روح والله لا يردك واحد هذي علومه

    • روح والله لا يردك واحد هذي علومه

      روح والله لايردك واحد هاذي علومه *** روح والحب الحقيقي شيعه وأعلن وفاته
      روح وبحلم في زمان ماجنيت إلا همومه *** البعض هانت سلومه والزمن زادت رداته
      روح بحلم مثل غيري يوم كل له حلومه *** وأجر بحلم حلمته والخجل نرمي عباته
      والله اني من رجال عاليه القدر محشومه *** والرجال وش هي حياته كان ركب العز فاته
      مادريت كيف يوسف شقت زليخا هدومه *** ومادريت كيف ربي أنقذه وأظهر براته
      وطلعت شمس الحقيقه حتى وسط السجن جاته
      وانته مثل الي ظلم يوسف وحومك مثل حومه *** الفعل نفس الفصيله والصفات مواصفاته
      والله توني عرفت ان المواضيع محسومه *** يوم شفت الحب حبي والرحى هذي رحاته
      وشفت نظرات الخيانه والغدر هاذي رسومه *** قلت أجهز للعصابه قبل تصلني حصاته
      ودام هذا قدر خلك في سواته من يلومه *** ودام هذا قدر خلك كل يسوي سواته
      الوصال مع المذله الله انك لاتدومه *** والفراق بعز نفس الله يكبر حلاته
      لاتصورني ضعيف مغرق دمعه كتومه *** ولاتصورني قوي مرخصك يانصف ذاته
      كان يجمع بين كل ضد وضد قسوه مع نعومه *** والحسين من الصفات النابغات مواصفاته
      ويوم عزم للموادع مابقى له غير فاليمنى وصاته *** وأخر الكلمات قالها جلمه شقت شفاته
      روح والله لا يردك واحد هاذي علومه *** روح والحب الحقيقي شيعه وأعلن وفاته


      اخوكم ظفاري