني؟
مها بخجل/أي بس انا مااشتمك؟؟مااقدر مايطاوعني لساني؟؟
محمد بثقة/واذا طاوعك لسانك بتشتميني؟
مها هزت راسها بلا...
محمد/وليش تبعدين كل ماقربت منك؟
مها بخبث/وليش تقرب انت اصلا؟؟؟
محمد برومنسية/علشاني جايب لك ورد وبقدمه لك!!!!!
وقفت مها مكانها وهي تشوف الورد بيدينه....وتقرب منها وحط الورد في يدينهاوظل ماسك
يدينها وعيونهم في بعض تحكي كلام كثير لبعض وفجاْة؟؟؟؟؟؟
//////////////////////////////////////////////////////
ابو محمد/والله مدري شقولك يااختي ؟؟يعني ابوه مو موافق ياخذها وبلا وجع ها الراس؟؟؟؟
ام خالد باصرار/بس خالد يبيها وهي تبيه وراي بوخالد مو مهم؟
ابو محمد بتاْنيب/يااختي اللي بينك وبين بو خالد سحابة صيف وبتزول ان شاءالله ماله
داعي تخلينها تاْثر على قرارتك مع عيالك؟
ام خالد/لا ياخوي....يمكن ظليت طول عمري معه بس ها اللحظة وان جت متاْخرة بس انا
صحيحة ولازم تكون..
ابو محمد/ام خالد..
ابو محمد/اذا لي قدر عندك خل خالد ياخذها الليلة ويملكون ويروحون أي مكان يغيرون جو
كم يوم.؟
ابو محمد/والله مدري شقولك..زبكلمها وبشوف رايها؟
ام خالد/اغصبها ياخوي؟؟الله يخليك حتى اذا ماوافقت اغصبها..هي تبيه وهو يبيها بس
قاعدين يكابرون على بعض؟
ابو محمد/وينها اللحين؟
ام خالد/جاية بالطريق؟
ابو محمد/ليش وين راحت؟
ام خالد/مع عبود المستشفى اليوم موعده؟
ابو محمد/وخالد وينه؟
ام خالد تنهدت/طلع....قال عنده كم مشوار بيخلصهم وبيرجع....
ابو محمد/قبل شوي كان هنا؟
ام خالد/اتصل في عادل وبيجي ياخذه؟
ابو محمد/يعني قاعد ينتظره بره؟؟شدعوة ياام خالد مافي مجلس يقعد فيه؟
ام خالد/خله ياخوي هو متضايق ويبي يظل بروحه خله ولدي وانا اعرفه زين.....
//////////////////////////////////////////
العصر...
هيفاء/ليش مادقيت اليوم؟
خالد وهو متنرفز/بس متضايق شوي....
هيفاء/خالد قول الصدق وش فيك؟
خالد/ولاشي..
هيفاء/طيب وينك فيه؟
خالد/ماسك خط الرياض ...
هيفاء بفزع/ليش؟؟؟
خالد/هيفاء بتزعلين لواني خطبتك بدون ابوي؟؟؟
هيفاء حست ان في سالفة صايرة بينه وبين ابوه بسببها...
خالد/جاوبيني؟؟
هيفاء/خالد ...ابوك مايبيني صح؟
خالد/سالتك وماقلتيلي؟
هيفاء بغصة/اذا بتوعدني انه ماراح ياْثر على علاقتنا من جديد فموافقة ابوك وجيته من
الاساس ماتهمني!!!
خالد/حبيبي احمد داق علي بكلمه وبرد لك خبر بعدين؟؟؟
هيفاء/ماشي يالله انتبه على نفسك....
خالد/هلا احمد..
احمد بضيق/وينك انت ياخالد؟
خالد/ليش تسال؟
احمد/خالد...ابوي تهاوش مع امي هوشة كبيرة والسبب انت وطلعتك من البيت؟
خالد بعصبية/يتراوالي هو اللي طردني مو طلعت بكيفي؟؟؟
احمد/مو هاذي السالفة ياخالد..ابوي حلف اذا ماترد البيت بيطلق امي ؟؟
خالد/شنو؟؟؟
احمد/وقال لها تكلمك وتروح تسكن عندك اذا ماغيرت انت رايك؟؟؟؟؟
خالد/وش ها الكلام الفاضي؟؟؟
تغير الصوت باذن خالد من احمد لاابو خالد..
ابو خالد/للي سمعته ياخالد ياترد البيت وانت شايل بنت ابليس من بالك؟؟ولاامك طالق
وخذها عندك ماتلزمني؟؟؟
خالد بعصبية بعد ماضرب بريك قوي/يبى انت شقاعد تقول؟؟؟الله يهداك بس انت بتحط
هيفاء وبتحط امي؟؟؟؟
ابو خالد/هذا اللي عندي وماعندي غيره؟؟
خالد بعصبية/هذا ماهو حكي؟؟؟انت وعدتني وماوفيت بوعدك يبى؟؟؟؟
ابو خالد بعصبية/لاترفع صوتك علي ياولد؟؟؟؟هذا اللي قاصر بعد انا اربي واكبر وغيري
يجي ويقلب افكارك علي؟؟؟
خالد بقمة عصبيته/يبى انا باخذ هيفاء وامي بتظل في بيتها معززة مكرمة ولاتلف وتدور
انت قلت نختار واحنا اخترنا بعد ليش هذا كله؟؟؟
ابو خالد/مابعيد كلامي مرتين ياخالد؟؟؟؟اذا قررت تتزوجها فخذ امك معك ياخالد؟؟؟؟
خالد قام يصارخ ويسب ويلعن وابوه عصب عليه وصارت بينهم مشادة كلامية كبيرة وقفل
ابو خالد التلفون بوجه خالد وكان مثل البركان...
ابو خالد بقمة عصبيته/ولد مايستحي ولا يخجل ولاعنده احترام لاابوه؟؟؟هذا كله منها بنت
ابليس لعبت بمخه؟؟؟؟؟
احمد/يبى هدي مايصير كذا...وبعدين خالد ماسك خط الرياض؟
ابو خالد/وش موديه الرياض بالله بها الوقت!!!!!انتوا تجيبون الهم والغم؟؟؟ياشينكم من
عيال؟؟؟؟
//////////////////////////////////
وحده خالد بذيك اللحظات كان مثل المجنون ومو عارف وين يروح ولا شيسوي؟؟؟
شها القرار الصعب يابو خالد؟؟؟شها الظلم ان صح التعبير؟؟؟في البداية تخيرني بين
سعادتي وسعادة اختي ويوم اخترنا ماوفيت بوعدك اصلا!!!!
واللحين جاي تخيرني بينن سعادتي مع هيفاء وبين بيت امي اللي بينهد؟؟؟؟؟؟
ياهو قرار مر وصعب وظالم!!!!
شقول لهيفاء اللحين؟؟؟شلوناتواجه معها واقولها؟؟؟؟بتسامحني وبتوقف معي ولا بتعتبرني
بعتها مثل مابعتها من قبل؟؟؟؟؟
اه ياحظك الردي ياخالد...اللي يشوفك يقول وش تبي من الدنيا بعد..فلوس وعز وشركة
وبداية جديدة ..وانت الهم ماكللك من فوقك لتحتك!!!!!اه ياحيرتي اه....شسوي ولوين اروح
اللحين؟؟؟؟
انا مالي وجه اقابل هيفاء اصلا!!!!ابيها ياعالم ابيها..ابي اعوضها عن الساعات والدقايق
اللي عاشتها بهم وضيق بسبتي؟؟؟ابي اعيش انا معها حياة جديدة وكلها حب ووفاء.....
وابي امي تعيش مرتاحة واخواني يستقرون؟؟؟بس شلون....كل خيار اصعب وامر من
الثاني ياخالد.....
مالقى بها الحالة غير انه يرفع جواله ويدق على عادل...الاخ والصديق اللي ماعنده احد بها
العالم بيتكلم معه بكل صراحة وبدون خجل...
عادل/ياشينك ياخالد عا!!!ابي انام مابعد ارتحت والله اني مانمت الا الصبح بعدين انا اكلمك
لاصحيت؟؟
خالد باسى/عادل...
عادل بخوف/خالد...وش فيك؟
خالد/ضايقة فيني ارض الله....مو عارف شسوي؟
عادل بخوف/انت وينك...خلك مكانك وانا اجيك؟
خالد/وين تجيني انا ماسك خط الرياض شوي وبرجع امسك خط الشرقية وارد....بس انا
بحيرة ماشفت مثلها ولا عارف شسوي؟
عادل/شفيك ياخالد تكلم؟؟؟
//////////////////////////////////////////////////
هند/هيوف...مابتقعدين؟
هيفاء وراسها تحت المخدة/منو قال اني نايمة اصلا!!!!انا قاعدة؟؟
هند/طيب وليش مانزلتي تحت....
هيفاء/ليش وش تبيني؟
هند/ابي احد اسولف معه؟
هيفاء/وين الباقيين؟
هند/مشاري وجدتي وهبة نايمين....وامي معاها جارتنا وابوي بالقهوة....
هيفاء/عبود وينه؟
هند/تحت معي يالله نزلي....
هيفاء/يالله جاية؟؟
طلعت هند من الغرفة ورفعت جوالها تدق على خالد اللي للحين قافل جواله ومارد عليها
شفيه وليه ضايق خلقه!!
هيفاء بضيق/اوووووووف الله ياخذك يابو خالد...ورانا ورانا لين نموت؟؟؟وش مسوي ها
المرة بعد؟؟؟
رمت جوالها وقامت تبدل علشان تنزل تحت.....
//////////////////////////////////////////////////////////////بيت العواد كان اليوم كئيب لاابعد
حد....
مرت الضهرية ثقيلة والعصر اثقل واثقل حتى بعد مااذن المغرب الجو هو هو ماتغير مافيه
غير الهدوء اللي سايد في المكان....
ام خالد قاعدة وكانها تمثال مايتحرك ومها ومرام واحمد حوالينها وهم في قمة الهدوء وماحد
قاوي يتكلم..وجود وعمر بعد قاعدين وهم مو مدركين وش اللي صاير بالضبط وليش!!!
وابو خالد مسوي روحه شاغل نفسه بالجرايد كل ماخلصت جريدة يقراْ الثانية وكانه مو
مشغول فيهم وبالتفكير بللي جاي!!!!
احمد قطع الصمت../يمه اجيب لك شي تاكلينه؟؟ماكلتي شي من الصبح؟
ام خالد ماحركت حتى راسها...
مها ناظرت في احمد وكانها تقوله خلها بحالها.....
ورجع الصمت من جديد..
ام خالد بهدوء/مرام...اخذي جود وعمر وركبي معهم فوق؟
ناظروا العيال في بعض وعرفوا ان في شي بيصير؟
مرام/ان شاءالله...قومي جود.....عمر..
عمر/بقعد بنتظر خالد..
ام خالد بصراخ/قوم انقلع دارك؟؟؟
بعد ها الصرخة قام وابو خالد رفع الجريدة عنه واحمد ومها قلوبهم وقفت.....
مها/يمه شفيك؟
ام خالد/جيبي عبايتي يامها؟
احمد/وين بتروحين؟
ام خالد/بارض الله الواسعة ماراح اضيع؟؟
مها/يمه..
ام خالد وجهت كلامها لاابو خالد/لاتتوقع اني انتظر تهدم حياته من جديد بعد مااختار يستقر
معها ومع ولده يابو خالد؟؟
ابو خالد/شتقصدين؟
ام خالد/طلقني!!!!مو انت تبي تطلقني طلقني
مها/يمه؟؟؟
ام خالد/كفاية عاد....ماراح اسمح لك تهيني اكثر من ها الاهانة يابو عيالي؟؟؟؟تخير ولدك
بين حياته وبين بيتي اللي بينهد؟؟؟؟على بالك ماجرحتني السالفة ولا ماعندي
كرامة؟؟؟؟؟بس ماعليه يابو خالد انا برجع وبقولها لك طلقني وخالد بياخذ هيفاء...
ابو خالد/كانت لحظة ضعف وماشفت شي قدامي اغير راي خالد فيهي ام خالد...لاتصيرين
حساسة عا؟
ام خالد بحزن/لحظة ضعف تهددني بالطلاق فيها!!!!اي لحظة ضعف هاذي يابو
خالد؟؟؟يمكن تكون بالنسبة لك لحظة ضعف بس بالنسبة لي نقطة تحول بحياتي.....خل
عيالك عندك واقعد ذل فيهم واهدم بحياتهم وش وش النتيجة اللي بتوصل لها بالنهاية!!!انا
ما..
ابو خالد/ام خالد هدي عاد...قلت لك طلعت مني بلحظة ضعف وبعدين انا ماراح اسويها
وش فيك بس يابنت الحلال؟؟؟وخالد بتلاقينه بعد شوي داخل وبيقول انا ماابيها اعرفه
بيكون قلبه عليك وبننتهي من السالفة كلها؟
ام خالد/وفكرك اني برضى ماياخذها علشاني؟؟؟غلطان؟؟؟اذا انت سعادة عيالك اخر شي
تبيه فاانا سعادة عيالي اهم من حياتي يابو خالد؟؟انا ام...عارف وش معنى ام يابو
خالد؟؟؟معناته اني اعيش علشان اشوفهم مرتاحين وسعيدين بدنيتهم......مالي قعدة في بيتك
وسوي اللي بتسويه وخالد بياخذ هيفاء رضيت ولا ان شاءالله عمرك ماترضى؟؟؟؟؟
دق جرس الباب بها اللحظة وقطع عليهم كلامهم ولا ابو خالد كان متجهز بيرد عليها....
تينا/بابا احمد..هذا عادل صديق بابا خالد يبغى انت ...
ام خالد/عادل؟؟وش يبي؟
احمد/بشوفه وبرد.....
ماتدري ليش قبضها قلبها .....بس تعوذت من الشيطان....
ابو خالد ولااول مرة يطلع ورى واحد من عياله وهو رايح يشوف من جاي له ولا شيبي
منه...
احمد/حياك تفضل...
عادل ظل واقف مكانه.....
احمد بخوف/عادل وش فيك؟
عادل/تعال معي...
احمد/وين؟
عادل/شقولك بس ...خالد كان رايح الرياض اليوم....
احمد/أي عارف دقيت عليه الضهر وكان ماسك الخط؟
عادل/بعدها كلمني وقال لي عن اللي صار هنا ومسك خط الشرقية بيرجع.....و صابه
حادث بالطريق؟؟
احمد/حادث؟؟؟
عادل/لاتخاف كلموني المستشفى وهو بخير بس الاجرات شوي مطولة هو بالنعيرية اللحين
وانا قلت لهم يقفلون جواله لين مااجيهم......بتمشي معي؟
احمد/.............
عادل/انا اسف بس كنت لازم اعطيكم خبر...بس طمنوني عليه وقالوا مافي شي خطير كلها
كسور ورضوض وبيدخلونا قسم الاشعة يتاكدون؟
احمد بحزن/ووينه اللحين؟
عادل/مستشفى النعيرية العام؟؟؟
ابو خالد من وراهم/لامستحيل...روح جيب اخوك يااحمد؟؟؟لاتخليه هناك...جيبه هنا
وبدخله احسن مستشفيات وب..
احمد/يبى؟؟؟
ابو خالد/استغفر الله العظيم..
عادل/انا اسف ياعمي؟
ابو خالد/احمد روح مع عادل انا مافيني حييل اروح......وخلي جوالك مفتوح وطمني؟
احمد/لاتقول لاامي لاينشغل بالها؟
/////////////////////////////////////////////////////////
هند/شفيك انتي صافنة اليوم ومالك خلق؟
هيفاء تنهدت وسكتت/
هند/انا مانا صغيرة علشان تخبين عنيظ؟عارفة ان السالفة تخصط انتي وخالد؟
هيفاء/أي..تخصني انا وخالد,,,بس شكلها مطولة وماراح تنتهي ابدا ها السالفة!!!
هند دق قلبها لان مصيرها معتمد على مصير هيفاء وخالد بالدرجة الاولى؟؟؟؟؟؟
هيفاء/شكله صاير شي جديد ..وابو خالد ماهو راضي نرد لبعض؟؟؟
هند/انا اكره ابو خالد من كل قلبي!!!ليش يسوي كذا؟؟هو وش له دخل بحياتكم اصلا!!!!
هيفاء/عياله ويبي يتدخل بحياتهم من يقدر يحاسبه!!!
الجدة/صباح الخير..
لفوا لها..
هيفاء/قصدك مساء الخير يايمه..الساعة قربت على الثمان؟؟
الجدة دقت على صدرها/ياويل حالي؟؟؟وانا طول الوقت نايمة ولافطرت ولاتغذيت ولا
اكلت أي شي وطاقتي كلها انهدرت وانا نايمة ؟؟؟يعني اللحين شوي وبطيح عليكم بعد
ماينخفض السكر عندي؟؟؟؟ياشينكم بس ولا تصحوني تخلوني اكل شي علشان لااتعب؟؟؟
هند وهيفاء/هههههههههههه
الجدة/ضحكتوا من سركم بلى!!!وين امكم؟؟؟
هند/مع جارتنا ام حسام...
الجدة كشرت بوجهها/وي...ياثقل دمها اكيد جاية من العصر وللحين ماطلعت!!!
هيفاء/بالضبط؟؟
الجدة/معناته امكم ماسوت لنا عشى؟؟؟صدق انها مقصرة في اداء واجباتها المنزلية؟؟؟
هيفاء/ولاتزعلين اللحين اطلي لي عشى واطلب لك بعد...لاني ميتة من الجوع....
الجدة/وي يابعد عمري اصلا ماحد يحبني كثرك ياهيفاء!!!تصدقين انا اموت على عبود ..
وينه فديته؟
هيفاء تطالعها وتضحك وكانها مو عارفة ان الكلام كله خرطي بس علشان العشى؟؟؟؟
هيفاء/تبين شي هندوا؟
هند/ابي سلطة..ولا مقبلات؟
الجدة/هاذي عاد اكلها يسد النفس تنتقد مثل العصافير!!!!بس احب اقعد معها بنفس السفرة
لاني عارفة انها مابتاكل شي هههههههه
هيفاء/مشاريوه للحين نايم؟
الجدة/ماتشوفينا مرتاحين ومستقرين وهاديين الله لايقعده من نومته؟؟؟
هند/من وين بتطلبين؟
هيفاء/جيبي دفتر التلفونات بشوف المطاعم...
هند/تصدقين خاطري في باستا....
الجدة/انا بعد!!!
هيفاء/اللحين حددوا تبون شي سريع ولامشاوي ولا باستا؟
الجدة/انا ابي سفرة طول بعرض لاني مااكلت شي من امس واخاف اموت عليكم!!!!
هند/ههههه
////////////////////////////////////
مها/يبى عادل شيبي؟
ابو خالد وهو ساكت/مدري طلع مع احمد مشوار؟
ام خالد بتشكيك/وخالد؟
ابو خالد/وش فيه خالد عاد؟
ام خالد/عادل مو جاي علشان خالد؟
ابو خالد/اقولك يبي احمد....
ام خالد زادت انقباضات قلبها وهي تدق على خالد وجواله مقفل.....
//////////////////////////////////////////////////////////////قعدت بغرفتها وهي الخوف ماليها..مو
معقولة من العصر للحين مقفل جهازه؟؟؟
اكيد فيه شي ومايبيني اعرف!!!!بس انا شيصبرني؟؟؟تنقلت بين الاسماء ووقفت عند اسم
احمد وترددت تدق تساله عن خالد ولالا؟؟
في سيارة عادل..
احمد بتوتر/باقي كثير؟
عادل/ساعة الاربع....
احمد/.............
عادل/احمد...شد حيلك انا جايبك معي تخفف عني مو تزيدني؟
احمد/ماني متخيل شبشوف ياعادل؟
عادل/قلت لك طمنوني مافي الا العافية ان شاءالله لاتربكني اكثر من ماانا مربوك؟؟لو ادري
ماقلت لك ولاجبتك معي!!!
احمد دق جواله وصار يناظر بعادل..
عادل/شفيك؟
احمد/هاذي هيفاء؟؟؟اكيد بتسالني عن خالد؟
عادل/قولها يااحمد قولها...هي الوحيدة اللي لازم تعرف...خالد كان طول الطريق يفكر
فيها...على الاقل قبل لايتخذ قراره بالانفصالا النهائي لازم تحس انه يبيها وماتخلى عتها
بسهولة.
احمد/بس انا مقدر اوقلها؟
عادل/طيب كلمها وعطني انا بقولها....
احمد رد/هلا هيفاء...
هيفاء بخجل/احمد شلونك..
احمد/بخير..
هيفاء بتردد/احمد انا اسفة اني ازعجتك بس كنت بسالك عن خالد رد البيت ولا لسه؟
احمد/ليش انتي عارفة انه طلع من البيت؟
هيفاء/أي هو كان يكلمني وهو بطريق الرياض بس من دقيت انت عليه سكر وقال بيكلمني
بعدين بس ها البعدين ماجت وجواله من العصر مقفل ولاادري وش فيه؟؟قلبي صاير يودي
ويجيب وحبيت اتطمن عليه بس!!!
احمد/لحظة؟
عطى السماعة عادل.....
عادل/السلام عليكم..
هيفاء وقف قلبها...وماعرفت شتقول..
عادل/اختي ام عبد الله..انا اسف بس ابيك تكونين قوية...خالد مسوي حادث بسيط بالنعيرية
وهذا احنا رايحين نشوفه؟؟لاتشغلين بالك الحادث بسيط وانا كلمت خالد مافيه الا العافية
وقال لي اطمنك لانه مايدري عن جواله وانا مريت احمد وبنروح نشوفه...ترى الاهل
ماعندهم خبر ياليت ماتقولين لااخته ولا امه...واول مابوصل بخلي احمد يطمنك..ولا بخلي
خالد بنفسه يكلمك...مع السلامة؟
قال كل اللي عنده وسكر وهي بس تنزل دموعها بدون حسبان؟؟؟خالد مسوي
حادث!!!!!!!!يارب سترك يارب؟؟؟الله يشفيك ويحميك من كل شر ......
