حلمت اني كنت رايحة الشغل و نزلت من بيتنا انا و اختي و قابلت زميلتي سلمي في الشارع و علي اول الشارع قابلت (الحبيب السابق) و هو كمان بيشتغل معانا في نفس المكان .. سلمنا علي بعض و كان عاوزني اخد سلمي معايا نركب تكتك لأول الشارع عشان نستني الباص من هناك و انا مرضيتش عشان مش بركب تكتك و مشيت انا و اختي و سيبنا سلمي ورانا واقفة معاه هو مش حابب يسيبها لوحدها و هي لسه جديدة مش فاهمة حاجة .. فا زعل مني طبعاً عشان مسمعتش كلامه .. اول ما طلعت علي اول الشارع كانت السيارات ماشية في اتجاهها الطبيعي و مرة واحدة جات سيارات تانية كتيرة في عكس الاتجاه و بشكل مريب و السيارات كلها خبطت في بعض لدرجة ان الطريق نفسه من كتر الحوادث اللي حصلت اتكسر .. و طبعاً مركبناش باص الشغل .. قولت لأختي يلا نرجع بسرعة قبل ما يحصل لنا حاجة .. و انا بجري راجعة علي البيت لاقيت عمرو قاعد مع صاحبه في كافيتيريا ناديتله .. عمرو تعالي بسرعة .. جه ورايا علي طول و انا كنت خايفة من المنظر الحوادث و مش فاهمة حاجة .. لقيت نفسي انا و هو زي في مكان فيه مطبخ و فيه ناس معرفهاش بتطبخ علي البوتوجاز و تقلب في الاكل .. بس عمرو جري يجيبلي كوب مياه من الكولدير عشان كنت خايفة و كان ورايا في نفس الوقت اللي واحدة من اللي بيطبخوا اعطتني كوب ماء .. قبل ما امسك الكوب .. اتكسرت و لم اصاب بأذي .. و كنت علي وشك الإغماء و الوقوع علي الارض فا عمرو ساب الماء اللي كان هيجبهولي و جري يلحقني قبل ما اقع علي الارض و فعلا شالني قبل ما المس الارض و بمنتهي السهولة و الخفة .. أرجو المساعدة لو سمحتوا