كنت وقعت على استمارة حملة تمرد على الموقع الإلكتروني للحملة لاقتناعي التام بعدم صلاحية المدعو محمد مرسي الرئيس المزعوم للاستمرار في العك والمهازل بتاعته هو اللي معاه ، وبالرغم من عدم وضوح الرؤية او حتى معرفة الخطوات التالية أو فعاليات الحملة الفترة الجاية ، إلا إني فكرت تحديداً في يوم 30 يونيو 2013 اللي دعت ليه حملة تمرد وانه هيكون بداية للمشوار اللي هيتحدد فيه مصير مسألة سحب الثقة من هذا الشخص[B]. وفي ضوء الأحداث الحالية بتوقع ان وارد يحصل فيه مجموعة احتمالات ...[/B]

الإحتمال الأول: إنه هيحصل انهيار لمرسي وفصيلته ومن والاهم زي ما حصل مع مبارك ومن والاه[B] [/B][B][B]، وده في حالة الاجتياح الشعبي وخروجه عن السيطرة واللي ممكن يتطور ويهدد مستقبل البلد وأولهم الإخوان ومن والاهم[/B] ، وبالتأكيد هنلاقي الجماعه بتوع شرعية الصندوق والشريعة ركبوا الموجه العالية بعد ما هيكتشفوا انها اكبر منهم ، زي لما هاجموا الثورة على مبارك بنغمة الخروج على الحاكم وفي الآخر ركبوا الموجه.[/B]
بالتأكيد في البداية هيكون في نطاعه وعند[B][B] وإنكار للواقع[/B] من مرسي والجماعة في الاستجابة للمطالب الشعبية[/B] ، ممكن يتم تنفيذ بعض المطالب الشعبية لاحتواء الموقف وبالتالي محتمل سقف المطالب يعلى كمان والامور تخرج عن السيطرة أكثر والشعب ميكتفيش بسحب الثقة من مرسي والموضوع يدخل في قصاص ومحاكمة شعبية له ولرجاله وما إلى ذلك، وفي الحالة دي غالباً جماعه الإخوان ورموزها هيهربوا مع مرسي واللي معاه على بره مصر وكأنهم لم يكونوا ، أو إن الجماعه هتضحي بمرسي وكام فرد من الإخوان وده لضمانهم ان الجيش بقيادة السيسي (اللي الإخوان جابوه) ، ضامنين انه معاهم وهيحميهم ولابد هيتدخل ومش هيسمح بحاجه زي كده انها تحصل، وبالتالي السيسي ممكن يتولى إدارة البلد والأمور لغاية ما يتم عمل انتخابات رئاسية مبكرة خلال شهور، وفي الحالة دي غالباً هتتعمل محاكمات هزلية لمرسي وقنديل ووزير الداخلية مثلاً أو أي شخصيات اخوانية تانية ، زي المحاكمات بتاعت مبارك واللي معاه بالظبط والكل هيطلع براءة في الآخر.