هند/هيفاء وش فيك؟
رفعت راسها والدموع مغرقينها....
هند/العشى وصل مابتنزلين؟
هيفاء وهي كل مامسحت بدموعها يزيدون اكثر قالت بصوت واطي/ماابي....
هند بخوف/وش فيك؟
هيفاء ناظرت بالبا وقامت هند وقفلته بسرعة وجت لعند هيفاء اللي طاحت بحضنها وقامت
تبكي بكل حرارة......
هند بخوف/هيفاء وش فيك خوفتيني؟؟؟؟
هيفاء بصوت باكي/خالد مسوي حادث بالنعيرية.....
هند/حادث؟؟؟منو قال لك؟
هيفاء/كلمت احمد وقال لي...يارب سترك.....
هند سكتت وماعرفت شتقول.......غير الله يرعاك ياخالد.......
///////////////////////////////////////////////
ام خالد كانت تروح وتجي بدون أي فايدة..
مها/يمه قعدي ارتاحي؟
ام خالد بانفعال/شارتاح انتي بعد؟؟؟خالد جواله مقفول من العصر واحمد من طلع مع عادل
ماهو راضي يرد شوفي كم صار له فوق الثلاث ساعات؟؟؟
مها/خالد طالع معصب ولايمكن يرد ولايفتح جواله لين يهدا؟؟وعادل اكيد مر على احمد
علشان يتفاهمون مع بعض ويوصل احمد وجهة نظر خالد لاابوي لانه مايبي يقابله؟؟؟انتي
بس هدي بالك
ام خالد/ماني متطمنة يامها ماني متطمنة.....في شي صاير.....
مها/يمه مافي الا العافية..اخواني انا عارفتهو وقت اللي يتضايقون مايحبون يكلمون احد ولا
يسمعون صوت احد؟؟؟بس يوصلون لقرار بتلاقينهم ثنينهم كلموك؟؟انتي ارتاحي حرام
عليك....
ام خالد بقلق/وين ارتاح يايمه وين؟؟؟
مها بدت تخوف/يمه الله يخليك لاتخوفني اخواني مافيهم شي بس انتي خوووفة بزيادة؟؟؟
ام خالد قعدت وبدت تبكي/اخوانك فيهم شي يامها صدقيني!!!قلبي مو متطمن ابدا!!!!
محمد كان بغرفته وهو طول الوقت يفكر بللي سالبة عاقله وحارمته الرقاد!!!!
ياترى يامها وش هو احساسك اللحين....
تبيني بعدك مثل ماانا ابيك ولا طلاقك غير افكارك ومشاعرك!!!!!!
بعدك باقية على حبي مثل مافهمت من عيونك ولا بتظلين على عنادك ياغلاتي!!!!!
مافي غير هيفاء يامحمد روح سولف معها وشوف وش قالت مها من روحة البر
لهيفاء؟؟وبعدين لاتنسى ان علاقتك بهيفاء صايرة حلوة....
اخذت رجله لعند غرفة هيفاء اللي كان صوت بكيها واصل للباب...
ووقف قلبه وش فيها ياترى؟؟؟
دق الباب مرة ومرتين لين طلعت له هند...
هند/محمد؟
محمد/وش فيها هيفاء؟
هند/ها....
محمد وعيونه لداخل الغرفة/وش فيها؟
هند بارتباك/مافيها شي..
محمد بعد هند ودخل وكانت هيفاء منبطحة على سريرها وتبكي وحالتها حالة...
محمد جلس جنبه وهو خايف ومرعوب/هيفاء...شفيك حبيبتي؟
هيفاء زاد بكيها وماقدرت تنطق بحرف واحد...
محمد لف لهند/شفيها؟؟؟
كانت لهجة الخوف واضحة بصوته.....
هند كانت مرتبكة/والله مدري......
محمد كان يطالع بين هند المرتبكة وهيفاء اللي ذابحة نفسها......
محمد/طيب اتركينا بروحنا شوي؟
هند طلعت وكان الخوف قاتها لانها عارفة محمد مابيترك هيفاء لين يعرف واذا عرف
بيذبحها بدون تردد لانه بيعرف انها تكلم خالد.....
طلعت وهي دعواتها لهيفاء اللحين....
محمد بحنان/هيفاء وش فيك؟
هيفاء بعدها تبكي.......
محمد حط ايده على شعرها وصار يباعد بخصلات شعرها الللي طايحة على عينها....
محمد بحنان وخوف/صارحيني ياهيفاء انا اخوك ويضايقني زعلك؟
هيفاء رمت نفسها بحضن محمد ولااول مرة وقالت بدون خوف منه ومن اللي ممكن
يسويه/محمد...انا بموت....ياليت ها الشي صار فيني ولافيه؟؟؟
محمد/شنو؟؟والله مافهمت شي؟
هيفاء بصوت متقطع /خالد يامحمد خالد..
محمد بخوف/وش فيه خالد؟
هيفاء ناظرت بعيونه مباشرة وهي عيونها ملايانة دموع...../خالد مسوي حادث بالنعيرية
وانا بموت من الخوف عليه يامحمد؟؟؟؟؟
/////////////////////////////////////////////////////////
على الساعة ثنتين ونص بمستشفى النعيرية..
وتحديدا بالغرفة اللي فيها خالد...
عادل/خلاص انا كلمت مستشفى سعد وبيدزون لنا سيارة اسعاف علشان تنقلك مباشرة..
خالد/والله مالها داعي...انا مافيني شي خلاص بقوم اروح البيت....
احمد/تدري انك طلعت من الحادث باعجوبة ياخوي؟؟؟السيارة راحت فيها؟
خالد مسك علبة الكلينكس اللي جنبه ورماها على احمد اللي كان يضحك..
خالد مسوي روحه معصب/انت خايف على السيارة ولاعلي؟؟؟
احمد/هههه أي بس السيارة غالية ماهي رخيصة؟؟؟
خالد/الله ياخذك من اخو؟؟حشى عدو مو اخو ولد امي وابوي؟؟؟
عادل/الحمد الله على سلامتك ..وزين انها جت بس على ها الكسر والكم رض ولاكان
خسرناك يابو عبدالله؟
خالد/الحمد الله..
احمد/انت ماتعرف تسوق؟؟؟يقولون انت الغلطان؟
خالد/انت اسكت بس اسكت لااذبحك....
احمد/ههههههههه مهاوي وامي وابوي ذابحين جوالي وانا مطنشهم..
عادل/غريبة هيفاء مادقت؟
خالد بجدية/ليش ؟؟
عادل/كلمت احمد واحنا جايين وانا قلت لها عن الحادث؟؟؟
خالد بلوم/وليش قلت لها؟؟؟انا مافيني شي اللحين بتضايق نفسها على الفاضي؟
احمد/انا قلت له بعد بس هو ماطاعني؟؟؟
عادل/المهم على ساعة بتوصل سيارة الاسعاف قوم انت تلحلح وخلص اجراءت الخروج انا
تعبت؟
احمد انبطح على الكراسي/وانا بعد تعبان ونعسان؟؟
خالد/شرايكم انا اقوم اخلص اوراقي بنفسي؟
عادل/قوم وريحنا؟؟؟مافيك شي مافي الا العيارةعلينا؟؟؟؟
خالد/بعد!!!ولا لي احترام ولاكاني مسوي حادث ولاشي؟؟؟
احمد/احنا قلنا اذا شفناك تعبان ومتكسر بنسوي روحنا خايفين بس ماشفنا فيك شي خلاص
بعد ليش ندلعك..يكفي بكرة من الصبح اذا جتك ام خالد ومهاوي بتاخذ الاهتمام كله؟؟؟؟
خالد/الله ياخذك ياالحسود....
عادل/ههههه صدق اعظم من بزارين؟
بعد ثواني بس اندق الباب...
احمد/اسمع بعد الحكومة يسوون روحهم يستاْذنون قبل لايدخلون؟؟؟ورفع صوته/تفضلي
حياك....
عادل/يمكن انها مو بنت يمكن الضابط اللي ..
ماكمل عادل كلمته لان احمد من سمع اسم ضابط فز وراح يفتح له الباب........
.................................................. ............
رجع لهم الغرفة.....
احمد/عادل تعال معي شوي...
عادل وخالد ناظروا في بعض/شصاير؟
احمد/تعال زين...
عادل/بزر ولا تعرف تصرف روحك...
وقام معه وطلعوا برة الغرفة وظل خالد بروحه وعيونه على سقف الغرفة وكل شي يمر
قدامه مثل فيلم سنمائي ...السالفة اللي صارت له مع ابوه...
وامه..اكيد اللحين حالتها حالة؟؟؟وهيفاء؟.........وتنهد اول ماذكر هيفاء.....الحب اللي جاه
متاخر وبينتهي قبل لايتهنى فيه؟
ومانتبه الا على الباب اللي انفتح ولاعلى اللي دخل...وهو افكاره مشغولة ومشوشة....
وماحس الا وعلى يد ماسكة يده ودموع تطيح على يد....رفع راسه وانصدم من اللي كان
موجود جنبه!!!!!!!
هيفاء؟؟؟؟؟مستحيل وش اللي جابها...
خالد بتردد/هيفاء؟؟؟؟
هيفاء كانت ضامة يده لصدرها وهي تبكي بدموع ماوقفت لحظة وحدة ؟؟؟
خالد مسك يدها/حبيتي انتي كيف جيتي هنا؟
هيفاء وهي تمسح اللي صار فيه بعيونها/محمد جابني...
خالد/محمد اخوك؟
هيفاء وهي ماسكة يده الثانية اللي كانت تحت الجبيرة/تالمك؟
خالد رفع يدها اللي كانت ماسكة يده لشفايفة وباسه وهو حاس بالحسرة ومو قاوي يقول لها
خلاص هاذي اخر لحظات لنا مع بعض,,,,,
خالد بهمس/حبيبتي ..ليش جيتي عاد؟؟
هيفاء/تبيني اقعد هناك واموت لين يجيني خبر منك ولامن احمد اللي كلمته ومااهتم يرد
علي!!!!مااقدر ياعمري مااقدر؟؟
خالد/محمد ماقال لك شي؟
هيفاء/لا بالعكس..هو اللي قال قومي نروح نشوفه؟
خالد/ووينه هو؟
هيفاء/واقف مع احمد وعادل.....حبيبي وش يالمك؟
خالد/مايالمني شي..زبس تعب خفيف لاتشغلين بالك..
هيفاء بتشكيك/متاْكد ولاتكذب علي!!!!
خالد/ليش اكذب عليك عاد!!!صدقيني مافيني شي......
هيفاء/وين الدكتور ابي اشوفه؟
خالد/مايحتاج هذا انا طالع اللحين؟
هيفاء بفزع/جنيت انت تطلع اللحين!!!لا مافي قومة انت تعبان ومحتاج ترتاح.......
