استشارات زوجية واسرية ...للاستفادة "متجدد"

*ـ╗══ೋ.cc •• ೋ.cc══╔*



*#إستشـارات_اسريه

أ.ناديه القطان



*ـ╝══ೋ.cc •• ೋ.cc══╚*



✍انا حصل مشكله بيني وبين زوجي

ووصلت المشكله للطلاق طلقه وحده ومارجعت الا برضوه وبعد مارجعت كل اسبوع يطلبني ارجع الفلوس حقته ويجلس زعلان يومين ثلاثه يعني ابغى اعرف ليش يبغاني أرجعها وكل ماطلبته شي يقول أعطيتك الفلوس واعطيتيها أمك والفلوس أعطيتها اهلي قبل مارجع له ويهددني اذا مارجعت له الفلوس يتزوج عليه مادري وش الحل معه

...........

~*الإجابة :*~

اختي الفاضلة تفاهمي معه وذكريه انه دفع هذا المبلغ حتى يرضيك ويرجعك معه وفي حالة انه بقي رافض تقبل الأمر قوليله تفاهم مع اهلي وهو ماراح يقدر يتكلم..

الشي الثاني

ياعزيزتي هو لو عنده فلوس وناوي زواج ماكان بيطلب منك الفلوس اللي دفعها لك حتى يرضيك ويردك، حاولي تتفاهمي معه خير الامور اوسطها، واختاري الوقت المناسب للنقاش معه لأن الرجل مهما بلغت قوته وعناده فالمرأة تقدر انها تأثر عليه وتملك قلبه فكري بهدوء واعرفي طبيعة زوجك وراح ينسى الموضوع وتكون اموركم طيبة.

_________________



✍السلام عليكم اختي انا عندي مشكله والله مقهورة وابكي انا درست جامعه بكالوريوس وزوجي متعلم وأستاذ جامعه ومعايا ولد عمرة سنه ونص لي سنتين متزوجه حياتنا دائما مشاكل مانفهم بعض انا حساسه جدآ وغيورة عليه من زميلاته وطالباته أحسه متكبر عليا حتى رومانسيه معدومه كلام حلو نادرا بعد عتاب يقولها لي اسبوع اسبوعين ويرجع عادي هو شمالي شرقي قريت عن شخصيته بس ماقدرت اطبق الي قريته احس قلبي يوجعني. .الحين في دبلوم سنه انجليزي من منظمه مجان اقوله سجلني رفض جدآ سجل هو يدرس بس انا قالي ماتحتاجيها انتي مسؤليتك بيتك وعيالك وبس طموحك ينتهي من بعد زواجك دائما يكسر فيني حتى في شكلي يكسرني انا حلوة بس هو يقولي في أجمل منك ويشوف خواته أجمل مني. .حتى لو البس اتصلح الي يوفوني يمدحوني ذوق في البس وشكلي حلو الحمدالله بس اتمنى منه كلام الإعجاب.

.....................



~*الإجابة :*~

اولا حبيبتي لازم تكوني واثقه من نفسك

سواء كنت جميله ام غير ذالك

واذا انت غيوره هو يستغل غيرتك لصالحه ويستفزك

اهتمي بنفسك اولا

ولو اراد ان يكون بين زميلاته وطالباته لما كنت زوجه له

كوني انسانه متفائله فليس كل من كان في مكان عمل مختلط بانه يرى الحلوى المكشوفه جميله

هو يراك دره مكنونه ويريد الحفاظ عليك لانه يمنعك الان من الاكمال

لايعني ان تصرفه صحيحا ولكن ينبغي ان تفهمي جوانب شخصيته الخفيه

بالنسبه لكونك جميله انتقي الفاظك حتى لايشعر بانك تتعالين عليه بجمالك فهو حتما سيرد بان هناك من هم اجمل منك

(وهذه حقيقه لاينبغي ان تؤثر فيك فهناك من فيهم اجمل منا ولكن قناعتنا بانفسنا ورقي اسلوبنا وحضارتنا وتفكيرنا الايجابي هو مايمنحنا طاقه لاستيعاب منهم حولنا .. والرجل لايتخدث عن الحب كثيرا

ولكن افعاله هي من تتحدث

حاولي ان تستوعبيه وتتحمليه

وفكري في استدراجه باستخدام ذكائك العاطفي في حياتك العديد من السبل والوسائل

تستطيعين فيها فك شيفره هذا الرجل

وكما اسلفت سابقا انتم في بدايه حياتكم حاولي ان تكتمي جم غضبك منه في اعماقك

حتى تفهمي شخصيته الحقيقيه

ليس كل الشخصيات التي تكتب انها نفسها التي نصادفها في الحياه لربما هناك اشياء ايضا تختلف من منضور شخص الى شخص اخر.