الإحتمال الثاني: إن الإخوان والموالين لهم يكونوا مرتبين صفوفهم ويقلبوها فوضى وتدمير وتخريب أيا كانت العواقب ، ومحتمل جداً ساعتها يبقى في قتل وهرج ومرج متعمد ووقيعه مابين كل الأطراف ، وده طبعاً بعد زرع المندسين اللي تبع الإخوان في كل مكان لتشتيت الجميع علشان [B]محدش يبقى عارف مين مع مين او مين ضد مين.[/B]
ووراد جداً إن بعض أفراد مندسين يلبسوا الزي العسكري للشرطة أو للجيش ويركبوا مدرعاتهم ويستخدموا اسلحتهم كمان ، لأن في عناصر من [B]الداخلية والجيش أصبحت تابعة للإخوان، وبالتالي نلاقي افراد شرطة مزيفين بيضربوا في الشرطة الحقيقية[/B] أو في الشعب، ونفس الكلام نلاقي أفراد جيش مزيفين بيضربوا في الجيش الحقيقي أو في الشعب ، وده لتشويه الداخلية والجيش وتهييج الناس ضدهم. غير كده ، عندي يقين أنه هيحصل [B]"كالعادة" السيناريو [/B][B] المعهود إن البلطجية والمأجورين هينزلوا وسط المتظاهرين والمعتصمين ويبدأ المولوتوف وضرب النار يشتغل وده طبعاً لتشويه صورة المتظاهرين السلميين واتهامهم بالتخريب واستفزازهم من ناحية ، وجرهم للصدام سواء مع متظاهرين تانيين أو مع الشرطة او مع الجيش من ناحية تانية. ومؤكد هيكون في [/B][B]محاولة لحشد أو استمالة من يطلق عليهم الإسلاميين من اللي اتزرع في مخهم ان مرسي وجماعته بيخدموا الإسلام وبيعملوا لصالحه ، وبالتالي دول كمان هيتم ادخالهم في المواجهات مع المعارضه من منطلق الدفاع عن الشريعة الإسلامية والشرعية والجهاد ضد كل أعداء الإسلام والوطن. وبعد إجهاد الناس والشرطة والجيش وإدخالهم في صراعات لا تنتهي هيحاول الإخوان يلتفوا على مطالب الناس ويمثلوا انهم استجابوا وياخدوا على نفسهم الوعود والتعهدات ، والموضوع يبقى مجرد كذبه جديدة من أكاذيب مرسي وحكومته المتكررة وينيموا الشعب ويخدروا أعصابه لحد ما يكمل فترته الرئاسية، وكل ما الناس تحاول تقوم ينيموهم بخدعة جديدة.[/B]


الإحتمال الثالث: وإن كان مستبعد.. فمحتمل ان الدعوه بما فيها من تظاهرات واعتصامات وإضرابات لا تتجاوز زوبعه في فنجان ، صحيح ممكن تطول أسبوع او اتنين او حتى تلاته لكن في الآخر الناس هتزهق وتفضها سيره وتدور على حدوته جديدة تطلع فيها همها.

الأزمة الحقيقية:
أسئلة بتطرح نفسها .. - هل بالضروره كل اللي مضى على استمارة تمرد هينزل يوم 30-6 ؟! الجواب بالتأكيد لأ ، يعني مثلاً لو شخص عايش في منطقة نائية وبعيد عن الإعلام وقلب الأحداث ولا بيعرف يقرا ولا يكتب وحد جه ومضاله[B] وكتبله بياناته على الاستمارة ، وقد يكون الشخص ده معتقد انه كده خلاص مرسي هيمشي وإن الورقه دي زي الورقة بتاعت الانتخابات وزي ما جه بورقه هيمشي بورقه ! فده طبعاً احتمالية مشاركته ضعيفه.[/B]
[B]- هل في حالة إزاحة مرسي بطريقة أو بأخرى ، هل هيتم تشكيل مجلس رئاسي مدني زي ما الناس كانت عايزه أيام الثورة؟ والمجلس ده هيتكون من مين؟ ، وهيقعد فترة قد ايه؟ ، ومهامه هتتحدد على أي أساس؟ ، ومين أصلا اللي هيحدد كل ده؟
- في حالة إجراء انتخابات رئاسية مبكرة ،[/B][B][B][B] مين البديل[/B][/B][/B][B][B][B] من المرشحين[/B][/B][/B][B][B][B] اللي محتمل انه يحل محل مرسي ؟ خصوصاً إن اغلب الأسماء المعروفة في المعارضة مواقفها مكانتش واضحة[/B] أو فيها ميوعه أو انها حاولت تستفيد على حساب الثورة. وإيه الضمان انه مش هيتم تزوير الانتخابات مره تانية لمرشح معين ، ومحتمل جداً يكون لأحمد شفيق خصوصاً بعد ما اصبح البعض اللي بيترحم على مبارك هيبقى شفيق تلميذ مبارك هو الملاذ بالنسبه لهم وتحديداً انصار مبارك.[/B][/B]
[B][B][B]* اصبح عندي قناعة إن مصر حالياً والمناخ فيها غير مهيأ أبداً لما يعرف بـ "ديمقراطية الصندوق" لأنها هي سبب النكسة والخلاف والفرقة اللي احنا عايشينها من أول ما لجأنها لصندوق للإستفتاء على نعم أم لا على تعديلات الدستور في [/B][/B][/B][B][B][B][B]19 مارس 2012 لغاية الاستفتاء على الدستور الباطل.[/B][/B][/B][/B]
[B][B][B]* حدسي بيقولي إن اللي بيحصل هو إن أي مرشح رئاسي قبل ما [/B][/B][/B][B][B][B][B][B][B][B]يوصل لمنصب الرئاسة[/B][/B][/B] عن طريق الصندوق الانتخابي حتماً ولابد هيكون عقد صفقة [/B][/B]في المزاد الرئاسي ويقدم فيها الضمانات الكاملة وفروض الولاء والطاعة لدول معينة ويضمن لهم مصالحهم في مصر والمنطقة[/B][/B][B][B][B] كلها[/B] واستمرار سياساتهم التوسعية أو السيطرة عليهم حتى ولو كان ده على حساب مصر وشعبها ، واللي يقدم [/B][/B][B][B][B]أفضل [/B]عطاء في المزاد هو الكسبان والانتخابات هتتزور لصالحه.[/B][/B]