خالد/حبيبتي اللحين بيجيبون لي سيارة اسعاف وباروح الخبر...
//////////////////////////////////////////////////////////////////////////////////////////////////////////
////////////////////يوم ثاني الضهر بغرفة خالد بمستشفى سعد...
ام خالد/انا قايلة فيهم شي بس شسوي فيك يااحمد اللي مافكرت تطمني؟
احمد/يمه شتبيني اقولك؟؟انا قلت اروح اتطمن عليه وبعدين ارد لك خبر؟
مها/وانت رحت وتطمنت ولا عطيتنا خبر ولاهم يحزنون وخليتنا على اعصابنا؟؟؟
ابو خالد/اهم شي سلامته وان مافيه شي؟
خالد ظل ساكت وماحط عينه بعين ابوه اصلا حتى يوم جا يسلم عليه......
مها جت جنب خالد وهمست له/اللحين تطلع هيفوا اغلى عندك مني!!!هي قاعدة معك طول
الليل وانا توني ادري قبل ساعتين؟؟
خالد ضحك لها/هي عندها خبر ومن سمعت جتني مع محمد وبعدها ظلت هنا لين تطمنت
من الفحوص ان مافيني شي...
مها/يالله يالله..درينا انها اغلى؟
خالد بجدية/مهاوي شصار ؟
مها ناظرته/ارتاح اللحين وبعدين بنعرف...
ام خالد/يمه تبي اجيب لك عصير تشربه.
خالد/يمه فديتك توني فاطر...
احمد/يمه لاتخافين هذا مستشفى كاشخ حتى اكلهم حلو...
ام خالد/انت اسكت وانطم ماابي اكلمك.....
احمد/افا بس..ماتقدروني ولاتقدرون جمايلي؟
ام خالد بقهر/طمني ؟؟علمني؟؟عطني خبر؟؟مو تخليني مثل المجنونة رايحة جاية ولاانا
دارية وش اللي صاير؟؟؟
خالد/حقك علي يا الغالية؟؟؟بس كان مشغول وحايس بالمستشفى..معليش مافضى غير يوم
وصلنا هنا واول مافضى اتصل عليك؟
ام خالد/الحمد الله انها جاية على كسر يدك وعلى كم رض لو انها كبيرة كان بيخليني وبيظل
ساكت ومابيتكلم؟؟؟
احمد/لالالو هي كبيرة تكلمت صدقيني لاني بحتاس مابعرف اتصرف...
كان الكل يتكلم ومطنش بوخالد على جنب وهو كانه غريب بينهم....
مرام/انا بقوم اتمشى في المستشفى.....
طلعت وقام بو خالد بعد يتمشى بالمستشفى وكلهم ناظروا وسكتوا...
خالد وهو يناظر بعمر/يكه..انا اسف..
ام خالد/خالد......لاتغير رايك يمه...انت تبيها ومصر عليها....كمل حياتك معها ومع
ولدك....
خالد باعتراض/لايمه مستحيل...
ام خالد/هاذي بروحها اهانة لي ياخالد..انه ينسى عشرتي ويساوم عليها تكفيني العمر كله؟؟
مها/يمه...ابوي اعتذر وان شاءالله تحلون القضية بدون ها الحساسيات...
احمد/يمه مايصير انتي لو تطلعين بره البيت كلنا بنطلع معك؟
ام خالد/خالد..انت لو اخذت هيفاء وين مقرر تسكن اكيد مو بالبيت؟
خالد تنهد/لو كنت باخذها؟؟؟؟كنت شاري بيت صغير على قدي وقدها بالمزروعية...لين
تنتعش مور الشركة وبعدها ببني لنا فيلا بس..
ام خالد/يمه...انا بجي معكم بالبيت...
خالد/يمه..
ام خالد/مااظني ان هيفاء تعارض واذا عارضت بروح بيت اخوي؟؟
خالد/يمه انتي بتتبقين في بيتك معززة مكرمة..
ام خالد/منو قال لك اني اذاقعدت في البيت بتكون قعدتي بكرامة؟؟؟لايايمه خلاص...
قاطعهم دخول مرام..
احمد/انتي تدخلين دايم مثل الاشباح لاتدقين باب وكانك داخلة بيت وحوش صدق؟؟
مرام صارت تناظر بالباب..
مها/وش فيك؟؟
احمد/وش مسوية من جرايم؟؟؟اكيد كاسرة شيولا متحرشة باحد اعرفك ماتسكنين بمكان
ابدا؟
مرام/شكلها بتقوم حرب صغيرة برى؟
خالد/ليه؟؟؟
مرام وهي تناظره/هيفاء وابوي؟
بالممر اللي يسبق غرفة خالد كان ابو خالد واقف وقباله هيفاء وهي حاملة عبود ومعاها
مشاري وهند ....ووراهم محمد وجدته...
ابو خالد وهو يناظرها من فوقها لتحتها/خير ان شاءالله ليش جاية؟
هيفاء سكتت وماردت عليه..
وعبود مد يده لجده رغم اعتراض امه.اللي كانت تنزل يده كل مارفعها...
ابو خالد/وش تبين؟لاتقولين جاية تشوفين خالد؟؟خلي عندك كرامة ولدي مايبيك...
هيفاء بثقة وهي عيونها بعيونه/انتظرت المواجهة هاذي تكون بس ماحسبت لها حساب انها
بتكون بها المكان ابدا!! حتى يوم شفتك بالمستشفى عند مها...
ابو خالد/قلت لك خالد مايبيك...
هيفاء/انت ماتقدر تمنع ولدي انه يشوف ابوه؟
ابو خالد/هاذي بسيطة اذا على عبادي.....
وتقدم وشال عبود بالغصب من حضنها وكلهم واقفين يناظرونه حتى محمد......
ابو خالد/خلاص اعتبريه بيشوف ابوه...ولااقولك بيسكن عند ابوه خلاص انتي مالك شغل
فيه؟؟؟وريني عرض اكتافك وفارقي!!!!
هيفاء بحزن والم/هذا ولد عمتي ومالك تمنعني اشوفه؟
ابو خالد/قولي كذا؟؟؟قولي انتي اللي تبين تشوفينه مو ولده؟؟؟الشره على ابوك اللي تاركك
على راحتك وماعرف يربيك....
محمد تقرب بعصبية وهو ثاير../هيفاء امشي خلاص مالها داعي الشوفة اذا بيغلطون على
ابوي؟؟
هيفاء/ماني متزحزة من مكاني الا اذا تطمنت على خالد؟
الجدة تقربت/وهي الصادقة احنا جايين لخالد مو جايين له ولا علشان نسمع مغثته؟
ابو خالد/شوفي يابنت ابوك انتي...اذا مفكرة انه يبيك انتي غلطانة؟؟؟؟انا قلت له اذا اخذك
فامه بتطلق وماتلزمني؟؟؟وهو مارضى على امه طبعا!!!فلا تلزقيني نفسك اكثر وتذليني
كرامتك اكثر خالد ماعاد يبيك؟؟؟؟؟؟
احمد/محمد..جدتي..هلا حياكم تفضلوا هنا غرفة خالد؟
كان الجو متوتر....
هيفاء لمحمد/انا بقعد بالكافتريا وبعدين بجيكم..سلم عليه...
الجدة/لا...بتدخلين معنا وغصبا عن اللي مايرضى؟
هيفاء/معليش بجيكم بعدين؟
احمد/شفيكم واقفين دخلوا..
محمد/في احد مع خالد يااحمد؟
احمد/لاامي وخواتي بس....يابنات تغطوا الشيخ محمد ولد خال الشيخ احمد بيدخل؟
ابتسم له محمد ودخلوا.....
///////////////////////////////////////////////////////
هيفاء راحت لااول غرفة انتظار شافتها بوجهها....وقعدت على الكرسي وهي شايلة همها
فوق راسها....
يعني السالفة كذا ياخالد؟؟؟؟؟علشان كذا كنت متضايق وشايل هم فوق راسك وقلت بتجيني
تخطبني بدون ابوك؟؟؟؟بس اللحين السالفة اكبر من انك تخطبني بموافقته ولا
بدونها...السالفة صارت سالفة امك وخراب بيتها!!!!
عساك ماتتوفق وين ماتروح يابو خالد....ويحترق قلبك على كل غالي تعزه مثل ماحرقت
قلبي على حبيبي وابو ولدي وحرمتني منه وحرمت ولدي انه يربى بينا!!!!
ياربي انا مو قاصدة ادعي عليه بس هو قاهرني ليش يبي يفرقني عن ولده ليش؟؟؟؟
ياربي كل ذنبي اني حبيته وابي اعيش معه زوجة وحبيبة لااخر العمر ...
///////////////////////////////
بغرفة خالد...
ام خالد/وين اخوي ...
محمد/بيجي من الدوام وبيجيب امي معه؟
الجدة/تعالي معاي شوي بكلمك....
وقامت مع ام خالد على جنب يسولفون بهمس..
مشاري/شوفوا جدتي على اساس انها جايبة لك شوكلاته حق السلامة ياخالد والكيس مافارق
يدها؟؟؟
مها ومرام واحمد/هههههههه
هند بقهر/لاوفي النهاية بالبيت بتسوي روحها نست تعطيك اياه وبتقول يالله خلني اكله
لايخترب؟؟؟
مشاري/أي والله وهي قاصدة ماتعطيك اياه اصلا!!!سوالفها مكشوفة بس على مين؟
محمد/متى بتطلع من هنا؟
خالد/والله الود ودي اللحين...بس بقعد لبكرة وبطلع...
احمد/قوم شوي عاد ياخالد وخلني اقعد مكانك؟؟؟
محمد/وليه يعني؟؟
احمد/ابي اشوف لو انا المريض شنو يكون شعوركم؟؟تخافون علي ولالا؟؟منو اكثر تكونون
خايفين عليه هو ولاانا؟؟وها السوالف يعني...
محمد/لااله الا الله عليك...مو بصاحي؟
مها/يعني الواحد لازم يمرض علشان يشوف معزته؟
هند/شكلها كذا السالفة؟
مرام/وين هيفاء؟
هند بارتباك/مدري.....
مشاري/قالت بتروح الكافتريا تحت...
ظل السكون عام المكان.....
ودخل بعدها ابو خالد ومعه عبود...اللي قام يطالع بابوه وهو مستغرب..
عبود بحزن وخوف وهو بحضن مها اللي اخذته من ابوها وودته عند فراش خالد/بابا ...
مريض؟
خالد/أي..
عبود/مين سوى فيك اح؟
خالد/السيارة؟
احمد/هذا لان ابوك مايعرف يسوق بيسحبون منه الرخصة ؟؟
خالد/اقلب انت بعد؟؟
احمد/هههههه
محمد/انت بكرة يشيلون جبيرتك وابوك حطوا له جبيرة؟؟؟
خالد/بتقعد معي؟
عبود تردد..
خالد زاح شوي وخلى مكان لعبود جنبه/تعال....
