مجرد صدمه ,, وليس هناك أكبر من الصدمه ..!! لذلك اليكم جروح وحروف هذه الصدمه ..!!

لو كان همك بس انا اعيش بأحزان

قلي وانا باساعدك في ملامي

ولك بختصر هالدرب وباصير غلطان

ولخاطرك باعلن لقلبي خصامي

واعتبر مابيننا شي او كان

لاجل احترم صدق الشعور بغرامي

جيت ابرضي خاطرك قلت زعلان

جيتك على نية ومبدا سلامي

جيتك ابزرع للرضى فيك بستان

جيتك ابنفي في غلاك اتهامي

جيتك وانا لاجيت مااجيك ولهان

اجيك يسبق لهفتي لك هيامي

جيتك وقلبي تسبقه طيبة انسان

جيتك وقلبي قبل اجي فيك ظامي

جيتك ابسقي بشوفتك قلب ظامي

جيتك وجرحي في حشاي امترامي

جيتك وله جيتك من الشوق هيمان

جيتك كثر ماكان للحب اسامي

جيت ولقيت بقسوتك كل حرمان

((صدمه )) وكانت هي بداية حطامي

((صدمه )) وانا والله لازلت تعبان

منها وعجز قلبي تشيله عظامي

لقيت فيني يسعدك شوف الاحزان

وانك تحقق من طموحك ظلامي

ابشرك فيني الحزن صار عنوان

من يوم ماقل بغلاك احترامي

وان صار همك ليش انا جيت من شان

مايمدي الدمعه تكذّب كلامي