[TABLE='class: tborder vbseo_like_postbit, width: 100%, align: center']
[TR]
[TD='class: alt1, bgcolor: #FDF4F4, align: center']

جات بها الطريقه




ازدحام وامــر طـارىء تـم اغـلاق الـطـريـق ...... وقفـو سير المراكب مـا حـدن منها يسـيـر

فـوضة ٍوالـوضـع عـارم يـعـتـقد انـه حـريـق...... والغريبه ما حدن يصرخ ولا بـــه مستجيـر

حـرت اسئـل واتـسائل ويش هذا الـي يعيـق ....وش عـلام الناس حارت ولابه اصوات لـنذيـر

شفت من بعد المسافـه ضابـط برتبة فريق ...... قلت بسئل ضابط الميدان وش ذا الي يصير

يوم وجهت اتجاهه ضاق دربي وصار ضيق ...... قمت اشر في يديني وشاف تاشيري الخفير

قال للعسكر اوامر جيبو راعي ذا الـعتيـق .... جـمـس ٍ احـمـر والـمـكـيـنـه زيـتـها دايم خرير

احضروني محمد وخالد وساعدهم شفيـق ...... قال وسـط الـجـيب وده لـيـن نـدعيـلـه بشيـر

انتضرت وعـادتن لـي الـصبر هذا ما طيق...... قـلت بعـلى الـصوت عفنا ذا السؤل بنستخير

جاني الضابط وفوق كتوفه نجومه بريق ....... وخـلفـه جـيـوش الـعساكـر كـنهم امن الامير

قال يا جاهـل علامك وين عقلك ما تفيـق ...... ما تشوف الـي امامك فـي نعومتهـا حـريـر

كـل ذولا حـالمين انهـا تناديهم عـشـيق ....... كـل منهـم لـو تـأشر لــه بـعـيـنـيـهـا يـطيـر

كلهم صاير رومنسي وكلهم صاير رقيق ....... كـلـن يـمـثـل عـلـيهـا دور مـزيـون ومـثـيـر

قلت وصفك ما اضن انه وكـيد ٍ او دقيـق ...... اعـتـقـد انـك تـبـالــغ واعـتقـد هـذا كـثـيـر

المهم انهم عفوني وصرت من حجزي طليق ...... ومن كثر لهفت عيوني رحت للجمع الغفير

رحت اوكد وصف منهو يوصفونه با الانيق ...... ويوصفونه با القمر في طلته نور ٍ ينير

يوم شفت عيونها ناديت للضابط رفـيـق ...... ومن كثر ماهي خلفتني قام راسي يستديـر

الوكاد اني نشفت ومابقى با الريق ريق ...... وقمت اناضر ها وكني ارتوي من وسط بير



نهار
[/TD]
[/TR]
[/TABLE]