جطته مها جنب ابوه وتغطى مثله...
هند/مشاءالله صورة ونسختها؟؟؟بس كبيرة وصغيرة؟
مها/أي والله...تصدقون يبي لكم صورة؟
خالد/هذا اللي ناقص بعد؟؟؟
مها بعدت شوي وخلت خالد يندمج بالسوالف وطلعت جوالها تصوره..ويوم حس فيها بغى
يذبحها....
الجدة/يالله محمد يمه مشينا...
خالد/وين جدتي بعدها وقت؟
الجدة/بجيك اذا طلعت من المستشفى يمه......
قامت هند ووقفت عند الباب..تنتظرهم على مايخلصون سوالفهم..وجا وراها احمد..
احمد بهمس/هي انت عطنا وجه عاد؟
هند/...........
بس تناظره بدون متتكلم...
احمد/ياردات حظي انا؟؟؟ليش كذا مو معبرتني ابدا؟؟؟ياليتني طايح وتعبان بدال
خالد؟علشان تعطيني وجه؟؟
هند/..........
احمد بفزع/قولي سلامتك ماتشوف شر يابعد عمري فيني ولافيك؟؟؟
هند ضحكت وبس...
احمد/انت....لاتنرفزني كلمني قبل لايجي احد....
هند صارت عيونها بعيونه..وقالت بهمس/انا؟؟
احمد/أي انت...انت يللي باخل بكلمة احبك؟؟؟
محمد/يالله مشينا....
الجدة/يالله.....
احمد/والله ماهي حلوة طلعتكم..قعدي جدتي وانا بعدين اوصلك؟
الجدة/مااقدر اقعد وابوك هنا يرفع ضغطي؟؟؟
احمد/سلامى ضغطك يابعد قلبي انت؟؟؟الا جدتي شنو هذا اللي بيدك كيس باتشي اذا مو
غلطان؟؟
مشاري/ههههه عجبتني؟
الجدة لفت بالموضوع/اللحين بنروح ندور هيفاء بعد؟
محمد/احمد...تعال ابيك.....
احمد بخوف/شصاير؟
محمد/تعال...
دق قلب هند بالخوف معقولة محمد سمع احمد؟؟؟؟؟ياويلي ذبحتي اللحين لامحالة؟؟؟؟؟؟؟
بعد ساعة ونص تقريبا دق احمد على هيفاء اللي بعدها بغرفة الانتظار وردت عليه...
احمد/هلا ام عبادي شلونك؟؟؟
هيفاء/خير...
احمد/ول؟؟؟
هيفاء/مو قصدي بس شبغيت يعني؟
احمد/ترى خالد مامعه احد؟
هيفاء/.............
محمد من زمان مشى وبيتنا توهم مشوا قبل شوي ومحمد قال لي اذا طلعوا اقولك لان على
قولته في كلام انتي تبين تقولينه لخالد على انفراد واذا خلصتي بردك البيت؟؟؟
هيفاء/هو قال كذا؟
احمد/أي...
هيفاء/طيب.....
احمد/بالوقت اللي بتخلصي دقي علي وبكون موجود.....
هيفاء/شكرا...نخدمك بالافراح ان شاءالله ولو اني زعلانة منك امس يوم تطنشني؟
احمد/هههه يبى انتي بعد مااعتمدتي علي وجيتي بنفسك للمستشفى؟
هيفاء/وتبيني اموت بدون مااخذ خبر عنه وانتظر حضرة جنابك تتشفق علي؟
احمد/ههههههههههههه
//////////////////////////
في غرفة خالد دقت الباب ودخلت ووقفت عند الباب...
هيفاء/ممكن ادخل؟
خالد/اكيد؟؟
دخلت هيفاء وقعدت على يمينه......وظلت ساكتة؟
خالد/ليش بعيدة..قربي.....ولاتطمتي ان مافيني شي خلاص راح خوفك علي؟؟؟؟؟
هيفاء/اكرهه وبظل كارهته طول عمري ياخالد؟
خالد سكت لانه عارف عن منو تتكلم...
هيفاء/ليش كل ماقلت جرحي طاب وضحكت لي الدنيا يجيي شي ويغير كوني كله؟
خالد/حبيبتي انا تعبان والله العظيم تعبان ومو قاوي اتحمل شي بها الدنيا ابد!!!!!شوفة عينك
كل مرة اتخير بخيار اصعب من اللي قبله؟؟؟؟؟
هيفاء بدت تبكي/انا مالومك ياخالد...ومقدرة وضعك زين وعارفة ان الشي فوق احتمالك
وطاقتك....بس قلبي شقوله اذا سالني عنك وعن قربك؟
خالد/قوليله خالد مات؟؟
هيفاء بحزن ودموع/اسم الله على قلبك يابعد قلبي؟؟لاتقول ها الكلام ياخالد لاتقوله..
خالد بهمس/هيفاءبتظلين تحبيني لااخر العمر وماراح تحبين غيري؟؟
هيفاء/انت عندك شك بها الشي ياخالد؟
خالد برجا/وعد...
هيفاء/وعد يموت حبك بقلبي اذا مت وصرت تحت الثرى ياخالد وعد.,,,,
خالد/قربي مني...ابي اشوف خوفك ولهفتك علي مثل البارح؟
هيفاء/لا ياخالدلا..خلاص مااقدر اقرب منك اكثر واعذب نفسي واعذبك معي؟؟
خالد/بس ياهيفاء انتي عارفة ان الشي هذا مو بيدي فلاتحرميني قربك ومشاعرك...
هيفاء/تدري ياخالد...اقسم لك برب الكون كنت جاية اليوم ومافي بالي غير كلمة وحدة بقولها
لك ولو ان فيها ضياع لكرامتي بس كنت ناوية اقولها ومايهمني أي شي...
خالد ناظرها باستفسار...
هيفاء كملت بصوت متقطع وحزين/كنت بقولك بما انك طبت وجت سليمة حلاوة السلامة
تجيب الشيخ ونملك اليوم وبالمستشفى؟؟؟؟؟؟بس حسافة على حظي حسافة؟؟؟؟؟
قامت وهي تجر ذيول الخيبة والقهر والالم وراها....
*********************************بعد صلاة المغرب في بيت العواد...
عمر/يبى...جدتي عند الباب؟
ام خالد وابو خالد ناظروا في بعض....
مها واحمد وقفوا...
ودخلت الجدة وعصاها قدامها....
ام خالد/يمه...ماقلتي انك جاية ..
الجدة/مايحتاج اقول ...البيت بيتي وادخل وقت ماابي.....
مها/اكيد يمه بيتك وتدخلين بكل وقت...تفضلي...
الجدة/ماني قاعدة جاية اخذ بنتي وبمشي؟
ابو خالد/نعم؟؟
ام خالد/يمه..
الجدة تكلم بوخالد/انت مو قلت انك تبي تطلقها؟؟؟يالله اذا انت رجال وفيك رجولة طلقها؟؟؟
ابو خالد/احشمي نفسك يامرة انتي في بيتي؟؟؟
الجدة/انا حاشمة نفسي مو مثلك يالخسيس؟؟؟
ابو خالد بعصبية/طلعي برة؟؟
ام خالد/بو خالد؟؟
الجدة/ومن قال لك اني بقعد؟؟؟باخذ بنتي وبنطلع محنا قاعدين لك وخل عيالك عندنا انت
لاتبيهم يفرحون ولايستانسون وكنهم عدوان مو عيال؟؟؟؟
ابو خالد/عيالي ومالك شغل فيهم سامعتني ولالا؟
الجدة/لامو سامعتك؟؟؟وانت اسمع وحط كلامي في بالك..حرام عليك يالظالم..زبتهدم حياتهم
كلهم؟؟؟خالد وطلقته وكاهو يبي مرته ماتقولي انت وش مستفيد اذا ولدك ماتزوج البنت اللي
يبيها؟؟؟مو كافي فرقت بين مها ومحمد واثنينهم يبون بعض؟؟؟مااتعظت بزواجها وطلاقها
بيوم واحد!!!!ماعورك قلبك على بنتك اللي سمعتها صارت على كل لسان والناس مايدرون
وش الحقيقة؟؟؟؟شوف بنتي ماهي قاعدة لك وبنشوف نهاية كذبك انت قلت لخالد ياتاخذ
هيفاء ياامك تتطلق وبنتي تبي تتطلق طلقها يالله ؟؟؟
ابو خالد/انتي الضاهر خرفتي وماتدرين وش تقولين؟
مها/يبه؟؟؟
الجدة مسحت دمعة نزلت منها بملفعها/انا ماخرفت يابو خالد وعارفتك زين
مازين؟؟؟يالكذاب يالغشاش؟؟؟بتلف وبتدور على الولد مثل عوايدك ولابتخليه ياخذها
ويستقر مع ولده ومرته....
ابو خالد/ولدك اللي دازك مو؟؟؟قوليله حريمتك خالد مابياخذ بنتك وخلها تظل عندك طول
عمرها؟؟
الجدة/ولدي مايدري اني جاية لك ولو درى بيحرم علي طبت بيتك؟؟؟ولدي اشرف منك
واعز منك ,,,انت ماعندك مروة ولانخوة ولاشهامة يالكذاب يالظالم...
ابو خالد رفع يده وهو في قمة عصبيته علشان يمدها على الجدة وام خالد باللحظة الاخيرة
حالت بينه وبينها وصارت الضربة فيها...
واحمد ومها وقفوا وكانهم مو في الدنيا ولاهم عارفين شيقولون؟؟؟
ابو خالد/وخري خليني اوريك فيها هاذي اللي خرفت؟
ام خالد بقهر/حدودك عاد..امي ماخرفت ولاارضى انك تتكلم معها كذا؟؟؟
الجدة/طيعيني وتعالي معي هذا ماوراه الا وجع القلب...
ابو خالد/طلعي من بيتي يالعجوز يالمخرفة؟؟؟
ام خالد بصراخ/بس!!!حرام عليك على الاقل احترم كبر سنها....واحترم وجودي ووجود
عيالي معك....
الجدة/كلمة وحدة وانتي بتقولينها...
دام السكون لحظات....وبعدها ام خالد مشت ولبست عبايتها وطلعت قبل امها...اللي ابتسمت
ابتسامة نصر لاابو خالد اللي كان ثاير؟؟؟
مها ببكي/انا مو قاعدة هنا ابي اروح عند امي؟
الجدة/لا...خلكم عند ابوكم.....خلوه يتصرف معكم مثل مايبي؟؟؟؟وبنشوف يابو خالد شتقدر
تسوي اذا عيالك زعلوا عليك وماسوواالشي اللي انت تبيه؟
//////////////////////////////////////
في بيت محمد وهنادي....
هنادي/طيب وش قلت لهم؟
محمد/ولاشي..بس قلت لهم ان انتي تبين تقعدين في بيت اهلك زيادة؟
هنادي وهي تاكل بالكرز اللي بصحنها/ومشت عليهم؟
محمد/نوعا ما.....
هنادي/............صار لي ثلاثة شهور ماشفتهم...وحاسة بارتياح نفسي عجيب....
محمد/امي قالت لي ابي اروح اشوف بيتك..
هنادي بفزع/لا....لا يامحمد لا..لاتخليها تجي؟
محمد/قلت لها خير اللحين في عمال يشتغلون بعدين اوديك اذا تضبط كل شي...
هنادي باصرار/حتى اذا تضبط كل شي على قولتك امك وعمتك مايعتبون بابا بيتي ولا مرة
اخوك بعد؟
محمد/..............
هنادي/وللمك عاد كل شي بالبيت برميه مو جايبة معي خيط واحد من هناك؟؟؟
محمد وهو يناظر بصحنها/شسالفتك انتي مع ها الكرز؟؟؟من الصبح وانتي صحن رايح
وصحن جاي؟؟؟؟؟؟
/////////////////////////////////////
ابو محمد/وانا اخر من يعلم؟؟
ام خالد/سامحني ياخوي ماحبيت اشغل بالك بهمي...
ام محمد/والعيال هناك..
الجدة/أي خليهم هناك وخليه يقابلهم ويحس بتعبهم شوي....
ام خالد تنهدت...../لو كلهم يصرفون حالهم مها مابتتحرك من مكانها اعرفها تموت من
الجوع ولابتطلع من غرفتها اللحين وخالد مو هناك وبالي بينشغل عليها من بين اخوانها...
محمد نزل راسه وهو يفكر فيها وهيفاء انتبهت له...
ام محمد/بس مايصير كذا يظلون معلقين وبالهم مشغول....
ام خالد/بكرة خالد بيرخصونه وبروح معه للبيت اللي اشتراه....وصارت تناظر بهيفاء اللي
كان الزعل ماكل وجهها....
ابو محمد/لاياختي لا..بيتك هنا ومكانك هنا ومابتتحركين ابدا لو على جثتي!
ام خالد/لا ياخوي لا....
ابو محمد باصرار/لا بتبقين هنا لين يصير شي...ماراح تروحين عند خالد ولا ازعل منك
يااختي...
هيفاء/محمد....محمد..
محمد انتبه لها/ها....
هيفاء/قوم شغل سيارتك...
ام محمد/وين بتروحين؟
هيفاء باصرار/بمر على مها بجيبها هنا...ادري فيها اللحين بتكون قربت تذبح نفسها من
البكي واحمد ماراح يجيبها...
ام محمد/بس ياهيفاء..
هيفاء/هي اذا تبي تجي بتجي معنا واذا حست ان الوضع مايسمح ماراح تجي بروح مني
خسرانة شي...يالله محمد بس البس عبايتي واجيك بالسيارة.....
هي قامت مو علشان مها بروحها لا...هي صحيح عارفة مها وعارفتها مثل الاطفال
ماتصرف روحها بس بعد تبي تردها لمحمد اللي انقلب مرة وحدة ووقف معاها بيوم الحادث
ووصلها بنفسه لخالد وعطاها مجال اليوم تتكلم مع خالد وتتفاهم معه براحتهم....هي عارفة
ان فكره مشغول .بمهاويبي يكلمها بس ماعنده طريق ولاخيار....
خلها تمهد له شوفة مع مها ويفضفضون لبعض رغم ان الوقت مايسمح بس كفاية خسارتها
لخالد حرام هم بعد يضيعون مرة ثانية مثل ماضاعوا قبل ,,,,,
////////////////////////////////////////////////////////////////////////بسيارة محمد كان الجو هادى
الا من بكي مها.....
هيفاء/خلاص ...هذا انتي بتروحين معنا البيت لاامك وش تبين بعد؟
مها مثل الاطفال/السالفة مو سالفة اني اقعد عند امي وبس؟؟؟السالفة اكبر منها...عمري
ماتوقعت حياتنا بالبيت بتوصل لمرحلة كذا؟
محمد كان يسمع كلامها ولاهو قادر يرد عليها....
هيفاء/المهم خالد لاتقولون له..اذا طلع يعرف كل شي بنفسه.....اقول محمد.....(كانت تقراْ
خوف محمد على اللي قاعدة ورى تبكي في عيونه)
محمد/نعم...
هيفاء/وقفني هنا عند الكورنيش بمشي بس ربع ساعة وبعدها بجيكم..والله حاسة نفسي
بموت من القهر؟
محمد وقف السيارة وكانه يبغاها من الله.....
قبل لاتنزل/محمد خل بالك على مها وهديها.....
نزلت هيفاء وظلوا ثواني ساكتين الا من بكي مها اللي مقطع قلب محمد...
وبعدها مسحت دموعها وفتحت الباب ونزلت ونزل وراها..
محمد/وين؟
مها/باخذ لي ماي....
محمد/انا اجيب لك.....
وفتح لها الباب اللي قدام علشان تركب وركبيت..وراح وبعد دقايق رجع وبيده ماي وفتحتها
وشربت شوي وتسندت على الكرسي وغمضت عيونها...
محمد بهمس/مها....لاتبكين...انا مقدر اشوفك تبكين واظل اناظرك ومااعرف وش اسوي
....
مها لاشعوريا صارت تدمع عونها وهي مغمضة....وقالت له بهمس/انا مهمومة يامحمد
مهمومة وتعبانة؟
محمد تقرب منها/قولي لي شفيك تكلمي...انا اسمعك....
مها فتحت عيونها وقامت تبكي/انت السبب...كل حزني وهمي وتعبي انت سببه يامحمد
انت!!!!احبك.. فاهم وش تعني ها الكلمة يامحمد فاهم؟؟؟؟ماني قادرة اعيش تزوجت
وتطلقت بنفس اليوم مو علشان سعود وسالفته لا...لاني مو متخيلة احد ثاني ممكن يلمس
مني شعرة وحدة غيرك؟؟؟؟مو قادرة اتصور اني اسمع كلمة احبك من احد غيرك يامحمد
مو قادرة؟؟؟؟حياتي مافيها شي يسر من بدايتها لنهايتها عذاب بعذاب؟؟؟؟قولي شسوي
علشان ترتاح قول؟؟؟
محمد بحزن قطلع قلب مها/وانا مو مهم تعرفين شعوري؟؟؟مو مهم تحسين بقلبي اللي يتقطع
عليك كل لحظة يامها؟؟؟مو لازم تساليني قبل لاتتكلمين عن حبك اللي دافنه بصدر من
ساعة ماقلتيلي انا ماابيك؟؟؟على بالك رفضك ماجرحني وانا اللي ماحبيت غيرك ومافكرت
احب اصلا!!!مها..تدرين شصار فيني يوم كلمتهم وقالوا لي لاترد اليوم ملكة مها؟؟؟جنيت
صرت امشي بالشوارع وانا ابكي فراقك للابد!!!كنت امشي وانا انادي عليك بين الناس مثل
المجنون....والله ماحسيت بنفسي وبتصرفاتي من قالوا لي مها راحت خلاص؟؟؟كل تفكيري
ارجع واذبحك واذبحه معك واذبح قلبي اللي قاعد يقطر حبك ولاانتي عاذرتني ؟؟؟بعد هذا
كله تجين وتقولين انك متعذبة من حبي وتبين حل؟؟؟يامها انتي صايرة مثل اللي تصبين
المر بكاسي وتساليني اذا كنت ابي سكر!!!!!!
احبك...لالا مااعتقد...كلمة احبك ماتوفي ولاراح تكون معبرة عن مشاعري تجاهك يامها....
اللي شايله لك بقلبي اكبر من الحب نفسه يابعد طوايفي!!!
يشهد الله علي اني ماشلتك من بالي لحظة وحدة يامها؟؟
مها بنفعال من بين دموعها/مو صحيح...نسيت كلامك بالبر وش قلت؟؟انت قلت انك
نسيتني ونسيت الماضي كله يامحمد؟؟؟
محمد تنهد وضمها بقوة لصدره رغم معارضتها الشديدة..
مها باعتراض/محمد لا...احنا بالشارع؟؟؟
محمد بهمس/جنيت انا علشان انسك؟؟؟كنت اقولها من ورى قلبي يامها صدقيني؟؟؟ماحد
يحب بصدق واخلاص وينسى حبيبيه في ظرف يوم وليلة ياعمري؟؟؟
مها رمت راسها على صدره/محمد...قول الصدق..انت تبيني ؟
محمد/وبموت علشان اخذك؟
مها/........................
محمد/حتى لو الظروف ماتغيرت يامها وظلت كذا راح نتزوج ونسافر...موافقة؟
مها/أي ..موافقة يامحمد موافقة..اهم شي تكون بقربي واكون بقربك.....
بعد عنها وهو ماوده بس هم بالشارع وهيفاء بتجي باي لحظة...
حضن كفها بصدره وهو ضاغط عليه بقوة علشان لاتبعد عنه.....
////////////////////////////////////////////////////////
اليوم الثاني....
هيفاء/شكلها عمتي مانامت طول الليل؟
مها/وشلون بيجيها نوم بالله؟
هيفاء/مبين عليها......كلمتي خالد؟
مها/أي عادل راح له وبيطلعه...بس تخلص الاجراءت يعني على ساعة.....
هيفاء/وعرف عن وجود امه هنا؟
مها/أي..وبيجي هنا مباشرة.....
هيفاء/متى؟
مها/ليش تسالين علشان وقت اللي بيجي تطلعين وماتقابلينه؟
هيفاء/في الحالتين انا ماراح اقابله بروح مع عبود علشان يشيلون الجبيرة من عليه ولا انتي
ناسية انها اليوم......
مها/مو مشكلة اروح انا معه؟
هيفاء/لابروح انا....
مها/عليك عناد مو طبيعي؟؟؟بقوم اكلم مراموه بشوف شخبارهم....
هند/عمتي اسوي لك شي تاكلينه لبين مانحد الغذى؟
ام خالد/لايمه شكر ..
هند قعدت جنبها/بس انتي مااكلتي شي يمه...قصدي عمتي...
ام خالد ابتسمت وضمتها/ليش ماني امك ياهند؟؟؟ولاماتحسبين مقامي بمقام امك؟
هند وهي متفشلة/لامو كذا السالفة ياعمتي لاتزعلين؟
ام خالد/مدري جوالي وين رميته..معك جوالك؟
هند/أي...وطلعته من مخباها وعطته عمتها...
ام خالد/دقيلي على احمد بشوف اخباره...واذا رد عليك جيبيه....
وقامت تدور فوق الطاولة عن جوالها...وهند تسب بنفسها وش ها الفشلة ياربي...
احمد طبعا من شاف رقم هند دق قبل لايجيه الاتصال (ههههههه كناية هاذي بس
لاتصدقونها)
احمد /هلا وغلا مابغيتوا تحنون علينا؟؟
هند/احمد...عمتي تبي تكلمك؟؟؟
ام خالد/ماتعرفين تسلمين ولاتسالين عن الاحوال؟؟؟؟؟افتشلت هند واحمد على الخط ميت
ضحك وام خالد جت ترد...واحمد بغاها من الله/حشى لله انا اولا ماعرفت رقمها؟؟؟ثانيا شنو
شايفة صوتي بالله ماتسلم علي ولا ترد علي؟؟؟كذا بس عمتي تبي تكلم؟؟؟ان شفتها اليوم
كفختها ولاتتدخلين انتي؟؟؟
ام خالد/كفخه براحتك ماحد رادك بس انت شلونك واخوانك شلونهم؟
احمد تنهد/يمه...البيت مو حلو بدونك...ومايسوى الواحد يقعد فيه؟؟؟تعالي شوفيه شقد مظلم
وكئيب...
