كلام الملوك ... ملوك الكلام

نهاية الكلام ... مسك الختام...

والبداية ( خير الكلام )


إذا شفت الزمن مقفي .. بعينه نية التجريح

رهنت النفس للعليا .. لين تموت مرهونه

ترى خير الكلام الذكر ... وأشرف مفرده تسبيح

ودنيتنا قصيده .. وأعتقد ما هي بموزونه ..

يطيح المزن .. لكن السحابة ثابته ما تطيح ..

مثل مداتنا لامن عطينا جات مضمونه

و أنا ماني بطير صاده القناص بالتلويح

أنا طير على الغيمة يحوم و لونها لونه

إن التلميح ما يكفي عن الشرح ومن التلميح

ما يجرحني زوايا خافقي ويحطم ركونه

قصيدي كان ما بكى السحاب ولا استثار الشيح

يمين الله لا طبع بنات الفكر من دونه

أعسف للقاف المعنى مثل عسفي ببنات الريح

وتجي قافي مثل شيخاً بني عمه يحشمونه

أنا اعشق بكل احساس لكن مستحيل اصيح

انا لي هامة عيت تطيع الذل مجنونه

انا سدي حفظ سري بكلام ولا عدت ابيح

وعذالي تعرف شقيمتي في روح مغبونه

عجزت اداوي اهات الشعوب وفكرة التسليح

وإذا جيت اشعل اهرام الظلام يموت فرعونه

وإذا عيا على الظامي نهر دجلة وعين السيح

من يلوم الحزين ليا انتثر دمعه من عيونه

أبا اشبح دام ما يقبل ميول الفكرة التصحيح

وأبا أرقى للنجوم الي تبا موتي على هونه

ترى طعن الظهر غادر و لا يحتاج له تصريح

ولدغات الحنش تقتل وخص إن جات مدفونه

يقال إن الأساطير القديمة ما تبي تنقيح

وسنون سممت تقتل ولو ماهي بمسنونه

أنا ما خفت من برد الضلوع وقسوة التبريح

أنا ألفظ كل زفرات الغلا واللي تعرفونه

أنا أخاف أنثر بيوت القصايد في مهب الريح

وأجرح مهجة الإحساس والقيفان ملعونه

دائماً في القلب أيتها الساحة

البداية كانت معك ... وأكيد النهاية تكون معك ..

أسعد الله صباحك بالخير :)

لا إله إلا أنت سبحانك إني كنت من الظالمين