[B].. وش حيلتي وأردها لا تجيني[/B]


[B]لا طال ظل العود حزة عشى الطير ..[/B]

[B].. كنها على سجن الحديد تحديني[/B]





[B]يضيق صدري كل ما جات وأسير ..[/B]

[B].. ولايخفف سوج رجلي حنيني[/B]





[B]لا حولنا مشراف ولا اقدر اطير ..[/B]

[B].. يالله قمسة خير لا تبتليني[/B]





[B]وعقارب الساعة توقف عن السير ..[/B]

[B].. ولاكن في الدوحة سواتي حزيني[/B]





[B]والعبره اللي تاصل الحلق وتحير ..[/B]

[B].. يا قربها لو قيل لي يا عويني[/B]





[B]أمل شوف الناس ورد ومصادير ..[/B]

[B].. واللي يقول اشفيك كنه يهجيني[/B]





[B]يعني على ما قيل من باب تصوير ..[/B]

[B].. (لاحدٍ أبي قربه ولا أحدٍ يبيني)[/B]





[B]أروح أدور خط مابه دواوير ..[/B]

[B].. وأدور اللي هادها تهتديني[/B]





[B]وآخذ مع الهاجوس سجة وتفكير ..[/B]

[B].. وأراجع اللي فات بيني وبيني[/B]





[B]وأحسب ذنوبي وأدور التكفير ..[/B]

[B].. عساي ما قصرت في والديني[/B]





[B]وعساي ما قارنت من ينفخ الكير ..[/B]

[B].. واللي يحمل المسك جعله قريني[/B]





[B]ويطري علي يوم الحشر وأطلب مجير ..[/B]

[B].. ما أعطى كتابي في شقيقة يميني[/B]





[B]ويطري علي صدقان كثر الدنانير ..[/B]

[B].. اللي اتعاديني إلا كثر ديني[/B]





[B]وراعي الهروج اللي سوات المناشير ..[/B]

[B].. أصد عنه وأدري انه يعنيني[/B]





[B]الله حسيبه يوم عرض القواوير ..[/B]

[B].. والله حسبي من صواب مكيني[/B]





[B]وإلا طرالي واحد كانه اصغير ..[/B]

[B].. أم أصغر بيومين ولا سنيني[/B]





[B]دريت وش قومي وعينت تفسير ..[/B]

[B].. للضيقة اللي من زمن تعتليني[/B]





[B]حبه بصدري سالفة سر في بير ..[/B]

[B].. وكن الفواد يقول هذا زبيني[/B]





[B]أشفق على علمٍ يجي منه من غير .. [/B]

[B].. لا يسمع اللي سولفوا به ونيني[/B]





[B]يا كثرهم غيرهم ولكن خبر خير ..[/B]

[B].. ما غير شوفه في الوجود يهنيني[/B]





[B]رايي كذا يا عاشقين الغنادير ..[/B]

[B].. ماله على وجه البسيطه وزيني[/B]





[B]العام أجيهم من حساب المسايير ..[/B]

[B].. واليوم حال عداي وينه وويني[/B]





[B]خطاي تعليق الأمل في المدابير ..[/B]

[B].. الين راح وشفت حقري بعيني[/B]





[B]صبرٍ جميل وخابر إنه مقادير ..[/B]

[B].. والله على تخفيف حزني عويني[/B]





[B]ذي حالتي لين اتغبا الشمس واصير ..[/B]

[B].. معطى سراحي عقب مانا سجيني[/B]





[B]واذا امتلى جوف الشجر بالعصافير ..[/B]

[B].. طلبت من رب العباد يهديني[/B]





[B]يعتقني المذن عقب ضيقة عصير ..[/B]


[B].. اللي على سجن الفراق اتحديني[/B]