ام خالد/.............
احمد/ماراح تردين؟
ام خالد/اذا جا خالد بشوف وش ناوي يسوي....
احمد/وحنا يمه مافكرتي فينا؟
ام خالد/يايمه لو عندي مكان كان ماخليتكم عنده دقيقة وحدة بس ابي اشوف وضع خالد
وشنو بيسوي وبعدها بتنحل الامور ....اخوانك يااحمد..انتبه فيهم...
احمد/يمه مايصير مها اكبر وحدة فينا تترك البيت وتجيك وانا ابتلش فيهم؟كان اخذتي جود
معك مو مها!!!طول الليل تبكي واذتني وذيك الثانية طايحة لي اسئلة ماعندي لها أي اجابة
وذاك الثور وياهم ؟؟؟وهي الكبيرة تجي وتستانس معكم مايصير؟؟
ام خالد/شتستانس انت بعد؟؟وين رايحين ملاهي!!!!اختك ماعندها تحمل للمسئولية وبقعد
احاتيها لانها بتقفل على روحها الباب ومابتطلع من غرفتها؟؟ماعليه ياولدي ياحمد تحملهم
لين يفرجها ربك وجود جيبها عندي مابتقدر عليها....
احمد يتمسكن/يمه انا بعد بجي عندك؟
ام خالد/تجي وش تسوي يالثور؟؟رجال طول بعرض تقول بجي عندك يمه؟
احمد وهو بعده متمسكن/محتاج لحنانك يالغالية!!!
ام خالد/اقول لايكثر بس!!!ابوك ماسوى شي؟
احمد/لا قعد وكانه يراجع نفسه وحساباته..واليوم ماشفته مدري هو طلع من الصبح ولا
للحين بداره؟
/////////////////////////////////////////////////////////////مشاري باسط له سفرة مع جدته
وضاربينها اكل هي فول وهي عدس وهي قلابة....
الجدة/جعل عيني ماتبكيك يالحنون...
مشاري ضرب الجدة على كتفها/كلي يالغالية كلي...ضعفانة موت مو عاجبني اكلك انا؟؟
الجدة/لاتعورني زين؟؟كلي بكلي عظمتين وجمجمة؟
مشاري بخبث/أي بس جمجمتك ماهي صغيرة مقاسهااكس اكس لارج ؟؟
الجدة/يو مشاري لاتخجلني بكلام العنكريزي اللي تقولونه بالمدارس؟؟؟
مشاري/ههههههه والله انك تحفة..تدري وش معنى الكلمة اللي قلته لك؟
الجدة/لا..
مشاري/معناته قلبي متقطع عليك لانك ماتاكلين وياليت تاكلين علشان ابطل خوف عليك؟
الجدة بحسد/مشاء الله ثلاث كلمات عندهم تساوي عشر كلمات عندنا؟؟؟عيوني عليهم حارة
في كل شي مختصرين الحياة حتى بالكلام؟؟؟؟
مشاري/هههههههههههههههههه
الجدة/انت بعد كل لاتخليني اكل بروحي؟
مشاري/انا بسوي لك عزيمة الليلة بمناسبة طلعة خالد بالسلامة؟
الجدة/أي ملزوم تسوي لي؟؟؟
مشاري/بس بصراحة عجبتيني يوم تقولين رحتي وغسلتي شراع بو خالد؟؟؟انا بكبري
مااوطنه؟
الجدة/ولاانا بعد اواطنه...
مشاري/علشان انه خلى خالد يطلق هيفاء وتباعدت العلاقة بينك وبينه؟
الجدة/مو بس كذا...لانه ماصار يعطيني عيدية؟؟؟؟
مشاري فتح عينه على وسعهم....
الجدة/وانا الصادقة مايطب لي ويسلم علي بالعيد وبغيره ماعليه انا مابموت على سلامه بس
العيدية ملزوم يقطها علي صراحة!!!
مشاري/جدتي ودي اسالك سؤال وتجاوبيني عليه بصراحة...
الجدة/قبل لااجاوبك..ودي اطلب انا منك طلب؟
مشاري/على ها الخشم..
الجدة/من زينه خشمك عاد؟؟؟؟
مشاري/مئبولة منك ياحلوة ياصبية!!!!
الجدة/ودي تروح مطعم سمير اميس وتشتري لي منه شي...
مشاري/شنو بعد!!!
الجدة/خاطري...خاطري بعصير الارهاب اللي يبيعه؟؟؟
مشاري/أي ارهاب؟؟؟؟؟
الجدة/مدري طلبنا منه عشى ذيك الليلة انا وخواتك يوم هند وهيفاء مايتعشون ضايق خلقهم
على خالد ولاقالوا لنا الا يوم ثاني وتعشينا انا وانت بس ...كانوا خواتك شاريينااسالهم؟؟
مشاري بصوت عالي/هند...هند..تعالي...
هند جت/نعم خير...احد ياكل فول وقلابة ها الحزة؟؟معناته ماراح تتغذون؟
الجدة/فالك ماقبلاناه بنتغذى ان شاءالله؟
مشاري/وش سالفة الارهاب اللي بسمر اميس؟
هند/أي ارهاب؟
الجدة/العصير اللي طلبتوه انتي واختك وشربته وعجبني؟
هند/هههههههه ياخلاف بس!!!!اسمه الرهيب مو الارهاب؟؟؟؟؟؟؟؟؟؟؟؟
مشاري/ههههههههههههههههههههههههههههههههههههه
الجدة تفشلت/كلهم عيال عم الارهاب ولد عم الرهيب اهم شي الطعم والله!!!
مشاري/هههههه عليك دقات مو طبيعية؟؟؟
الجدة بدلع/شوشي خلاص عاد لاتكبرها؟؟
مشاري حذفها بعلبة الكلينكس/عطيتك وجه أي بس مالقت لك قطي الميانة مرة وحدة!!!قالت
شوشي قالت والله لو حرمتي تقولها يوم ثاني اردها بيت ابوها شنو شوشي بالله!!!
الجدة/جزاة خيري ادلعك.....
مشاري/مانبي دلعك والله...
//////////////////////////////////////
مها كانت بغرفة هيفاء ومحمد اتصل عليها..
مها بهدوء/هلا..
محمد /هلا بااحلى هلا...
مها/............
محمد/اليوم بيتنا بيكون منور مدامك موجودة فيه؟
مها/...منور باهله...
محمد/شو رايك تقومين تسوين لنا الغذى انتي مدامك قاعدة....
مها/اولا امك خلصت طبخ ماتنتظر تشريفي ماباقي شي على جيت خالي وجيتك من
الدوام..وثانيا انا مالي بالمطبخ يامحمد...
محمد/هاذي بعد مو في صالحك انك ماتدخلين المطبخ!!!
مها/والله!!!!!!!
محمد بمرح/طيب واذا ضربك الجوع وش تسوين؟
مها بلامبالاة/اخذ لي بقصم واحط فوقه جبن بوك واكله!!!!
محمد/؟؟؟؟؟؟؟؟؟ياسلام بتلعبين علي انتي؟؟
مها/هذا اللي عندي ولاتقولين سوي اندومي ترى فيها شغلة وماي ومدري شنو وانا مالي
خلق؟؟؟
محمد/شوف السودانية كيف!!!!انا شكلي باراجع حساباتي طلعتي كسلانة مووت؟؟؟؟
مها بدلع/وليش ان شاءالله تبيني ادخل المطبخ واقابل الفرن واقطع بصل علشان املي
عينك!!!!
محمد/لا..بس دنيا ودين..يعني ماابي اموت من الجوع؟
مها/هاذي هند تناديني بسكر اللحين..
محمد/تبيني اجيب لك شي وانا راد من الدوام؟
مها/ابي سلامتك وبس!!!!
//////////////////////////////////////////////////////
بعد ساعة الا ربع كانت هيفاء طالعة مع عبود وخالد وعادل عند الباب والتقوا.....
عادل/سلام عليكم..
هيفاء/وعليكم السلام والرحمة هلا تفضلوا المجلس مفتوح...
خالد/وين رايحة؟
هيفاء بدون ماتناظره/اليوم بيشيلون الجبيرة من على رجله....
عادل/اوه..ماتشوف شر عمي...
عبود/ههه انت عمي مو انا عمك
عادل/لا انت عمي....اقول ام عبدالله...لي عندك طلب ان شاءالله...
هيفاء/خير..
عادل/خير...روحي مع ولدك بعدينيصير خير هذا مع اخته ماحد يعتمد عليهم مالنا الا انتي
اللحين؟
هيفاء/عسى ماشر.....
عادل/لاتشغلين بالك بس بغيت منك خدمة.....
هيفاء/خير ان شاءالله......
ومشت عنهم وراحت لسيارة السايق اللي كان ينتظرها....
خالد بتنهيدة/شفت كيف ماعطتني وجه؟
عادل/وش تبيها تسوي بالله؟
خالد/بس انا احبها وابيها ومو ذنبي اللي صار ياعادل؟
ولاهو ذنبها بعد تنتظرك لااخر العمر بدون امل ياخالد وابوك كل يوم طالع بسالفة......يالله
انا ماشي تبي شي؟
خالد/لا اذا بقوم بدق لك تجيني.....
عادل/على خير يالله سلام...
///////////////////////////////////////////////////////////////الجدة/نور البيت بسلامتك يابو عبدالله
خالد/منور باصحابه ياجدتي...
ام محمد/واللحين شلونك يمه..
خالد/لا مافيني الا العافية....
ام محمد/انا بقوم احط لك شي تاكله....
خالد/لا ياخالتي انا بنتظر خالي وباكل معه مرة وحدة......
قامت ام محمد وظلت ام خالد عنده والجدة....
خالد/يمه...شنو اللحين؟
الجدة/مافيها شي...انت مو تقول لاامك انك ماخذ بيت صغير؟
خالد/.......
الجدة/يعني مايشيل امك ومرتك بوقت واحد ياخالد؟
خالد/مو هاذي القضية ياجدتي...بس معقولة امي تترك البيت نهائيا؟؟؟
ام خالد/أي ياخالد....ابوك باعني وش اللي بيردني له؟؟؟؟انا مو حاز بخاطري شي كثر مو
انه كان عارف ان سعود متزوج وساكت ماتكلم هاذي بجد اللي ذبحتني ياخالد؟؟؟ليش تمناها
لبنته عاد؟؟؟
خالد/صار وانتهى يمه....
ام خالد////لا يايمه في اشياء حتى اذا انتهت يظل جرحها كبير....
