قصيده

    • السلام عليكم
      يجول شاعر


      تجرح حبيبك دوم وتجول مدري
      طيب متئ تدري إذا قيل لك مات
      وفر دموعك يبي يجي يوم تجري
      اذا رجعت ومارجع لك زمن فات
      يوم اموت ومايظل غير ذكري
      وغيض الندم يفتح قديم الملفات
      تبي تجي وترش بالدمع قبري
      وفي وقتها ماني محتاج دمعات
      بتقول لي اسف وتسكت وتسري
      وليا سريت ترجعك بعض الاصوات
      لاصاحوا الاموات ماعاد بدري
      وليا التفت وجيت ماردوا اموات
      مافاد بك تلميح وجهي وشعري
      ولافاد صوت عتاب مليان عبرات
      حطمتني بجروح وانا بصبري
      لاجلك صنعت من الجروح ابتسامات
      كم جيت لك مكسور وزودت كسري
      اقسى من جروحك لاطنشت بسكات
      وانا محال اعاتبك يوم ادري
      اخاف اجرح خاطرك بالعتابات
      اسكت واخليها على الله واشري
      خاطرك لو قلبي تشققه صيحات
      انا عطيتك ي الغلا كل عمري
      وتبخل تراضي خاطري بالكلمات
      شفني اذا ازعلتك على طول عذري
      جاهز ونابع من حنان وقناعات
      مافيه شئ يسوى الزعل لاتهذري
      خل نستغل العمر والعمر لحظات
      العمر يجري مثل مالدمع يجري
      مادامنامع بعض ليش الاهات
      خلنا نوفر حزننا دام ندري
      نبي نتفارق يوم ونذوق حسرات
      قبل الندم وقبل يضايقك هجري
      اصنع معي ذكرى جميله للاوقات
      وان كان ماهمك كياني وقدري
      ع الاقل للحب قدر وكرامات
      وان كنت تستانس ليا ضاق صدري
      اجرح ع كيفك جروحك مسرات
      اجرح حبيبك يبي يجي يوم تدري
      لاقلت وينه والقبر قال مات


      ودمتم بود
      الله ثم الوطن ثم رئيس الدولة