_________________





✍اني متزوجه من قريب صار لي شهر ونص تقريبا تزوجت من ولدعمي وقد خلصت سنه جامعه وباقي ثلاث سنوات وشرطنا عليهم اخلص درستي ووافقوا والان حاولت مع زوجي كثير اروح يومين بس بالاسبوع بس مااقتنع وحاول يقنعني علشان ابطل الجامعه بس اني رفضت وحاولت كثيررر اقنعه بس بدون فايده والان اني محتاره ابطل الدراسه والا اروح بيت اهلي واخلص دراستي والمشكله اني احب الدراسه موووت اكثر من مااحب زوجي ومستعده استغني عنه علشان الدراسه ونسيت مااقول الجامعه بعيده عننا ساعتين. بالسياره.

.............................



~*الإجابة :*~

اذا الزوج شاريك ليش تفرطين في زوجك ؟؟؟

وعشان ايش

يمكن تكملي دراستك ويحصل طلاق وايش استفدتي حاولي تكوني اوعى من ذالك

احنا جامعيات وجالسين فالبيوت نتمنى زوج وبيت واسره

وربي اكرمك بهذي النعمه ليش تدوسيها



اذا اكرمك بحسن التعامل واللطف ما تضحي عشانه ؟

اما بالنسبه لشرط فلو كان قبل الزواج يحق لك شرعا

لكن فكري بالمنطق والمعقول

ليس كل من اكملت دراستها حصلت ع كل شي.



______________



✍انا زوجه ثانيه عمري ٣٠ وعمر زوجي ٥٥ عندي طفلين وانا رومانسية وعاطفية وأحب اهتم ف زوجي اتصل فيه اهتم ولكن هو مايبادلني نفس الشي وانسان مايحب النقاش ولا العتب ودايم يجرحني اني ماعرفت اتعامل معه ولا عندي اُسلوب وانه يحاول يغيرني بس مافيني فايده كل هذا لاني لما يغلط بحقي أناقش

اخر موقف قالي انه صار يكرهني ويكره عياله وبيته بسببي علما باني قايمه بكل واجباتي ومهتمه بنفسي كثير وهو يشهد ع ذَا الشي

بس السبب انه يشوف اني دقيقه ف كل شي

واغلب قهري منه من فروق التعامل بيني وبين زوجته ف الكلام ف الاحترام ف التقدير الخوف لما تتعب

ابي اعرف كيف اتعامل معه لان نفسيتي تعبت مره.

............................

~*الإجابة :*~

الرجل لايحب النقاش والجدل اللي يشعره بانه هو الغلطان وعنصريه الرجل عندنا هي من كانت سبب في تعقيد الامر

غيري من نقاشك بلباقه

واعترضي بلطف

اذا شعرتي بانه قد وصل للكره حقا

فماذا تريدين تناقشي وتنتهي بنقاش عقيم خسرتي فيها نفسك بجدل لاحل له

وخسرت زوج لايريد النقاش؟

الزواج مشاركة وتفاهم فلا تصري على شيء انتي تعرفين نتيجته.



____________________



✍السلام عليكم

غاليتي



واريد استشارتك في موضوع وجزاكي الله الجنه

انا متزوجه من 4سنوات ونصف تقريبا انا وزوجي في نفس العمر عمرنا 25 سنه تزوجنا وكنا نعشق بعض وفي فتره من زواجنا تقريبا فالسنتين الخيرتين اكتشفت من زوجي لنه يخونني مع فتيات اخرات مغازله ومكالمات ويشحن لهم المهم حياتنا خربت بسببعم وزوجي صار يمسك علي كل خطا صغير مني وانا بعد كل فتره اكتشف منه خيانه

مرات احصل جوال وشريحه ومعبيها ارقام حريم

ومرات احصل معاه اشياء تخص الجماع من مزلق وواقي وزيوت مساجيه. ولخر خللف هذا وانا مااقدر اطالعه ولااتكلم معاه مقوره

الله يسعدك تفيديني بشي

جزاك الله الجنه.

...................

~*الإجابة :*~

اعذريني ع صراحتي ولاتحزني فانا مثلك انثى لكن اريد ان انبهك لشي لربما غفلتي عنه





النقص موجود لديك ...افهمي مايبحث عنه عند الاخريات لايجده فيك

البعض من الرجال يحب ان يداعب وان يستخدم مزلق لان زوجته جافه جنسيا واعتقد انك فهمتي ماقصد

البعض يجدها صامته ولاتشعره بانها تتلذذ بهذه العلاقه

البعض يحب ان تناديه وان تشعره بالرغبه ليشعر بانه مازال رجلا قادرا ع هذا الشي

والكثير من اللغات التي يريدها الرجل وينبغي للمراءه ان تتنبه لها





_________________





✍انا انسانه حساسه جداً اي كلمه تعصب فيا واتضايق منهااا

عندي صديقات بس ابغى الصديقه اللي تكون مثلي ماتتخلي عني واكون معها بكل شي ومااتركها لا اي ضروف واميزهاا بين الكل ذي هو اصعب شي وتكون وفيه لي

ابين للناس اني قويه وفاهمه كل شي ولا يهمني اي كلمه وع العكس قلبي من جوا احسه يغلي ع اي كلمه او اي جرح



احس ماني واثقه من نفسي

مع ان الكل يمدحني ويقولون فيني اشياء حلوه

بس مدري ليه احس في شي ناقصني



ونفسي ارد ب الكلام بسرعه

مثلا وحده قالت لي انتى حلوه استحي ماادري وش اقول لها اعرف وش اقول بس احس شي يمسك لساني مااقدر اتكلم



او وحده قالت لي كلام مهو حلو او مجروح احس اعصب واتضايق ومن كثر ماني معصبه من جوا ماعاد صرت اعرف وش اقول ولما يمر وقت واهدا اًتمنى ان قلت كذ وكذا



والمشكله اي كلمه طيبه تردني ولا كانه صار شي



وعصبيه جدا جدا ع عيالي واضربهم ماراتاح الا لما اضربهم واذ نامو اندم وابكي



والشي الثاني



ابغى اكون مميزه بين الكل في ملابسي وشكلي

لو اغير يومين كذا اشوف الكل يقلدني واكره ذا الشي مااحب احد يقلدني

ونفسي اغيره ونفسي اقول لهم ليه يقلدوني بس ماقدرت لانهم يحبوني





ابي ازيد ثقتي بنفسي ولا افكر ب اي شخص غير نفسي

وكمان وش الحل للعصبيه.

............

~*الإجابة :*~

الصديقات في هذا الزمن ليسوا مثلك لربما وقتك وعلاقتك وتنضيمك لوقتك يسهل عليك ان تتصلي بصديقات كثيرا

عليك ان تعذريهم فليس كلهم لديهم نفس نضامك وعليك ان تعلمي يقينا ان ليس كل الناس لديهم التمسك بالصديقات وانهم ذو اولويه عليا

اعلمي ان هناك علاقات صداقات جميله ولكن احيان تكون متعبه لانها تصل لحد التعلق مثل مايحصل معك

ليس كل من متصله الان متفرغه لنقاش او سؤال

الاغلبيه تريد الفرح والهروب من مشاكل الحياه لمزيد من الفرح والخروج من روتين الخياه اليومي

قدري ان هناك اوقات ثمينه ينبغي ان لاتصرفيها ع صديقات وان هناك مشاعر ليست لصديقاتك بل هي التي لاطفالك الذين تضربينهم وتبكين عليهم

ماجدوى دموعك بعدا هذا العنف

..احتوي اطفالك واوهبي مشاعرك لبيت واطفالك وزوجك ثم صديقاتك ..

كل النساء ليس لديها اولويه عليا مثلك

انت مخطئه ان تقدسي هذه العلاقه لهذا الحد ...

بالنسبه لان تكوني مميزه هذي مسأله تعتمد على الذوق فمايناسبك لايناسبني

اختيارك للالوان ومواكبه الموضه وتناسق الملابس والاكسسوارات يعتمد عليك انت اولا ثم مواكبه الموضه ثم مايناسب بشرتك وشكلك



بالنسبه لتقليد هذا يدل على انك منيزه وانك ذات ذوق رفيع

وما الضير في ان يقلدوك ..جميعنا نقلد الماركات وعارضات الأزياء لدقه التصاميم

المهم انك لاتقلدين غيره



الثقه بالنفس تحتاج منك التدري ع الالقاء والفصاخه والثقافه ومواجه الجمهور اي ماكان

اعتمدي على نفسك اولا

ثم ثقافتك ثم من تحاورين في زياده الثقه.



______________





✍السلام عليكم

يادكتورة اكتب وفي قلبي جرح ينزف

متزوجه من 6 سنوات ولاحظت منذالبدايه اتصالاته كثيرة ورسايل حب وغرام فجواله مسجلهم باسم شباب والخطاب يعود لبنات..

المهم مرت الايام واكتشفت انه يكلم ويراسل بنات واخفيت الامر عنه اني عرفت ونفسيتي تعبت لكن مشيت حياتي وانا محتارة ايش اقول وجا يوم واحنا مع بعض وصله مسج اثنا ماكان جواله بيدي يوريني بمقطع من عنده

وكان واضح انها من بنت وكان فرصه افاتحه بالموضوع وانفجرت عليه وانكر ذلك وحاول يبرر انه مقلب من احد اصحابه وكبرت المشكله ورحت بيت اهلي وخبرتهم لانها ماكانت هي المشكله الوحيده بخيل جدا ولايحب التسوق الا لضرورة ودايم عصبي..

المهم اصلحوبينا ورجعت وقلت له باليمين لوشفتة رجع للخيانه مرة اجلس ثواني ورمى جواله وطلعت له شريحه ومرت الايام بعد ان هدئت ورجع لشريحته بحجة للضرورة ومرت الايام جبت 2 من الابناء

والان شفته رجع دوم شارد واتصالاته كثيرة وبعض برامج التواصل حاط رمز..جاني فضول والغيت الرمز وكنت عارفه انو رجع لطبعه بس بشوف الكلام لوين واصل وياليت ماشفت حتى صور يستحي القول منها حتى مع بنات متزوجات حذفت احد البرامج وتركت البقيه ولم اقوله له شيئا حتى هذي اللحظه..

طبعا هو عرف اني الغيت برنامج بس بيحاول يعرف شفت شي والا .لا

احيانا يقول اشوفك زعلانه عسى ماشر واحيانا يطلعني ويقول عشان تعرفي اني وفي معاك وينتظر رد مني وانا الى الان لم اقله شيئا الا بعض التلميحات مثلا اشوف اتصالاتك كثيرة او يقول مشغول اقوله عارفه انك موفاضي...

المهم هذي مشكلتي واريد حل..

اخذت رقم وحده من البنات اللي عنده صاحبة الصور ولسى ماسويت شي..

المشكله الثانيه بخله وتقصيرة فالمنزل ومع اولاده وغيرته الزائده اما في خارج المنزل مع اصحابه وعلاقاته فهو كريم

حتى نمط شخصيته عجزت افهمها.

........................

~*الإجابة :*~

عزيزتي انا عارفة ومقدرة احساسك واللي تمرين فيه، حاولي تتفاهمي معه بهدوء تناقشي معه اعرفي ايش اللي فاقده حتى يبحث عنه مع غيرك ابتعدي عن الخلافات وحاولي تملكي قلبه بذكائك واسلوبك انتي زوجته اكثر انسانة ممكن تأثر عليه، صدقيني مهما مرو عليه لكن بداخله هو واثق انه مافي مثلك انتي اللي اختارك من بين الكل حتى تكونين زوجة له وام لاطفاله، احتويه اهتمي بنفسك لا تتعبي نفسيتك بل فكري بنفسك وحياتك واعرفي شخصيته انتي تقدرين باسلوبك تغيرينه بشكل عام المشاكل والنقاشات الحادة ابدا ليست حل بل تزيد الامور تعقيد لذلك طولي بالك عليه وحاولي بكل الطرق انك تكسبي اهتمامه وقلبه وتنسيه غيرك انا عارفة انه حاجة تعود عليها لسنوات ماراح تتغير بسرعة لكن الله قادر على كل شيء خلي ثقتك بالله كبيرة سبحانه قادر يغير كل شي بلحظة.





✍ايش اسوي بعد ما اكتشفت خيانه زوجي ليه

عن طريق جواله عرفت انه في علاقه ومقابلات في المقاهي وعرف اني انا عرفت خلاص وهوه بعيد

علما بان زوجي الان بعيد عني

هوه في بلد وانا ف بلد اخر مع أولادي لانه هوه عنده شغل ف هذي البلد

مع اني قريبه منه ع طول ولا كنت متوقعه منه

لأني كل شي كنت أسويه له كنت له الام الحنونة

الخادمة المطيعه و الزوجه العاشقه الحبيبه

ما عمره طلبني ب فراشه وقلت لا حتى لو اني تعبانه

والحمد لله مهتمه بنفسي جدا وهوه كان يبدي اعجابه فيه

علما بانه هوه الرجل الاربعيني وانا اصغره ب ٣ سنوات

بس فيه طبع واحد انه رجل كتوم لابعد الحدود وانا حاولت أكون صديقه له بس وهوه ما يحبني اطلع ع اموره وكنت اقول انها حريته الشخصيه لو هوه حابب يقول انا كلا اذانً صاغيه حاولت بس ما قدرت أوصل ل طبعه هذا

وهو الان له سنه ونص عشان شغله وَذَا الشغل مو عمله الأساسي هذا عمل إضافي

كمان كان متمسك ببطاقه العائله جدا وكان يقول انه ما يقدر يسكن ف شقق عوائل الا ببطاقه العائله والمعروف انه بطاقه العائله مع الام وهذا اللي شككني فيه بزياده الين اكتشفت علاقه

الان انا ابغى الحل كيف أرد زوجي ليه

علما باني ارسلتله رساله بعد اكتشافي له باني مو انا اللي احاسبك ربي يحاسبك واذا ما خفت من ربك انا ما اخوفك وانه لكل جوادٍ كبوة وذكرته انه عندو بنات خاف الله فيهم لانه الدنيا دواره وذكرته بالحديث (ومن تتبع عورة أخيه المسلم تتبع الله عورته حتى يفضحه في عقر بيته ))

واذا تخاف الله فيه احفظ غيبتي مثل ما انا حافظه غيبتك

فيديني هل تصرفي صحيح

وَذَا كان صحيح ايش اللي اتخذه معاه ايش الحل









...............................



~*الإجابة :*~

انك لاتهدي من احببت ولكن الله يهدي من يشاء ..

لاتسمحي لغيرتك ان تعمي بصرك وبصيرتك وان تسمحي له بان يرتكب حماقات اخرى

ذكريه بالله تعالى

وان الدنيا وبناته ستلف به ويقعن مثلما كان يفعل

ذكريه بانه الله يرى واشرحي له مدى خطوره هذا الامر ومايترتب عليه من غضب من الله ومحص البركه فالرزق والاولاد

وانه ع ذالك امراض وفضائح سترنا الله واياكم

...

في حال انك يئست غيري من التغيير والذي يحتاج هدوء وصبر وتفقد ما الذي يبحث عنه ولم يجده فيك اجلسي معه جلسه هادئه ودافئه ورومانسيه

ابداي بنقاش هادي استكشفي ما الذي يريده

اطرحي عليه مشكله وقولي مالذي تراه مناسب حتى تتبعه

اساليه مالذي يحبه الرجل في المراءه

سواء عاطفيا اوجنسيا

..

اذا اجاب اجابات تثلج صدرك ...

لانها متوفره فيك ...

اساليه ..مالذي يبحث عنه ولم يجده ..

لربما تكون بعد المسافه واحتياجه الجنسي والعلاقات المحرمه زين له مالم يراه فيك

تفنني واثيري اعجابه وابتعدي عن الروتين والرتم الممل

غيري في شكلك

استخدمي طرق تثيره جنسيا لجلبه اليك

لاتدعي بابا الا وطرقتيه لتستعيدي زوجك.





__________________







✍السلام عليكم ورحمة الله وبركاته



انا متزوجه من (سنتين ٥شهور)من ولدعمي وهوطبعاً الولدالوحيد لاهله ولهذا السبب تتمحورمشكلتي معاه ل٣محاور:



المحورالاول:

طريقة تعامله معاي بدأت من بداية الزواج اوفترة الملكه يحاول يفرض شخصيته علي وكل شي ماخذه بالعناد والتحدي حتى في الايام الاولى.. بالرغم انه دبلوماسي وذوق بالتعامل مع امه وخواته ويستشيرهم بإشياء تخصني وتخص بيتي وكلمتهم المسموعه وانايهّمش كلامي ودايم صامت معاي ولايتكلم ولاكلمه بس مع اهله واصحابه اخباره توصلني من الناس ولوسالته عن شي بنفخ علي ويتنرفز واحياناًيطنش ماكاني اكلمه.



المحورالثاني:

اسلوب اهله معاي دايم مبني على الغيره دايم يحسسوني اني موجالسه اقدم شي مثلاً:لوجاوو عندي على العشاء وابدعت بالسفرة احسهم يغارون وتتغير ملامحهم ولو رحنا لعنداحد وشافوو ابداع جلسوو يصورون ويثنون على صاحبة البيت ودايم يحاولون يشوهون صورتي امام الناس ماتجينا ماتبغانا ماهوعاجبهاشي بالرغم اني ماتكلم عنهم ولااجيب سيره لهم.



المحورالثالث:هي مشكلة الجنس دايم احسه يتهرب مني ولايطلب احياناًيمرشهر بدون مايلمسني عادي ولو طلبته بطريقه غير مباشره يضطر ينام بالمجلس بالايام اومايدخل ينام الالمايكون متاكداني نمت او يتظاهر المرض اويعطي بدون نفس والكلام هذا من اول الزواج كان يصير.



حاولت مراراًلحل هذه المشكله..ولكن دايم اشعربخيبة أمل اريدحلاًجٌزيتم خيراً.....

.....................



~*الإجابة :*~

لماذا شعورك بالخيبه ؟؟؟؟

هذي علامه احباط امام معركه يجب عليك ان تنتصري فيها بذكاءك وقوتك بالله سبحانه وتعالى والدعاء .

هو ابنهم الوحيد فلذالك من الصعب عليه التخلي في بدايه الحياه عن اهله لكن المراءه الذكيه هي من تكون صديقه للجميع لاهله وزوجها

لاتتاثري فطبايع الحريم الغيره ...

ليس مهما ان يتحدثون عنك فهم يحملون ذنوبك

امدحيهم امام الاخرين حتى تكون اثبت لهم عكس مايقولون عنك

كوني الاجمل باهتمامك بنفسك وثقتك العاليه

غيري من شكلك

واجذبي ظوجك بمعسول الكلام .مره على مره على عشر راح يتغير

نحن ننفر من العتب واللوم فمابال الرجل الذي لايحب العتب واللوم

..

اذا ستخدمتي ذكاءك فيما يرضي الله ويرضيك سيصلح كل مابين يديك ...

وسهام الليل لاتخطي ...الدعاء الدعاء الدعاء



___________________





✍انا اتعرفت على واحد وكان منفصل عن زوجتو وبعد مااتعلقت بي واتفقنا على الزواج وكلم اهلي قررت زوجتو الأولى ترجع تاني وهو رضي عشان بينهم اولاد .. زعلت كتير وبكيت كتير وهو كمان بكي معايا وقررنا نكمل زواجنا لاني مااقدر اسيبو واتزوجنا وهي رجعت كمان. المشكلة انا عايشة في دولة وهو في دولة تانية انا محتاجة فيزا عشان اروحلو وهو محتاج فيزا ومصاريف عشان يجيني وهي زوجتو عايشة معاه في نفس البلد . احيان احس اني غبية لاني وافقت بس لما اشوف موقفو معايا واهتمامو حتى وهو بعيد ارجع اصبر .وانا كنت احسب انو خلاص مايحبها لأنها سابتو ورجعها بس عشان الاولاد لكن الحقيقة مو كده مازال يحبها.

....................



~*الإجابة :*~

هل وضعت نفسك مكانها وترضين ان ياخذ زوجك منك ؟؟؟

الحياه تجبرنا على التخلي عن اشياء نريدها لاننا نحبها لكن الله يضيع في طريقنا عثرات لنتنبه انها ليست لنا ..

هل تحبين ان ينتابك شعور هذه الزوجه ؟؟

الطلاق لايعني كره بل هو حل سلمي لرجل او امراءه فقدا زمام السيطره ع امور حياتهم ..

اعيد النظر في حساباتك ...









═════✨♕✨══════