[B][B][B][B][B][B][B][B][B][B][B]الحلول المقترحة:[/B][/B][/B][/B][/B][/B][/B][/B][/B][/B][/B]
[B][B][B][B][B][B][B] الحل الثوري الشعبي هو[/B][/B][/B][/B][/B][/B][/B][B][B][B][B][B][B][B][B][B][B][B] ده الحل الأمثل[/B][/B][/B] ، [/B][/B][/B][/B]والخروج من الأزمة مش هيبدأ إلا بالتوحد وتجميع كل الأطراف والأفراد في مصر وخارجها، ومحاولة التخلي عن الذاتية والتحزب والأنانية والتقسيمة الملعونة ما بين السلفي والعلماني والفلول والليبرالي والنصراني والبطيخي.[/B][/B][/B][/B]
[B][B][B]كنت من زمان بحلم بيوم يجي في الأيام الجاية انه يتعمل دعوه أو خطوة أو مبادرة لعقد مؤتمرات أو لقاءات وطنية شعبية جامعة لكل الأطراف الشعبية من العلماء والمفكرين والكتاب والفنانين والمثقفين والإعلاميين ويحصل حوارات فكرية شاملة زي سلسلة بتاعت احمد المسلماني والكل يجتمع على طرابيزة واحده ويتكلم بجدية وبصدق وبحياد وبصراحه وع المكشوف ، وكل واحد يحط تصوره الخاص للحلول والخطوات العملية[/B][/B][/B][B][B][B][B][B][B][B] والواقعية اللي ممكن تتخذ ل[/B][/B][/B][/B][/B][/B][/B][B][B][B][B][B][B][B][B][B][B][B]لنهوض [/B][/B][/B][/B][/B][/B][/B][/B][/B][/B][/B][B][B][B][B][B][B][B][B][B][B][B][B][B][B][B]بمصر وا[/B][/B][/B][/B][/B][/B][/B]لخروج [/B][/B][/B][/B]من النكسة المفجعة اللي بتمر بيها سواء اقتصادياً وأمنياً وسياسياً واقليمياً أو غيرها ، وإيه هي الأليات أو البدائل اللي ممكن تتحل بيها [/B][/B][/B][/B][B][B][B][B][B][B][B] المشاكل في [/B][/B][/B]المرحلة الجاية ، والخروج بتوصيات محددة وصريحة وقاطعة في نقاط موجزة توضع في ملخص له جدول زمني للتنفيذ، ويبقى الملخص المجدول ده مرجع شعبي وتوصيات الكل يكون ملزم بيها من أبسط مواطن لغاية أي رئيس ييجي. وده للأسف اللي كان المفروض يتعمل من أيام الثورة الأولى وهي في عز الحماسه والحيوية.[/B][/B][/B][/B]
[B] [/B]
وفي كل الأحوال وعلى أي حال ، فموضوع السلطة والحكم بالنسبه [B]للإخوان مسألة حياه أو موت لأنه حلم عمرهم السياسي ، و30 يونيو هو اختبار مهم من ضمن اختبارات قادمة هتكشف وتبين حاجات كتير جداً جداً عن مستقبل مصر في المرحلة الجاية.[/B]