- فعلاً ... اللي معندوش عقل ، معندوش أي مشكلة ..
الحمد لله على نعمة العقل ، وإن كانت في هذا الزمان تعتبر نقمة على صاحبها !!
- زمان كانوا بيقولوا: ساعه لربك وساعه لقبلك
دلوقتي اصبح الوضع ساعه لربك و 23 ساعة وجع لقلبك !
- الوقت اللي يعدي على البني آدم من غير ما يتعلم فيه حاجة جديدة نافعه ، فهو خساره لا يمكن تعويضها أبداً أبداً.
- من كثر الهموم اللي الناس عايشينها في الأيام دي أصبح الشخص اللي شكوته كثيرة "الشكاي" عبء على الناس اللي حواليه
فلو الناس مخنوقه هتتخنق زياده ، ولو متعاطفين معاه مش هيبقى بأديهم يعملوله حاجه.
- كل يوم بتترسخ عندي عقيدة ، إن أكثر إنسان تعبان وبيعاني أشد المعاناه في مصر هو الإنسان الشريف اللي ماشي بما يرضي الله وعايز يعيش بالحلال ، وأكثر إنسان مستريح ومعندوش معاناه هو اللي واخدها فهلوه ومش فارقه معاه الحلال من الحرام.
- الإحساس والحالة اللي بتبقى فيها لما تبقى معرض إنك تسيب وظيفتك لسبب ما أصعب كتير من الإحساس والحالة لو سبت الوظيفة فعلاً.
- الحياة في هذا الزمان مش محتاجه الواحد يكون مكافح ، قد ماهي محتاجه الواحد يكون محارب.
- إن كان بعض الظن إثم، فأحياناً بيكون سوء الظن من حسن الفطن.
- قبل حكم الإسلاميين كان قطع الكهرباء ساعتين يوميا سنه غير مؤكده ، لكن بعد حكم الإسلاميين أصبح قطع الكهرباء ساعتين يوميا فرض عين.
المصدر :انسان نادر
: 
: 
: