ايـــــــام لـــن تعــــود

    • ايـــــــام لـــن تعــــود

      أيام زمان چان المطبخ بي گاونتر واحد وبي كل المواعين، وچانو يطبخون ليل ونهار !
      وهسه البيت بي مطبخين والأكل يچيبوه من السوگ!

      أيام زمان چان البيت بي 10 أولاد وبنات ومتربيين أحسن تربية !
      وهسه البيت بي بس ولد وبنية وأهلهم ميگدرون عليهم !...

      أيام زمان چانت الناس تنام أحلى نومه عالگاع!
      وهسه الفراش قيمته گومة فلوس والليل كله يتگلبون وأرق وكوابيس!

      أيام زمان چان البيت بي تلفزيون واحد وقناة وحدة ونعرف منه أخبار كل الدنيا !!
      وهسه كل غرفة بيها تلفزيون وألف قناة ومحد يعرف عن الثاني شي والإعلام كله چذب!

      أيام زمان ما چان أحد يعرف شي عن الصحة ،بس چانو كلهم أصحاء وعدهم لياقة بدنية !
      وهسه الكل يحچون عن الصحة والرياضة ، ونص الناس مريضة وتعبانة!

      أيام زمان چانو يدرسون ويتعبون بالدراسة على اللالة والفانوس ، ويفرحون بالشهادة !! ﻻحفلات نجاح وﻻ هدايا ومتونسين !
      وهسه اﻷم واﻷب يدرسوهم، ويجيبولهم مدرسين خصوصيين ويادوب ينجحون وتعالوا شوفوا الهدايا والحفلات!

      أيام زمان چان البيت بي هول وغرفة خطار ومطبخ وغرفتين وچان البيت مفتوح للكل!!!
      وهسه مساحات وطوابق وگومة غرف وإذا واحد فكر يروح خطار لازم ينطي خبر والگعدة كلها رسميات

    • الايام لا ترجع الى الاوراء فما احلى الرجوع لذكريات
      دهرٌ عَلا قَدرُ الوضيعِ بهِ .. ] وهوى الشريفُ يحطّه شرفه ..] كالبحرِ يرسبُ فيهِ لؤلؤه .. ] سِفلا ويعلو فوقه جِيَفُه ..]

    • الله ...فديت اللهجه العراقيه مره حلوه .........بصراحة مثل ما قلتي حلاوة أيام زمان ما تنعاد ...كانت القلوب صافيه والنوايا سليمه ...الحين كل واحد يحسد الثاني ويغار منه .........شكرا على الموضوع ...يجنن هوايه ...

    • [ATTACH=CONFIG]132532[/ATTACH]
      الصور

      • 76.jpg

        15.01 kB, 238×212, تمت مشاهدة الصورة 179 مرة
      انا آنثى متمردهہ مزاجيةةَ ذآت مفردآت عنيدھہَ لست مجبورھہَ على تبريَر موآقفي لمنَ يسيء آلظن آتحدث بعفويھہَ , آضحكك بشدھہَ , أغار بجنوننَ , وآعشق بخجل.،، <3