جوا السؤال الاجابه
وفى كل اجابه الف سؤال شارد
لوحدك ليه ساكت ومن ايه خايف
وليه وحيد ,انت وصمتك وحزنك
فك قيودك وانطلق
اطلق حصانك يرمح وسط الليالى
يقول تاه السكات منك
عرف طريق الكلام
صعب تلجم حروفك
بعد مفكيت باديك كل القيود وطلقتها
ليه تانى عاوز تحوشها
جوا قمقم الصمت تخبيها
ليه السُكات منى تانى يخطفك
فكيت بايدى قيودك
حررت صمتك منك
وانطلق من تانى خيلك
كان بيمرح على شط حلمك
ليه من تانى وسط الكهوف تأسرة
رغم الرحيل... رغم صمت طويل
رغم ظلام الليل الغميق
شايفه بكرة راسم حروفك نور
شايفه حلمك مرسوم بريشه فرح
شيفاك بترسم لوحه فيها شط
وخيل بيرمح من غير لجام
بحرك واسع مالو حدود......
شايفه لمعه ساكنه عنيك
قايله بكرة جاى ..... شايل بسمه
بكرة قرب هيجى لينا
راجع بينا
بكرة حلم ناسج حقيقته
هيتولد من قلب الليل
بكرة فرحه نرتوى منها
بكرة ضحكه مرسومه فى عنيك وجايه لعينيك
بكرة حلمى نسجه حلمك
بكرة فكرة مغزوله بقلمك
مكتوبه حكايه حكيتهالى فى يوم
هتحكيها ولو طال الليل من بعده طالع نهار
لساك فاكر
بكرة انت
شمسك هتشرق
بعد ما طال فى السكات ليلك
عارفه انك هتعرف طريقك
هتوصل للبر..... هاترمح بخيلك على شط الايام
رايح لبكرة اللى جايلك شايلك فرحه
شيفاك فارس
شيفاك خيّال

امير من كتب الحواديت
شايفه اميرتك مستنياك
مستنيه فارسها
ما انت الفارس
انت الخيّال
شايفه اديك طايله نجوم السما
شايفه عنيك ضامه احبابك
شايفه الطفل جواك مستنى
عاوز يفرح...... مستنى الفرحه بعد الاحزان
عارفه انك هاتقدر تعدى الموج
تكسر قيودك ....تفرد جناحك
وتطير
نورس مهاجر ولابد فيوم هيعود
حلمك لازم يوم يتحقق
فرحك لازم هايجيلك
قلبك عارف ازاى يرسى على شط امان بأحباه
وهيفضل بين ضلوعه مخبيهم
[B]لساك فاكر