حلمت ان ماما كانت بتشتريلي كوتشي بس هي ما كنتش عارفه تشتريه لوحدها و انا كنت رايحلها متأخره و كنت دخله المحل بسرعه، دخلت شفت علي رف كوتشي بس شكلها قديم و مش نظيفه و جواها شراب شكله مش نظيف و محطوط جوه الكوتشي دي، بصيتلها بس و مشيت مع انها كانت عاجباني اوي.
بعد مده ببص لقيتني لبسه واحده جديده نظيفه بس بتتقفل بلزق مش برباط، اللزق في الرجل الشمال مكنش مقفول كويس، بصيت بردو عليها و بقول لنفسي و انت بشرب ميه اني خايفه اللزق ده يبوظ.
انا في الحقيقه دلوقتي قاصه شعري من شهرين كده و عاجبني اوي، بس في الحلم ده انا شعري كان طويل جدا لآخر ضهري و شكله اتقل من ما كان عليه قبل ما اقصه بس كنت مبسوطه بيه اوي و عماله ابص علي ضهري و انا شايفاه و بقول لماما انا بفكر ما اقصوش تاني شكله كده حلو قوي.


الاسم: شيرين
1- الجنس : بنت
2- العمر:25 سنة
3- العمل : خدمه عملاء في بنك
4- الحالة الاجتماعية : عازبة
5- الحالة الصحية : جيدة
6- بلد الاقامة : مصر
7-هل يوجد اطفال : لا
8-وقت الرؤيا : من بعد 4 صباحا
9-الإلتزام بأمور الدين والصلاة : ملتزمة
ح10- كم مضى على الرؤيا: 11/11
11- هل انت علي طهاره : نعم

يرجي التفسير لو سمحتوااااا

ليه مافيش تفسير إلي الآن

يا فيزياء شكراً علي ذوقك، كلك ذوق والله مش عارفه اقولك ايه. اكيد انتي مش بتعرفي تفسري احلام زيي علشان كده انتي كمان هنا علي المنتدي