يمكن العاطفية الزيادة دفعتني لكتابة البوست ده ، لكن حبيت اسجل تجربة سنين مع أول سيارة في حياتي وهي البولونيز FSO POLONEZ - 1.5 SLE.
انتهت عشره مدتها أكثر من 20 سنة بيني وبين السيارة بولونيز ، فمن يوم ما اشتراها والدي سنة 1990 لما كنت صغير والسيارة دي بتمثل حاله خاصة بالنسبة وكل يوم بيزداد تمسكي بيها مش عارف ايه السر في ده !
غالباً كان عاجبني شكل العربية اللي كله صرامه والحدة في خطوط التصميم وتباين الألوان بين اللون الأبيض واللون الأسود ، لكن في الأغلب الإحساس ده بسبب الذكريات اللي كانت معاها وقت لما كنا بنسافر بيها بالبر من بلد لبلد أو غيره.

[TABLE='class: tr-caption-container']
[TR]
[TD='align: center'][/TD]
[/TR]
[TR]
[TD='class: tr-caption, align: center']صورة في المهندسين بتاريخ 31-12-2009[/TD]
[/TR]
[/TABLE]

بس خلال الـ 20 سنة دول قدرت أتعامل مع كل جزء فيها وخلال السنين دي درست كل صغيره وكبيرة فيها وبفضل الله وبمساعدة والدي وصلت لمرحلة اني ممكن أعمل صيانة للميكانيكا والكهرباء بنفسي وساعات إصلاحات في الجسم نفسه اللهم إلا الحاجات اللي بتحتاج لحامات وفني.
[TABLE='class: tr-caption-container']
[TR]
[TD='align: center'][/TD]
[/TR]
[TR]
[TD='class: tr-caption, align: center']صورة في المهندسين بتاريخ 31-12-2009[/TD]
[/TR]
[/TABLE]
بالرغم من سلبيات البولونيز وصعوبة عملية بيعها وكره بعض الناس ليها ولمظهرها زي ما يكون مش من حقها تمشي على الطريق أساسا بخلاف النظرة المتعالية على مالك السيارة أحياناً ، إلا اني كنت بحس بالتميز وانا سايقها وكنت معجب بتصميمها وقوتها ومتانتها بغض النظر الناس شايفاني ازاي.


[TABLE='class: tr-caption-container']
[TR]
[TD='align: center'][/TD]
[/TR]
[TR]
[TD='class: tr-caption, align: center']صورة في المهندسين بتاريخ 31-12-2009[/TD]
[/TR]
[/TABLE]
منكرش انها مر عليها سنين وتأثير الزمن ظهر عليها مع الحوادث والإصابات اللي عملتها وأثرت عليها بالإضافة للإ[B][B]همال مني في العناية بيها وبمظهرها ومتابعتها بالصورة اللازمة علاوة على [/B]المشاكل اللي بدأت تظهر في أجزاء رئيسية في الأجزاءالميكانيكية والجيربوكس ، [/B][B]وبالرغم من ده كله إلا ان السيارة كانت متماسكه ومحافظه على كيانها لحد النهاردة.[/B]
لغاية ما حصلت حادثة شديدة اصطدمت فيها برصيف عالي وحصل تدمير في أجزاء في العفشه والشاسيه ، ومن هنا بدأت فكرة بيعها وإحلالها بسيارة غيرها بصورة جدية.
لكن العجيب انه بالرغم ان الحادث كان قوي وعنيف جداً خلى العربة تخطي فوق جزيرة الطريق وتعدي للناحية الثانية ، لكن تأثير الحادث عليها مكانش زي ما كان متوقع ، فالموتور كان شغال والفتيس سليم وحتى الرادياتير كان سليم.

والأعجب إنه بعد ما تمت عمليات الإصلاحات على الجسم وعلى الشاسية والعفشة ، كانت العربة تمشي وتفتح على السرعات العالية زي سابق عهدها !
[TABLE='class: tr-caption-container, align: center']
[TR]
[TD='align: center'][/TD]
[/TR]
[TR]
[TD='class: tr-caption, align: center']صورة بعد الحادثة ![/TD]
[/TR]
[/TABLE]
وبالرغم من الإصلاحات تمت بشكل سليم وحرفي ، لكن إحساسي بعدم الأمان أو حتى الثقة في العربية على الطريق أصبح أقل بكثير من الأول ، وده كان السبب الأساسي في قرار البيع.