الشاعر خلفان بن سالم الندابي

من جو العالي برّاقٍ سنا لعصير
يسقي الشراقي بمزون وهواطله
فرعون قبلك متعاطي ويقول كبير
تبغا تشوفه يوم لابس سنسله
وبنزغ جبالن راسيه علا تدبير
مالك فكفي عفاريتن مغلغله

مقصب خلفان بن سالم لشاعر سويري


اشهد شربنا الطحلب من عدم المياه
من عقب غدران ومخايل تنسكب
قوتك يصاحب م يبين الجمل فرحاه
نا حيد شخصن للجمايل مزتهب
ويبني المصاعط ماتروي الجمال تراه
نازغ صميل وعنه فالعدا منكب
انا ادورك مديون يدور وفاه
والليله تلاقينا بلا محنه وتعب
انسى المغضّه واسدك ع لفواد حصاه
ضاري على دراسه وقريّت كتب
وادعي فوادي مثمور الحبن مرعاه
من عقب مثمور الفواكه والعنب

مقصب خلفان بن سالم الندابي

اسمعك تنوح القيض ومندكي ع جريد
جريدن صميل ولن خشع م يطيحبه
سالم سيارك يطرا فالوغى صنديد
تمطر كفوفه كالقهب فسحايبه
وانته مبارك متسوّر بسور حديد
ماينقحم تسقي رسومن طيّبه
اسمعك تنادي عنتر من بطن الصعيد
لا من تواجب شي عندك حاله زهبه
وناداه سيّدنا ومعه ابن الوليد
بدروع وسناسل وسيفه فمنكبه
وقلنا ي ارض الله اجرعي هذا المريد
من ثار خلق الله بقت مستعجبه
اش كلفك تبا حتى الهوام تصيد
هام المقطّع الماس بمخالبه
لتقاربه يمبارك يقحم فالوريد
هام المغلغل اش تبابه تقاربه

تم

مقصب خلفان بن سالم الندابي (رحمه الله) الثاني

ياطارشي جوّد على حدبا الدسيم
حمرا نقيّه م لعتب وللاكني
حولين مكلوفه طعامن اب وخيم
قت وكنايز وتويّه شربن هني
فتلسواعد وعليها السنام شحيم
لمقلّدن جوب الجريد المحتني
سودا مقلها وازهر من عيون الريم
وظل العصى تشوفه فظلامن مدكني
وثّق شدادك وفراشك دعيه نعيم
علّا يتحكّبك حليوات الثني
عصر وعشيّه ضوّيها فظلام وغيم
شرق الشريعه مرّح مطياح الجني
وباتلقى شخصن لظايف رجلن كريم
ع لكور مدعنهن منان الشااذني
صدفنا غيدن صنعت رحمان الرحيم
لا مثلها يوسف ولا حد يعتني
حوريتن عذرا لها حسٍ وخيم
روحي مهاي الحور تخلق فالدّني
وصوّبني لحظن اشكل من ذبل الدريم
ودواء الأطبّا يوّلدّاه مافادني
لجوار بالله مدعنه الفواد سقيم
بعده لمن طرف البوادر لافني
جات السهاله وقال انه مستليم
رجّع وقاللي فرادك كاادني
منسى الجمايل منك معدود الظميم
لين الحشر ويلين عظمي ينفني
وابكي بعبره مثل مايبكي الفطيم
لين العشب شب وثمر فوق وجني
وبقيت حاني مثل عرجون القديم
زود النغايص والنكد بو صابني
ودي بزياره يانسل جود العميم
بالله والله عنّكم مانغتني
وباتت عيني تخايل برّاقن عتيم
يسني على الوادي مكاني وموطني
هذا مثالي يامعلّم الفهّيم
من كنت دايس في مثالي دلّني
وختمت قولي بطه والنبي الكلّيم
لي مهلك فرعون اللعين الملعني

تم

مقصب خلفان بن سالم الندابي (رحمه الله) الآول

ياطارشي ثور وتزمّل وزتهب
وقصد ديار الي تسمى المصنعه
دارٍ حُوّت كل المعاني والآدب
دارٍ عزيزه واهلها متوسّعه
فيها ولد منصور شخصٍ موتهب
حاز الكرامه له سمعتن شايعه
يوم الوغى ال من تقلد بالسلب
حتى الآسد يرتاع منه ويفزعه
تمطر كفوفه عليهم انواط وذهب
وبايصبح الخاطر عيونه قانعه
هندّيةً فيدينه مصقوله عجب
يمنيّةٍ تبري العظم وتقطّعه
ثاب الإلهي بجنودٍ ماتنحسب
سحابتن تمطر عرب وهملّعه
وبقا نبينا منتصر ما ينحرب
السيد عمر وخالد همّه مدافعه
نرجي مزونه كان تسقينا القهب
بيسيل وادينا وتفيض شرايعه
وحن بحرنا م يسافرو اهل الخشب
والشرع مايبقى رياح تشنّعه
والبحر م تآمن بساعه ينقلب
اميال من صنع الكفر بو طابعه
وختمت قولي بمن جاه القعود يخب
يشكو نبينا م الشبايك طلّعه
يوم رخّصله وراح فسيوح السهب
سالت دموعه يوم ثار يوادعه

تم