الجدة/ترى مو حلوة يساوم على عشرته مع امك علشان زواجك ياخالد؟؟؟
خالد تنهد/معك حق جدتي..بس اخواني هم اللي بيضيعون كذا؟
ام خالد/مها بتكون معي ومرام وجود بعد...واحمد شايل عمره اسم الله عليه..وعمر بيلف
وبيدور ومصيره بيرجع لي اذا شاف ان ابوه ماهو مسوي له شي ولاعمامه؟؟؟
خالد/يعني شنو يمه؟
ام خالد/يعني توكل على الله واطلب هيفاء من خالك اليوم وخلنا ننهي السالفة؟
خالد/لايمه..اول بعطي ابوي خبر؟
الجدة/خالد لاتبط كبدي؟؟؟وش له تعطيه خبر بعد!!!!
خالد/مايصير اتزوج وهو مايدري لازم اقوله وابري ذمتي واعطيه خبر بعدها عاد هو بكيفه
اذا تقبل ولالا؟
ام خالد/خالد...هيفاء وصيتي لك...حطها بعيونك يمه وكل مازعلتها ادري انك زعلتني انا
وضايقتني انا؟؟؟؟؟
خالد/أي بس يمه...ظنك هي بتوافق علي!!!!
الجدة/ماعليك منها واذا ماوافقت قولها باخذ عبود عندي وبترضى؟
خالد/جدتي شها الكلام بس!!!
الجدة/طيعني ياولدي منت خسران؟
خالد ناظر بامه اللي كانت كاتمة ضحكتها على امها وعلى تفكيرها..........
/////////////////////////////////////
عبود/ماما
كانت هيفاء سرحانة وهي تنتظر السايق بالمستشفى يجيهم....
عبود بصوت عالي/ماما....
انتبهت له هيفاء/ها وش تبي؟؟؟ليش تصارخ كذا؟؟زين مامعنا احد بالغرفة ولا كان بيقولون
شوفوا هذا الولد الكسلان اللي يصارخ؟
عبود/من زمان انا اكلمك وانتي ماتردين علي؟
هيفاء/وش تبي؟
عبود/اذا رحنا البيت بابا خالد بيكون هناك؟
هيفاء باسى/مدري...
عبود/ابي اوريه رجلي وانا اعرف امشي هو قال اذا صرت رجال ومابكيت ومشيت عليها
من جديد بوديك الالعاب وبوديك تشوف مبارة الكرة....كلميه يمه...
هيفاء/عبود ماما انا تعبانة....
عبود/وش فيك؟بيحطون لك جبيرة مثلي ومثل البابا؟؟؟
هيفاء بدت تدمع عيونها/ياليت ياعبود الجرح اللي بقلبي ينجبر ويتضمد كان من زمان
جبرته وارتحت!!!!
عبود بخبث/شفتي انتي تحبيني وتحبين البابا وبتحطين لك جبيرة مثلنا!!!ماما انتي بتجبرين
يدك مثل بابا خالد ولارجلك مثلي؟؟؟
هيفاء ببكي/لا ياعبود انا بس ابي اجبر قلبي وارتاح!!!!!
حطت يدها على وجهها علشان عبود لايشوف دموعها وبها اللحظة دق الجوال وكانت مها
اللي متصلة...
ودق لين شبع وهيفاء مو معه واخذه عبود ورفعه..
مها/وينك ساعة على ماتردين؟
عبود/ماما تبكي!!!!عمة مها ماما بيحطون لها جبيرة مثلنا وخايفة؟؟؟
مها /وش جبيرته؟؟؟؟وينها امك؟
خالد كان قاعد جنب امه واخته وجدته وحس بالخوف عليها...وتذكر طلعتها اللي ماكانت
مبشرة بخير,,,,
عبود بدى يبكي/انا ببكي مثل الماما......
هيفاء اخذت الجوال منه وحاولت تكون طبيعي’’/هلا مهاوي.. قالتها بهدوء وحزن..
مها بخوف خلت خالد مايشيل عيونه من عليها وامه وجدته حسوا فيه.../هيفاء انتي
تبكين؟؟فيك شي..
هيفاء وهي بعدها تسوي روحها طبيعية/لامافيني شي..
مها بتشكيك/متاْكدة؟؟؟صوتك يبين عليه غير كذا؟؟؟
هيفاء/راح خالد؟؟؟
التقت عيون مها بعيون خالد....وقامت مها من مكانها وها الشي خوف خالد زيادة وامه
حاولت تفتح معه موضوع من هنا ومن هنا بس لاحياة لمن تنادي كان سرحان وفكره مو
معه.......
الجدة بصرامة/خالد؟؟؟
خالد لف عليها/نعم....
الجدة/تبيها ولاماتبيها؟؟قرر...
خالد بزعل وحسرة/ابيها والله ابيها ياجدتي؟؟؟
الجدة/طلع جوالك وكلم ابوك وقول له انك الليلة بتملك وخلص سالفتك؟؟؟
خالد/أي بس...
الجدة/مافيها بس؟؟؟مو تبيها خلصنا؟؟لاانت صغير ولاهي صغيرة لمتى ان شاءالله بتظلون
معلقين تحت رحمة ابوك كذا؟؟؟؟؟؟؟
خالد/.............
ام خالد/جدتك معها حق ياولدي لمتى عاد؟؟؟خلاص مو تبيها وهي تبيك وش له ها التاْخير
بعد والتاجيل اللي ماله داعي؟؟؟كلم ابوك وعطه خبر وانهي السالفة كلها الليلة....
خالد بتردد/وهيفاء...؟؟
ام خالد/وش فيها هيفاء؟
خالد/يمكن.... يمكن ...
الجدة/خالد بقولك شي يمه...هي تبيك مثل منت تبيها؟؟؟ولاتفكر اني ماادري عن ها
الشي؟؟؟انا ادري عن كل شي يبى خالد وعارفة ان ولد خالك محمد بيموت على ماياخذ
اختك مها وعارفة بعد ان احمد وهند يبون بعض؟؟؟
هني ام خالد رفعت راسها لانها تفاجات باخر نقطة قالتها!!!!
الجدة/لاتطالعني كذا..هيفاء اذا شافتك مصر عليها وتبيها وتبي تملك عليها الليلة ماراح
تقولك لا ابدا!!!يكفي انها رفضت الكل وانت بعيد ..مافكرت فيها ليش ياخالد؟؟؟لانها تبيك
وماتبي غيرك...عندها امل لااخر لحظة انك ترجع لعقلك وترجع لها ولولدها!!!!!
خالد بحزن/انا ابيها ياجدتي بس اخاف من ردة فعلها...
الجدة/انت ماعليك انوي ودق على ابوك عطه خبر وانا بقوم اكلم خالد وهيفاء خلها علي
؟؟؟؟
//////////////////////////////////////////////////////////////////مها كانت بعدها تكلم هيفاء وهي
بالحديقة تمشي وعليها عبايتها طبعا وشيلتها وتتكلم معها وهي تمشي......
مها/هيفاء ردي وخلنا نتفاهم؟؟انا مو شايفة انك منصفة بزعلك على خالد؟؟والله يحبك وببيع
العالم علشانك بس انتي لازم تعذرينه هو انحط تحت ظرف قاسي وخيار عنيد ياهيفاء وش
كنتي تبينه يختار يعني!!!انا يوم خيرني ابوي بين محمد وبين انك تاخذين خالد بديتكم على
نفسي صدقيني وقلتها لخالد لو يصير اللي يصير لاتنسى ان بينكم عبود ولازم يكبر بينكم
ياخالد؟؟لاتصيرين انانية وتظلمين خالد ..هو بروحه مظلوم ومقهور ويكفي انه صار له
الحادث بسب ها التفكير بالموضوع!!!!!يالله انتظرك لاتتاخرين؟
قفلت جوالها ولفت بتدخل وكان محمد واقف ومتسند على الجدار الل يقابلها وفي يده بوكيه
ورد.....
مها بخجل/محمد....,,,من متى وانت هنا؟
محمد تلفت حواليه وناظرها مباشرة/كذا عوايدك اذا كلمتي تلفين وتدورين؟؟راسي دار وانا
ادور وراك من مكان لمكان؟؟؟
مها/انت من زمان هنا؟
محمد/من طلعتي من داخل؟
مها بفزع/يعني من البداية!!!!وليش واقف تسمعني وماعطيتني اشارة انك واقف؟
تقرب منها محمد وكل ماقرب خطوة رجعت هي خطوة/ليش تبين تعرفين اني
موجود؟؟؟علشان لاتشتميني؟
مها بخجل/أي بس انا مااشتمك؟؟مااقدر مايطاوعني لساني؟؟
محمد بثقة/واذا طاوعك لسانك بتشتميني؟
مها هزت راسها بلا...
محمد/وليش تبعدين كل ماقربت منك؟
مها بخبث/وليش تقرب انت اصلا؟؟؟
محمد برومنسية/علشاني جايب لك ورد وبقدمه لك!!!!!
وقفت مها مكانها وهي تشوف الورد بيدينه....وتقرب منها وحط الورد في يدينهاوظل ماسك
يدينها وعيونهم في بعض تحكي كلام كثير لبعض وفجاْة؟؟؟؟؟؟
//////////////////////////////////////////////////////
ابو محمد/والله مدري شقولك يااختي ؟؟يعني ابوه مو موافق ياخذها وبلا وجع ها الراس؟؟؟؟
ام خالد باصرار/بس خالد يبيها وهي تبيه وراي بوخالد مو مهم؟
ابو محمد بتاْنيب/يااختي اللي بينك وبين بو خالد سحابة صيف وبتزول ان شاءالله ماله
داعي تخلينها تاْثر على قرارتك مع عيالك؟
ام خالد/لا ياخوي....يمكن ظليت طول عمري معه بس ها اللحظة وان جت متاْخرة بس انا
صحيحة ولازم تكون..
ابو محمد/ام خالد..
ابو محمد/اذا لي قدر عندك خل خالد ياخذها الليلة ويملكون ويروحون أي مكان يغيرون جو
كم يوم.؟
ابو محمد/والله مدري شقولك..زبكلمها وبشوف رايها؟
ام خالد/اغصبها ياخوي؟؟الله يخليك حتى اذا ماوافقت اغصبها..هي تبيه وهو يبيها بس
قاعدين يكابرون على بعض؟
ابو محمد/وينها اللحين؟
ام خالد/جاية بالطريق؟
ابو محمد/ليش وين راحت؟
ام خالد/مع عبود المستشفى اليوم موعده؟
ابو محمد/وخالد وينه؟
ام خالد تنهدت/طلع....قال عنده كم مشوار بيخلصهم وبيرجع....
ابو محمد/قبل شوي كان هنا؟
ام خالد/اتصل في عادل وبيجي ياخذه؟
ابو محمد/يعني قاعد ينتظره بره؟؟شدعوة ياام خالد مافي مجلس يقعد فيه؟
ام خالد/خله ياخوي هو متضايق ويبي يظل بروحه خله ولدي وانا اعرفه زين.....
//////////////////////////////////////////
: 
: 
: